على حافة الانهيار (-_-)

[small dream]

بنات احس قسمن بالله انه ذاكرتي منعدمه وااااااااايد انسى وماحب اختلط مع حد وماحب اتكلم ويا حد احس الكلام يتعبني يعني ابى اكون بروحي واحس الافكار مااقدر اوصلها لغيري وماعرف اتكلم واذا تكلمت احس بالخجل وانه فيه حد يتمصخر عليه وماعندي ثقه بنفسي ولا غيري وهالحاله من سنتيين احس فيها وصابره بس الحين مافيني صبر ابي اتغير ماعرف اشبلايه وليش انا جذه ماعندي صديقات حياتي روتينه وحتى افكاري اذا تلاحظون كلها مخربطه مااقدر اجمع افكاري
بنات الله يخليكم ادعولي الله يثبتني ويساعدني في حياتي
ماعرف شوه الحل احس سنين عمري تضيع بين ايديني وانا مب قادره اسوي شي حق عمري ومحد حاس باللي فيني وانا فداخلي ابي افسر هالشي ومب قادره ساعدوني الله يخليكم يمكن كلمه منكم تريح بالي وترشدني للطريق الصحيح
رجاءا لاتبخلون عليه بردكم

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[احاول انسى]

الظاهر انتي تعانين من الفراغ والبطالة مثلي بالضبط .. حاولي تقرين سورة البقرة .. وعن سالفة الصديقات هالايام نادرة انج تحصلين صديقة اتم وياج اغلبهم يكونون وياج ثلاث او اربع شهور وعقب يلبسونج .. انا اعاني نفس حالتج بس قدمت على وظيفة في اماكن وانشاء الله يقبلوني وتكون عندي صديقات عالاقل .. كوني واثقة بنفسج الخجل صفة جميلة في البنت حاولي تشوفين افلام عالتلفزيون اتضيعين وقتج او اي شي

[نوفاني]

الله يعينج حبيبتي وانصحج بقراءة القرآن...واذا عندج موهبه حاولي تنمينها او اشغال يدويه ترى تضيع الوقت وما تحسين والله يوفقج

[شموخ التواضع]

فديتج الغاليه لا تضايقين بعمرج ولا تشيلين هم ولا شي ... حاولي تشغلين عمرج باي شي مفيد ...حاولي تطلعين تغيرين جو ...حاولي تمارسين الهوايات الحلوه اللي عندج ... وتوكلي ع ربج ...

[small dream]

مشكوره عالرد غناتي بس تعرفين انا اشتغل بس ابى اعرف شوه اللي فيني تعدقدين عندي حاله نفسيه

[small dream]

شكرا عالرد احاول انسى نوفاني شموخ التواضع ودعواتكم لي

[أم غـلا]

خلج واتثقة بمعرج
واشغلي عمرج
انا الحين اشغل عمري بحفظ القران
سوي شراتي

[احاول انسى]

هي يمكن تكون حالة كأبة او حالة الوحدة بسبب الصديقات لانه هالحالة منتشرة هالايام حاولي تمارسين رياضة ولا تسمعين كلام الناس اللي يقولون خذي حبوب مضادات كأبة وهالخرابيط ترا تزيد الحالة .. انتي حالتج مب نفسية بس لانه ماعندج صديقات تحسين جي .. اقري سورة البقرة , وسوي رياضة في حجرتج اركضي وانقزي وسوي نجبااز

[لوليانو]

عليج أولا بالصلاة والدعااااء ...


إختي : كوني علااقات مع صديقاااتج ومع أهلج .. وخاااصة اللي ترتاااحين لهم ..

إشغلي نفسج في دورات مهارات مثل دورة الرسم أو الديكور المهم شيء إنتي تحبينه ،،،

إقري كتب

إدخلي مواقع للدكتور : طارق سويدان أو جاسم المطوع ... بيفيد إن شاء الله ...

والله يهدي بااالج يااارب ويسر أموورج

[سلامـه]

هلا عزيزتي .. هاي حالة من الملل أتمرين فيها وانا أشوف حاولي تشغلين نفسج بأي هواية أو حتى وظيفة حتى لو أتكون بالتطوع .. وإذا عندج سر أمضايج حاولي أتفرغين ىالي في صدرج ... وانا مستعدة أقرا كل همومج . ويارب تتخلصين من ها الاحساس

[red.galss]

هلا الغاليه الله يعينج
بس اهتمي بعمرج أكثر اي كثري من الاستغفار والصلاه والاعمال الخيريه مثل كفل يتيم أو بناء مسجد أو حفر بئر والمساهمه باعما ل الاغاثه في الدول الفقيره والي يعرف مشاكل الناس تهون عليه مشكلته وخاصه اذا شارك في حلها وعرفي انه هذا الشي بينفعج في الدنيا والاخره والله يفرج همج .

[احبه موت]

تصدقين انا مثلج اعاني بنفس حالتج
يمكن لانه ماشتغل بس انتي تشتغلين
يعني احسن مني مالنا غير الصبر والدعاء
وقراءة القرآن والله يكون بعوناا
مليت من روتين حياتي
الله المستعان

[عيمانيه]

أصدقين أختي و الله جنج ترمسين عني انا مب عنج انتي

بس الفرق اني ادرس فالجامعه

اقري على عمرج يمكن عين او شي جذه

ترا و الله الناس ما ترحم و انا اقول ها الشي عن تجربه

[حافية القدميين]

الله يعينج ما لج غير الدعاء وممارسة الهوايات دخلي المطبخ مثلا وتعلمي كل يوم اكله يديده

[حافية القدميين]

الله يعينج ما لج غير الدعاء وممارسة الهوايات دخلي المطبخ مثلا وتعلمي كل يوم اكله يديده