كيف اخليه يرجعلي!!!

**آيس كريم** · 2008-03-18, 03:05

السلام عليكم

شحالكم خواتي عساكم بخير!

خواتي والله انا محتارة وايد وابي نصيحه او فكرة حلوة تخلي ريلي يرجع .....

السالفة ومافيها ان ريلي قبل تقريبا اسبوع سافر على اساس انه بيتم هناك بالكثييييييييير اسبوعين .... وخلاني اخذ اجازة من الدوام اسبوعين عشان اروح بيت اهلي (فالعين) لاني طبعا مستحيل اتم في بيتي بروحي (في بوظبي)
المشكلة بنات اني حامل وتوني كملت الشهر السابع امس ودخلت فالثامن
ومن قبل لا يسافر وانا احس بآلام وتقلصات وثقللللل في بطبي حتى رحت المستشفى والدكتورة قالت لي لا تتحركين ولا تمشين بس ارتااحي وعطتني دوا يشيل التقلصات بس الدوا وايد متعب ووقفته ... (ورغم انه يعرف اني تعبانه بس سافر وخلاني) والحين صار لي من يوم الخميس احس الالم يزيد وفخوذي وظهري والمنطقة ال!!! يعوروني بعد واخاااااف اربي قبل وقتي بصييييييح

المهم خواتي قبل لا يسافر انا ماكنت راضيه عن هالسفرة لانه اصلا مب ضروري يسافر وكان في بدائل بس ريلي عنيد وحب يعاندني لانه على قولته (الريال كلمته ماتنزل) وهو قد قال لاهله انه بيسافر عشان جيه رفض يغير رايه!!!

المصيبه اللي صارت الحين ..... انه يمكن سفرته تطول ويتم هناك شهرين ثلاثه اربعه محد يعرف!!!!!!!!!!!! والمشكلة انه يقدر يرجع وحد ثاني يروح بداله بس مايبغي أهله يقولون عنه انه رجع عشان حرمته!!!!!!!! (ريلي فضيييع وعنيد من هالناحيه)
اقوله خل ابوك يروح بدالك يقول ابوي عنده عمليه (ابوه بيسوي عملية بسيطة وممكن تتأجل بكل سهوله)
اقوله خل اخوك يروح بدالك يقول لي اخوي مرتبط بشغله (مع انه يقدر ياخذ اجازة من الدوام مثل ما ريلي اخذ اجازة)

والحين انا لازم ارجع بيتي في بوظبي عشان دوامي بيبدا يوم الاحد
بنفس الوقت ماقدر اتم بروحي
وبنفس الوقت امي ماتقدر تيي تبات عندي عشان اخواني الصغار والمدارس
وابوي عنده دوام واشغال وماعندي اي حد

وغير جيه يعني يبي يتم بعيد عني 4 شهور؟!!!!!!! يعني بربي وهو محد!!!!!!!!! وكل هذا عشان شووووو؟؟ بس عشان محد يقول انه رجع عشان حرمته وان حرمته هي اللي تمشيه؟!!! والله قاهرني يعني عادي عنده اتم في بيتي بروحي بس محد يقول عنه هالشي؟!!!!! رغم انه والله العظيم ما امشيه بالعكس هو اللي يفرض رايه في كل شي وانا مالي اي كلمه حتى في حياتي انا وخصوصياتي انا بس شو اقول ريلي متعقد وايد!!!

ابي اقنعه يرجع بس ماعرف كيف
جربت وياه الزعل ومافاد بالعكس عاندني زياده
والحين جربت وياه الرومانسية الزايده والشوق المبالغ فيه ... احسه يتأثر بس بعد مب طايع يرجع
كييييييييييييييييييييييييييييف اخليه يرجع!!!! والله ثم والله ثم والله انه يقدر يرجع ويخلي حد ثاني يروح بداله بس......!!!!!!!!! الله يهديه ريلي

بليز عطوني طريقة بلييييييييييز

المزيد من آخر المواضيع من نفس القسم:

