هل انا ناقصه ؟؟؟؟

**رفجه زايد** · 2008-03-20, 22:38

الريال خاصه يموت في الحرمه اللي اطنشه ..يقول في خاطره ليش وليش وانا شفيني وحالته حاله .....اما اللي يشوفهااااااااا تتبجبج عليه ومتعبه نفسهااااااا وياه خلاص الريال هنيه مطمئن يقول تموت فيني وين بتروح ...وهو بالشباب مدلع نفسه كل يوم كاشخ وطالع مع ربعه والحبيبه حتى ويههاااااا وماتقدر تغسله لانهاااااااا شاله همه ليش ومايعطيهاااااااااا ويه .........نصيحه اخويه لاتعصبين ولاتزعلين اولااااااااا اهتمي بنفسج عدل تعطري تعدلي لعبي مع عيالج ولا تسالينه عن اي شي يخصه خلي الامور عاديه لاتضاربينه ولاتهاوشينه ......خليه الامور عاديه لمدة اسبوع اذا ماشفتي ابووووووو الشباب يركض وراج مثل توم وجيري وبيسالج ليش انتي ماتسالين عنه وغيره

**الجوهره811** · 2008-03-20, 22:57

يمكن حرمته الاولى اتعود هيه اللي تجهزله الشنطه..ما بغا يغير العاده..وبعدين شو فيها من اللذه تجهيز الشنطه غير التعب ؟.. فكي عمرج ولا ادورين التعب..وانسي وجود حرمه ثانيه..عيشي حياتج وفرفشي..الدنيا ما تسوا

**بطاقه** · 2008-03-20, 23:44

يزاكم الله خير

بشوف والله يستر بعد شو بيستوي في الصيف

**فن القفطان** · 2008-03-21, 00:38

الله يعينج الغلا
ان الله مع الصابرين فديتج

**نااعمه** · 2008-03-21, 05:32

قلبي عليج الغاليه

فديتج رمسيه دخيلج لا تكتمين فاتحيه بكل شي تحسين به قولي له كل شي فخاطرج خلي خطوط حمرا مب لازم يتعداها لازم يعدل دام قرر يتزوج حرمتين طالبي بحقوقج لا تسكتين راويه انه مب عاجبج وانه تعبانه حرام عليه الي يسويه

**ستايل غير** · 2008-03-21, 05:59

هلا حبيبتي ... لا تتضايقين أبد ... و احتسبي الأجر عند الله رب العالمين

يمكن ريلج و لا مرة جربج في ترتيب شنطة السفر

لكن من ناحية ثانية مجرب حرمته الأولى في الترتيب و شاف إن ترتيبها اوكي و يساعده وايد لما يسافر

فالمفروض الحين إنج تثبتين له إنج خبيرة في الترتيب و هالسوالف

يعني مثلا رتبي له هديه .. أو مثلا رتبي له الكبت و أغراضه في الغرفة بحيث إن أي شي يباه ع طول يلقاه جدامه

و صدقيني ترى الريال يكون معجب أول في زوجته لما يشوفها ترتب كل الأغراض اللي يحتاجها

بتكبر في عينه وايد و بيحبها أكثر و أكثر و بيفتقدها بعد وقت السفر ..

---

أما بالنسبة لسالفة رقم الغرفة اللي عطاه لزوجته الأولى .. لازم يكون فيه تصرف من صوبج

مثلا لما يرد من السفر .. قولي له العيال كانوا متولهين عليك وايد و أنا أكثر عنهم و كنا نبي نسمع صوتك بس ما عرفنا ع اي تلفون نتصل بك .. و المرة اليايه لازم اجباري تعطيني رقم اتواصل وياك

و من هالكلام ..

أتمنى إني أفدتج أختي

و ربي يوفقج إن شالله

**marionnette** · 2008-03-21, 10:55

يقولون الريال يوم ياخذ الـ 2 يرد نفس ال******************* (مابغي اشبه بالحيوان) عند الاولى!!

حاولي ترمسينه

**بطاقه** · 2008-03-21, 10:59

تسلمن يالغاليات

**مروهاج** · 2008-03-21, 11:00

ابله فئ ما قصرت

**بنوته مووت** · 2008-03-21, 12:31

الله يهديه لج ان شاءالله. .

**الأميره...** · 2008-03-21, 17:31

الله يعينج بس انتي حاليا في شو بتسوين له وشو بتلبسين
ماشالله البنات واايد عندهن أفكار حلو واقول في خاطري يوم بتزوج بسويها
وبعدين لاتفركين واااايد في الموضوع وتآكلين قلبج مب زين المرض بييج من كثر مب مقهوره وتقولين انا ناقصين شي أو أنا ماعرف شي بالعكس كل حرمه تعرف ترتب وتطبخ وتعلم وكل شي تسوي
واستغلي الفرصه مدام هو مسافر طرشيه مسجات أول مايوصل بعد طرشله عشان تكونين أول حده ويحس أنج مهتمه فيه

**حزن قلبي** · 2008-03-22, 17:18

ما اعرف شو اقول لج، بس الريال باين يحب حرمته الاولى و يحن لها و هذا مب بيده، بس انتي طالبي بحقوقج و لا تسكتي

**هنووده** · 2008-03-22, 17:27

حبيبتي لا تسكتس لاااازم تنفجري عليه خليه يحس فيج وليش إنشالله ما يخليج ترتبين شنطته شو ناقصنج ...لازم تقهرينه انتي بعد ولا تخلي عمرج مب فارجه عندج

**بيونكا** · 2008-03-23, 01:45

ببساطة هذيج سألته وانتي توقعتي انه اروحه يقول لج

الرياييل ياماما يبون لهم وحدة شرات الراعي وراهم لين يتكلمون ويسوون ويعطون ويراعون ان غفلتي سرح بعييييييد عنج

الموضوع: هل انا ناقصه ؟؟؟؟

أدوات الموضوع

عرض

المواضيع المتشابهه

ناقصه عقل ودين

ناقصه عقل ودين

000 افتخري بانكي ناقصه عقل

الشؤون بيذبحوني ناقصه عمر