ملف خاص للاستفسار عن المدارس

[طيبة الكويتية]

الله بالخير بنات
ليما الحين امهات وايد يدورون على مدارس حق اعيالهم, و لإفادة الجميع نقلت لكم التلخيصات اللي كانت موجوده في موضوع الاستبيان لأحسن مدارس الدوله. و حطيته لكم مع بعض التعديلات طبعا لأنه في بنات زادوا مدارس و زادوا اصوات. و راح ابدي بمدارس العاصمه ابو ظبي و مدارسها. و راح اكتب عند بعض المدارس تعليقات. لكن مو تعليقاتي هذا تلخيص لما كتب في بعض الردود خواتي مو اكثر. راح ابدي بالمدارس الأحسن الاى ان اصل الا الأسوء بنظر الأمهات.

1- مدرسة الاتحاد الوطنية
ممتازه,في خليفه أ ملك للدكتور عيسى السويدي و لها برنامج صباحي للصغار لقراءة القرآن و حفظه و يعطون الطلبه وقت للصلاة. يعني انها مدرسه تهتم بالعربي و الدين و الانجليزي. ام واحده فقط قالت انه سمعتهم اقى من واقعهم, و انها ما شافت شي من برنامج حفظ القرآن مو ذاك الاهتمام فيه. لكن بنفس الوقت امدحت الاداره و قدرتها على احتواء اي مشكله تصير." 8 اصوات"
و هذا الموقع مالها
http://www.alittihad-ad.com/ittihad%20sch.htm

2- مدرسة الشويفات الدولية
ممتازه, عيبها الوحيد كما قيل انه العربي عندهم ضعيف اهو و الدين لكن الباجي من اروع ما يكون. "8 أصوات". موقع المدرسه
http://www.iscad-sabis.net:88/ad/main.jsp

3- مدرسة الامارات الوطنية
صوت واحد ضدهاوالسبب انهم ما يرجعون كتب او اي شي مع الطالب يعني الأم ما تعرف شي عنه. و الصوت الثاني اللي ضدها قال انها من سيئ لأسوأ. بالمقابل 3 أصوات مع مدح المدرسه و قالوا عنها فيها اهتمام باللغه العربية و الدين.

4- مدرسة النهظه الوطنية
صوتين اشتكوا, واحد منهم من كثر الطلبات و انهم وايد و سخيفه و انه وقت الطالب يروح في تلبية الطلبات . لكن بنفس الوقت الصوت هذا مدح كثر الأنشطه في الصفوف و انه التحفيظ القرآني للطبه ممتاز و يكون عندهم كم كبير من المفردات و المعلومات العلمية و الشرح ممتاز.
بالمقابل 5 اصوات مع المدرسه و واحد منهم قال انه الطلبات بسيطه و متوفره في كل بيت.و الأنشطه روعه. و فيها يفصلون بين البنات و الصبيان.

5- مدرسة خديجه الكبرى
مدرسة حكومية قوية جدا و ماسكة المدرسه شركة كنديه. " صوتين فقط."

6- مدرسة ABC
هي عباره عن فيلا لكنها ممتازه في الانجليزي يمكن مثل الشويفات. و مهتمين بالعربي و الدين لكن هي من كي جي 1 الى الصف السادس فقط.. و 6 اصوات معها, و صوت ضدها.

7- المدرسة الأمريكية
في شارع المطار, صوت ضدها على اساس انه اختلاط الطلبه بالمعالمات بزود و ماصخ. و صوت يمدح المدرسه.

8- انترناشيونال كميونتي سكول
صوت واحد فقط و قال انه التأسيس عندهم في كي جي 1 ممتاز جدا.

9- مدرسة الربيع
صوت معاها و صوت ضدها.

10- مدرسة ابو ظبي الدولية
فيلا في مشرف, و الدراسه قويه جدا كما قالت احدى الأمهات, و لكن موقع المدرسه خطر جداا. " صوت واحد فقط"

11- مدرسة الخبيرات البريطانية
قالت احدى الأمهات انها الأولى في الترتيب على مدارس ابو ظبي واللي بعدها الشويفات. لكن كان ها صوت واحد فقط.

12- مدرسة بن حمودة النموذجية
صوت واحد فقط

13- مدرسة الشهب الخاصه
صوت واحد فقط

14- أكاديمية زايد
صوت واحد فقط

15- المدرسة العلمية الدولية
صوت واحد فقط. و هي رائعه من ناحية المنهج و التدريس والمعامله و الأنشطه. و منهجها بريطاني. عندهم اهتمام بالعربي و الدين. عيبها الوحيدانه المبنى شرات الفلل.