**عربجيه1** · 2008-03-18, 03:09

اول شي حابه اقول لج ربي يقومج بالسلامه ان شاء الله

ثاني شي حاولي فيه بانج تتمين تقولين له بس مب تزنين عليه

انه اول طفل لكم بينولد وهو ما شاف ابوه الا يوم كمل شهر او اثنين او ثلاثه

وقولي له

يالله شحلاتها لما يكبر الولد او البنت ونقول له انا وانته شو صار يوم انولد

بدال ما اتم انا بروحي اقول له وهو يتم يتخبر وين ابوه كان

بس قولي هالشي وخلي روحج ما تقصدين شي ثاني

وان شاء الله يفيد هالشي

**محد شراتيه** · 2008-03-18, 03:10

مب عارفه شو اقوولج

الله يعينج ختيه ^^

**شوق الاماراات** · 2008-03-18, 03:13

امممممممممم الله يهديه ياارب

شو رايج تقولين له حبيبي سامحني لو في يوم ضايجتك ولا شي بس انا صج تعباانه واحس اني لو ربيت مابعيش (بسم الله عليج ) وبيكون اخر يوم لي في هالدنيا ولو يا هاليوم وماشفتني تذكر اني احبك وامووت فيك وتحمل على الببيبي بعد موتي

<<<<<<<< وطبعاا بهالرمسه بيتم كل يوم يفكر ويحااتي لانه فيه وايد حريم وقت الولاده يموتون ( بسم الله عليج ربي يحفظج ياارب ) وبتم كل يوم يفكر وصدقيني بيرد لج

((( ان كيدهن عظيم )) فكري كيف تقولين الكلام وانتي متآثره وتخلينه يتأثر وبأمكانج تصيحينه وكل شي يباله اسلوب

**عيون_الورد** · 2008-03-18, 03:15

هلا الغاليه

لا تفكرين ف الموضوع ودبري حد ايي وياج بوظبي

وخليه برايه هوو بروحه بيمل وبيي

يوم بيجوفج جييه تحايلينه بيصر ع رايه ..

واصلا شكله ريلج اللي ف راسه يسويه محد يروم عليه

فالحل الامثل انج تدبرين لج يسير وياج بوظبي فتره

وانصحج بالدعااء يالغاليه مالج غيره

**algalb** · 2008-03-18, 03:16

الله يسخر لج ريلج إن شاء الله

إنتي حاولي معاه تحننين قلبه بطريقه رومنسيه يعني كيف بتخليني اربي واتعب وانته بعيد عني شو تبا البيبي يقول عنك لو يا بالسلامه وإنته بعيد ومن هالكلام مع كم دمعه وربي يوفقج

ولو ما طاع خلاص فديتج شوفيلج حل إفتحي ملف في مستشفى قريب من اهلج وادلعي عندهم وربي وخلصي نفاسج والله يسهل عليج

**عيون_الورد** · 2008-03-18, 03:18

الغاليه حاولي ادبرين لج شغاله اتم ويااج ولو مؤقت ؟؟

عالاقل فتره معينه ولا شغاله بيتكم خذيها لانج تعرفينها وهات لاهلج شغاله يديده

**ظبيانيه_قمررر** · 2008-03-18, 03:27

الله يعينج الغاليه
ماحبيت اظهر ومادعي لج
يارب يقومج بالسلامه
وتولدين وتييبين بيبي حليوه انشالله بين امه وابوه

**جوزاء حرة** · 2008-03-18, 03:53

الله يقومج بالسلامة......... أهم شئ لا تفكرين ةلا تعبين عمرج عشان البيبي ..........

**غــــلا بوظبي** · 2008-03-18, 04:10

الله اعــينج علي ذا الريــل...

مــافيــه الا تاخذين اجازة من دون راتب لــين ما ايــرد ريــلج واتربين بســلامــه ان شــاء الله..

خويتج :غـلا بــوظبــي

**آيس كريم** · 2008-03-18, 04:42

مشكوووورييييييييين عالردود خواتي

بس والله والله ماعندي حد ايي وياي بوظبي وماحب اتم ويا الشغاله بروحي <<< اخاف
وانا ما احاتي الولادة لان في ناس من اهلنا قريب مني يعني عادي لو استوالي شي بدق عليهم
انا احاتي كيف بيلس بروحي هالفترة كلها عشان الدوام لاني ماقدر اخذ اجازة... وبعد مابي اربي وهو مب وياي ماتخيل هالشي اباه يكون وياي ويوقف يمي ويساندني

بعدين والله قاهرتني ردة فعله يعني مايفكر فيني وشو بسوي وكيف بيلس بروحي
كل اللي يفكر فيه انه الناس ماتقول عنه (رجع بسبب حرمه\ حرمة تمشي كلامها عليه) هذا كل همه!!!!!

