بيتدمر بيتي ساعدوني

[ام *سيف*]

السلام عليكم ورحمة اللة وبركاتة
حبايبي انا عندي مشكلة وحاولت احلها بكل الطرق بس مافي فايدة
انا متزوجة احين من ثلاث سنوات ومن ربيت في ولدي الاول
بديت وايد انسة انسة بشكل مب طبيعي
واااااااااايد وايد وريلي خلاص وايد تستوي بينة مشاكل عشان هال السبب
واحين انا وريلي ما نتكلم عشان نسيت اغسل ثيابة كان يباهم
بس بتقولون عشان هالسبب يزعل لا والله انا اعرف عمري وايد انسة وايد كلت زبيب يقولون يقوي الذاكرة وايد صرت اقراء بعد يقولون يقوى الذاكرة بليز شو الحل ساعدوني بليز
وهو دايمن يقولي هال لي بيأثر ع مستقبلج الله يخليكم ساعدوني.
ولكم الاجر

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[...(مريّة)...]

ادعي الله أختي

[كعبية]

اذكر كانت معلمتنا تقول اللي يحفظ القرآن الله يحفظ ذاكرته



عليج بالقرآن

[ريحة عطر]

الله يعينج اختي
ان شالله البنات يفيدونج
دوري فالنت عن الاشياء اللي تقوي الذاكره
واذا في اشياء ثانيه تساعد
انا مثلج وايد انسى
اللي اسويه اني كل مابي اسوي شي
احطه نوت بالموبايل واخليه ظاهر عالشاشه
كل ماصار علي شغل ازيد النوت وجيه .. اذا خلصت
مسحته ..اول الايام بتمملين بس بعدين خلاص بتتعودين
بالنسبه لموبايلي انا اريكسون وفيه هالخاصيه في ادارة الاعمال
بعدين فالملاحظات واسير عن تعديل واخليه عرض عالشاشه
مدري عن النوكيا ..
وممكن تكتبين النوت على ورقه وتعلقينها جدامج في مكان دايما تشوفينه
هذا اللي عندي واتمنى انه يفيدج

[um_ibrahim]

حاولي تحطيلج نوت صغير تكتبين فيها كل شي وتراجعينها
ولا تخلين نفسج جذه روحي الطبيب

[الشقاء]

انت مهمومه لان الهموم والحزن يخلي الانسان ينسا
من كثر ما يفكر
حاولي تريحين نفسج
الله يحفظج

[ام *سيف*]

شكراماقصرتو حبيباتي

[ام *سيف*]

حاولي تحطيلج نوت صغير تكتبين فيها كل شي وتراجعينها
ولا تخلين نفسج جذه روحي الطبيب

شورج ان في علاج في المستشفى

[ميميه88]

فديتج يوم اتعرفين انج جذيه اي شي تبين تسوينه اكتبيه فورقه او دفتر صغير دوووم فمخباج من غسيل من اي شي وكل فتره وفته شيكي عليييه شو كتبتي اي شي تتذكرينه او قالج عنه ريلج سيييييده كتبيه عشان لي بغيتي تسوييينه بعدين تلقينه فالدفتر

[عيون ابوي]

حطي تذكير في موبايلج وادعي والله ييسر امورج ان شاء الله

[هوتميل]

الغاليه سيري المستشفى

[نااعمه]

حاولي تحفظين القران شي اشرطه تساعدج على حفظ القران

او سيري طبيب يعطيج طريقه لتقويه الذاكره

[نجمة الفجر]

نصيحه سير المستشفى وايد ناس كانوا جيه والحمد لله شفاهم الله شوي متابعه من الطبيبه ورح تتحسنين سير قبل لايزيد عليج والسموحه

[nawarymm]

احفظي سورة قصيرة من القران و كل ما حفظتي أكثر بتتقوى ذاكرتج أكثر

أكثري الأستغفار

[طي السنيين]

بعد الولاده تضعف الذاكره وتتحسن على السنه وبعضهن على السنتين لكن إهتمي بتغذيتج وشوفي شو الفيتامين إلي ناقص عليج وإتبعي نصائح البنات وعليج بالتركيز