16- مدرسة البشائر الخاصه
في مصفح, رائعه و تعليمها قوي مع التركيزعلى القرآن والدين و الأدعية. صوت واحد فقط.

15- مدرسة الابداع العلمي
في خليفه, لم يمدحها احد يعني ابتعدوا عنها, وايد اهمال و تسيب و لا يوجد اهتمام بالأطفال في حالة الاصابه. و هي ليست فرع من مدرسة الابداع العلمي اللي في الشارقه.


16- مدرسة الورود
ما مدحها احد, قيل انه بعد ان تغيرت المديره اصبحت تسيب ولا فيها اي نشاط لجذب الطفل للمدرسه. و هي مدرسة تجارية.

:22 (21): :22 (21):

مدارس دبي و هي كالتالي:

1- مدرسة الشويفات الدولية
رقم واحد بلا منازع, و هذا موقعها,
http://www.iscdxb-sabis.net:88/dubai/main.jsp

2- مدرسة الاتحاد الوطنية
نفس اللي في ابو ظبي يعني ممتازه من كل النواحي.

3- مدرسة دبي الدولية
صوت قال انها سابقا من اروع ما يكون لكن الحين دمار . هذا بالنسبة لفرع القرهود. و بنفس الوقت صوت قال انه فرع القرهود وايد ممتاز و دراسته قويه. و 3 اصوات مع المدح.
الفرع الثاني منها في البرشا قيل انه احسن لأنه اعداد الطلبه مو كبيره و دراسته قويه

4- دبي الوطنية
ثلاث اصوات على انها زينه. و في المناسبات الدينية يسوون انشطه للصغارية( مثل رمضان و العيد و الحج) و يخلونهم يعيشون الحدث في المدرسة. يعني اهتمام بالدين. و في كي جي 1 يحفظونهم 7 سور اجباري.

5- مدرسة الخليج
صوتين على انها زينه


6- مدرسة جميرا النموذجية التطويرية
صوتين على انها ممتازه

7- النموذجيه التطويريه
صوت واحد فقط

8- البحث العلمي
صوت واحد فقط و قال انه المدرسه تمتاز باهتمامها بالدين لكن اسعارها ضو.

9- الأمريكية الدولية بالشارقه
فرع دبي صوت واحد فقط

10- المعارف الخاصه
صوت واحد فقط

11- أكاديمية دبي الأمريكية
اللى تبى اطفالها يتحدثون بالانجليزي .......محادثة ....وقرأة قصص وانشطة.....طبعا كل المواد بالانجليزى ونشاطات خيالية وتجهيزات رااااااااااااااااائعة . صوت واحد فقط. و هذا الموقع
http://www.gemsaa-dubai.com/


12- دبي للتربية الحديثه
ابتعدوا عنها صوتين ضدها و قبل انهم يعطون درجات بالهبل و الغش عندهم عادي. و لو انه الطالب ماخذ عندهم 90% و تسئلونه بأي شي ما يعرف يجاوب.

:22 (21): :22 (21):

مدارس العين و هي كالتالي:

1- الشويفات الدولية
و هذا موقعها:
http://www.iscalain-sabis.net:88/alain/main.jsp

2- ليوا
خمس اصوات, و قيل انه يوم السبت عندهم لحفظ القرآن الكريم و أحكام التجويد و التلاوه. مدرسه قويه.

3- الظفرة
قالوا انها من المدارس القويه و حصلت 3 اصوات

4- مدرسة النشء الصالح
منهج امريكي + منهج الوزاره و يهتمون بالدين و العربي و فيه عندهم حصص لتحفيظ القرآن و الحديث. لها صوتين.

5- الانجلش سبيكنج سكول
صوت واحد فقط, و قيل انها نفس الشويفات و أحسن لإنها محترمه؟؟؟؟ قيل العربي و الدين اشويه ضعيف.

6- مدرسة محمد بن خالد للأجيال
صوت واحد فقط مدح المدرسه و قال انها قويه و ممتازه.

7- المدرسة العالمية
صوت واحد فقط معاها

8- حضانة الكواكب ( بلانيت)
تابعة لمنتسوري و هي ممتازه جدا يتعلم فيها الطفل القراءة والكتابه. صوت واحد فقط

9- المدرسة الدولية
صوت معاها و صوت ضدها, يعني احتاروا يا جماعه.

