لو طاح المدخن ؟؟ شو تسوين ؟

[زكية الذكية]

السلام عليكم ...

بالغلط .. طاح الفحم على الفرش ... والفرش لونه بيج !! تخيست الحجره واايد ..
لين الحين ما حطيت يدي عليه .. ! أخاف أفركه بديتول وينتشر أكثر ... !!

شو أسوي كيف أخوزه ؟

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[كريستال]

نفس المشكلة صارت معاي من أيام على سجاد غرفة النوم ..
ما عرفت شو أسوي والسجاد صار مشوه شوي ويبان لأنه فاتح اللون ..
اللي عندها الحل تخبرنا يزااه الله خيييييييير ..

[ديور]

مره جربت هذا الموقف بس اشوه برع الحجره ...بس زين كانت قطعه زوليه صغيره بس جهه ثانيه سحبتها وغطيت المكان <<<<فكه عمرها من الشر

ههههههههههه

[الريمـه]

وانا حجرتي مشوها من الفحم في كل مكان بقع على الارضيه ؟؟

[الدلع العيناوي]

يا كثر مايصير هالموقف وياي وأمي تزفني زفه محترمه

يا كثر مانغير زوالي وأنا سبب خخخخخ :1 (34):

أللي تلاقي حل تفيدنا

[صدى حنيني]

انا لون فراشي بيج ومرة كنت البق حبة كلينكس واخليها تحترق بالكامل هههههههه مستويه ياهل المهم وانا اكررها احترقت ايدي وهديت الكلنكس وطاح عالزولية وحرقها بشكل فضيع والله وتغير لونها .. بس ماسويت شيء قلت الحمدلله يت في الزولية ومايت فيي

[المفنوده]

هلا خواتي اشحالكم والله انا عن نفسي اي شي يخيسلي الزوالي

احط فلاش ..الوردي.. بدون فرك لين مايجف وارد اكرر مره ثانيه

احطه بس عالبقعه وخلاص بعدها يطير

بس انا اقول لاتجازفون حطوا الفحم على زوليه اذا ماتبغونها وجربوا

والسمووحه منكم

[little lulu]

انا اعتقد انه ما في حل

[السعادة الحقيقية]

مره جربت هذا الموقف بس اشوه برع الحجره ...بس زين كانت قطعه زوليه صغيره بس جهه ثانيه سحبتها وغطيت المكان <<<<فكه عمرها من الشر

ههههههههههه

هههههههههههههههههههههههههههههههههههههههههههههههههه ههههههههههههههههه

[أم سلامه]

والله انكن سوالف


الا وحده لبق شعرها والا وحده ماطاح ع الزولية ههههههههههه


شوفن أنا أستخدم فانيش( Vanish ) مزيل البقع ووايد زين .... وهو أصلا للسجاد والموكيت وفرش الأثاث


جربنه وشوفن وادعلي <<< أهم شي



.. أختكم في الله ..

[غبيشة]

مرحبا يا بنات اسميكن سوالف

عموما اذا طاحت الجمرة على السجاد صبي ماء وشليها هاتي مقص وظبطي طول شعرات الصوف

وييبي صابون لوكس ما الايادي وافركي السنون والفحم

وممكن اتيبين مشط اتمشطين الفحم في زاويه وحده حتى لا ينتشر وخلاف اتغسلينه

اييكن شور استخدمن زوالي مشجرات وموردات شو تبن بالزوالي السادة يوم بيختربن ما بيتلاحظ الحرق

[قوس الربابه]

يستحسن اتغيرين الزوليه

[شيخه الحريم]

والله انكن سوالف

بسير انا احرق كلينكس بيرب شو يستوي

ههههههههههههههه صدقتن امزح وياكن

انا مع ختيه اللي قالت غيري الزوليه

[3lya]

لازالة آثار الحروق من القماش :

يُفرك الخل الأبيض على القماش.المحروق و من ثم يُفرك ثانية بقطعة قماش نظيفة.

[ال.ر..ي..م]

اقولكم اول شي هاتو المكنسه واسحبو الفحم بعدين حطوا افلاش بش لاتفركونه اذا فركتو بينتشر