انا حاليا احاول قد ما اقدر احنن قلبه بالكلام الحلو واقوله شكثر انا مشتاقة له
وتوني الحين كنت اكلمه جان يقول لي (سيري داومي اسبوع ولا اثنين عقب دبريلج اجازة)!!!!! يعني عادي عنده اتم بروحي اسبوع او اثنين؟!!!!!!!
واللي قاهرني بزياده انه يقول لي انه مشتاق لي موت وخاطره يرجع اليوم قبل باجر وانه يحس بملل ويتمنى يرجع... بنفس الوقت مايبغي يخلي حد يروح مكانه وهو يرجع!!!! متناقض وايد

والله مب عارفة شو اسوي!!!

**بنت-الخوري** · 2008-03-18, 04:47

الله يقومج بالسلامة........... والله يعينج

وانتي تكلمينه صيحي.

**marionnette** · 2008-03-18, 05:01

ماشي غير الصياااح

**عيون_الورد** · 2008-03-18, 05:42

المشاركة الأصلية كتبت بواسطة آيس كريم

مشكوووورييييييييين عالردود خواتي

بس والله والله ماعندي حد ايي وياي بوظبي وماحب اتم ويا الشغاله بروحي <<< اخاف
وانا ما احاتي الولادة لان في ناس من اهلنا قريب مني يعني عادي لو استوالي شي بدق عليهم
انا احاتي كيف بيلس بروحي هالفترة كلها عشان الدوام لاني ماقدر اخذ اجازة... وبعد مابي اربي وهو مب وياي ماتخيل هالشي اباه يكون وياي ويوقف يمي ويساندني

بعدين والله قاهرتني ردة فعله يعني مايفكر فيني وشو بسوي وكيف بيلس بروحي
كل اللي يفكر فيه انه الناس ماتقول عنه (رجع بسبب حرمه\ حرمة تمشي كلامها عليه) هذا كل همه!!!!!

انا حاليا احاول قد ما اقدر احنن قلبه بالكلام الحلو واقوله شكثر انا مشتاقة له
وتوني الحين كنت اكلمه جان يقول لي (سيري داومي اسبوع ولا اثنين عقب دبريلج اجازة)!!!!! يعني عادي عنده اتم بروحي اسبوع او اثنين؟!!!!!!!
واللي قاهرني بزياده انه يقول لي انه مشتاق لي موت وخاطره يرجع اليوم قبل باجر وانه يحس بملل ويتمنى يرجع... بنفس الوقت مايبغي يخلي حد يروح مكانه وهو يرجع!!!! متناقض وايد

والله مب عارفة شو اسوي!!!

الغاليه خلج قوويه
صدقيني ريلج مستحيل مايخاف عليج

داومي وخلج قوويه

لانج قلتي ماتقدرين تاخذين اجازه ؟؟
وبعد محد من اهلج يروم ايي ويااج ؟؟

اخوانج الصغار عندهم مدارس !!

طيب والحل ؟؟؟

في حل اذا عندج بنات خالتج او عماتج (القرايب)
بطاليات خلهم اييون فتره مؤقته حتى اسبوع ويا الشغاله

قويي قلبج حبوبه

هالفتره اللي هوو محد اهتمي بنفسج وبالبيبي مالج

الخوووف اني اتم بروحي ؟؟

وليش الخووف ....اقريي ايات ربج الكريمه وكثري من الاستغفار

وذكر النبي صلى الله عليه وسلم

وهو بروحه بيقول برد البلاد

ليش اتصيحين وتتحايلين عليه

ادعي ربج يحنن قلبه عليج وصدقيني هو بروحه بيرد

ان شاءالله

**الغيثية** · 2008-03-18, 08:12

الله يقومج بالسلامة......... أهم شئ لا تفكرين ةلا تعبين عمرج عشان البيبي

الموضوع: كيف اخليه يرجعلي!!!

أدوات الموضوع

عرض

كيف اخليه يرجعلي!!!

المزيد من آخر المواضيع من نفس القسم:

المواضيع المتشابهه

خواتي انصحوني اخليه ولا ...........؟

مع منو اخليه بعد الولادة ؟؟

اخليه يعرس

ساعدوني النك نيم مالي ماطاع يرجعلي يا مسؤلين المنتدى