10- مدرسة الامارات الوطنية و مدرسة المدار
بنات اسألوا عنها لكن ما كان فيه رد عليهم, اللي يعرف يريحهم و يرد

:22 (21): :22 (21):

مدارس الشارقه و هي كالتالي:

1- الشويفات الدولية
مافيش احسن من كده, و هذا الموقع
http://www.iscshj-sabis.net:88/iscshj/main.jsp

2- الابداع العلمي
ملك صلاح بو خاطر و اهتمامهم رائع بالدين. لها 3 اصوات, تمتاز انه لكل طالب مفكرة تكون معاه كل يوم لملاحظات المدرسة و ولي الأمر. و هذا موقع المدرسة
http://www.scs-sharjah.com/arabic/about/index.html

3- مدرسة الرسالة الخاصه
منهج بريطاني و البيئه اسلامية. صوت واحد فقط

4- مدرسة فكتوريا الانجليزيه
فرع لمدرسة فكتوريا في بريطانيا و دراستها قويه. صوت واحد فقط

5- المدرسة الاسترالية
دراستهم قويه و عندهم دروس للسباحه.

6- مدرسة ويس جرين
تأسيسهم قوي, لأني شفت ولد عم اعيالي فيها ماشاءالله بلبل انجليزي.

7-مدرسة الوردية
صوت واحد فقط

8- المدرسة الأمريكية في الشارقة
ما مدحوهاا و قالوا عنها انها خرطي و اهمال و تسيب و ماديين بشكل بحت. و الشرح مو ذاك الزود علشان الطالب يسجل في دروس التقويه اللي تنظمها المدرسه.

9- مدرسة الشارقة الخاصه
ما امدحوها و قالوا انه لغة الطلبة في الانجليزي مو ذاك الزود.

:22 (21):

في عجمان ما تكلموا الا عن مدرسة وحده و هي

1- الوطنيه
و لها صوت واحد و قيل انه ماعليها كلام و انها ممتازه.

خواتي ارد و اقول قبل ما تقررون على اي مدرسه روحي و شوفيوا كل شي فيها, و الله يوفق اعيالنا يارب و يصلحهم و يهديهم قولوا آمين.

المزيد من آخر المواضيع من نفس القسم:

• مادة تربية جنسية
• اعادة ثانوية العامة في الامارات
• اتمنى لجيمع الطلاب التوفيق في الامتحانات...
• معلمة فلسطينية
• بنات ساعدوني هل اقدر أعيد ثانوية العامة ؟
• اعادة ثانوية العامة في الامارات
• ادور على مدرسة
• أسويلكم بحوث تقارير وغيره
• ايش رأيكم في مدرسة الدوحة؟
• بحوثات وتقارير

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام خالد وشمسة]

مرحبا اختى طيبة
مشكورة على كل اللي لخصتيه وكتبتيه عن كل مدرسة
ومثل ما قلتي اختي الكريمة ان كل ام تعرف مصلحة عيالها
وانا وحده سجلت ولدي في الانترناشيونال كوميونتي سكول الكل مدح لي اياها ومنهجهم بريطاني وامريكي وبالفعل رحت وشفت بس عيبها انها من مدارس الفلل وقالوا انهم بيغيرون المبنى على وعد من الوزارة

الله يوفق الجميع ويبارك في عيالنا وعيالكم ويهديهم ويصلحهم ان شاء الله

[طيبة الكويتية]

تسلمين يا الغاليه و الله يوفق ولدج يارب وين ما كان.

[روح الوداع 22]

تسلمين

[طيبة الكويتية]

ارفعه علشان الكل يستفيد عن المدارس

[FYORELLA...:)]

mashkorah e5ty 3almajhood o tajmi3 albayanat 3an almdaaares

[name96]

السلام بنسبه للمدرسه الامريكيه ابوظبي
مطبقه برنامج البكالوريا ادولي ممتاااز جدا يخلي اطفل يبدع ويطلع طاقاته تعليمهااا ممتجدد كل شهر عندهم موضوع لازم يبحث عنه مش بس في الكتب عن طريق انت والقصص والمجلات واخر شي اطفل يقدم برزنتيشن عن اللي سواه وهذا يبني شخصيه اطفل انا يوقف ويتحدث امام الناس وبعدين المدرسين يكونون مع اطلاب مداخلين يعني ما في رهبه من دخول المدرس اصف ولا عقد بس الاحتراااام موجود وبنسبه للمدرسات العربي مش مقصرات لازم قراءه قصص عربيه غير منهجيه "خارجيه" وترى مدرسه كامله في العالم مش موجوده لازم في عيوب كلن ورايه والاهل عليهم دور كبير بعد ........................

[أم ميوود]

مشكوره الغاليه بس شو عن مدارس رأس الخيمه ؟

[حلوه ودلوعة]

تسلمين يا الغالية
بس مثل ماقلتي عن مدرسة الامارات الوطنية وعن مدرسة المدار الي في العين
ما حد رد علين انا
اب احط بناتي في وحدة منهن
بس عن الي سمعته من عند الاهل والاصدقاء مدرسة المدار احسن
لانها تهتم اكثر بطفل
بس المش حلو عندهم انج ما تقبلين المعلمات كل شي انت تبنه تتكلمين مع سرفايزر

[ورق عنب]

موقع مدرسة فكتوريا الانجليزية www.victoriaenglishschool.ae بس مشكلتهم اجازاتهم شوي غير عن وزارة التربية .. يعني يبتدون من 2\9 الين 15\12 بس وياخذون اجازة اسبوعين .. والكورس الثاني يبتدي 2يناير الى اول ابريل .. يعني ماعندم اجازة الربيع في شهر يناير .. ياخذونها قبل .. شهر 12 .. والكورس الثالث يبتدي 15 يناير الى 28 يونيو.. نظامهم 3 كورسات مش كورسين مثل وزارة التربية والتعليم..

[طيبة الكويتية]

FYORELLA...
حاج الله اختي و حاضرين للطيبين
:1 (19):

name96
ماشاءالله وايد ممتاز, الله يوفق اعيالج فيها يارب, حااولت اعدل البيانات اللي فوق و ازيد صوت للمدرسه لكن ما قدرت المهم
انتبهوا يا بنات صوتين مع المدرسه و صوت واحد ضدها. هذا عن المدرسه الأمريكية اللي في ابوظبي
:1 (19):
أم ميوود
والله يا اختي قاعده احوس و ادور عن مدارس راس الخيمه و انشاءالله ان حصلت شي راح اخطه, كل اللي اعرفه انه عندكم فرع من مدرسة الشويفات الدولية براس الخيمه و هذا موقعها:
http://www.iscrak-sabis.net:88/rak/main.jsp
:1 (19):
حلوه ودلوعة
يا اختي قبل ما تقررين على المدارس روحي للمدرستين و شوفي كل شي فيهم و اي سؤال بخاطرج سئلي, و بعدها قرري اي مدرسة تبين و انشاءالله خير يارب. و شاكره لج مرورج الغالية.
:1 (19):
ورق عنب
تسلمين الغالية على الموقع.
:1 (19):
الله يوفق الجميع يارب بأي مدرسه المهم متابعة الأهل و عدم اهمال الطفل و الاعتماد على المدرسه. و حاولوا خواتي الأمهات بذات اللي اعيالهم رايحين كي جي 1 انكم تدربون اعيالكم على مسك القلم و الكتابه. راح تلقون وايد كتب في المكتبات تساعد الطفل على بداية الكتابه سواء حروف او ارقام. بالطريقه هذي راح تميزون اعيالكم بالصف

[طيبة الكويتية]

هذي مجموعه من مدار راس الخيمه
شوفي اللي تناسبج منهم و اتصلي عليها و زوريها و شوفي اختي أم ميود

[طيبة الكويتية]

لقيت لج مدرسة راس الخيمه لمتحدثى الانجليزيه و هذا موقعها
http://rakess.net/

و هذي الصفحه اللي فيها قائمه بأسعار الفصول بالمدرسه
http://rakess.net/rakess/r_admissions/r_fees.aspx

[طيبة الكويتية]

هذي مدرسة ثانيه لقيت مكتوب عنها في منتدى بالانترنت, نسخت لج الكلام نفس ما اهو مكتوب.

مدرسة راس الخيمة الحديثة الصراحة روعة لتعليم الثلاث مواد الي ذكرتيهم ( التربية الاسلامية ، اللغة العربية والانجليزية) إلي هي خلف بنك المشرق ( تبع مؤسسة القران الكريم)

[طيف الريم]

تسلمين الغاليه..................

وتوفيق