حوامل الشهور ال 4 و 5 و 6

[ميرة الامارات]

مرحباااا..

كان المفروض افتح هذا الموضوع من زمان حيث انه اغلب الاخوات في الملتقى الاول دخلوا الشهور الوسطى من الحمل واللي هي الرابع والخامس والسادس,...:1 (69):

هذا راح يكون ملتقى لجميع اخواتي اللي تابعنا معاهم شهور حملهم من اول شهر الى الثالث والتكمله تكون هني في هذا الموضوع الجديد ....:22 (18):

شو اخباركم اخواتي...اتوقع في هذي الفتره كل وحده تفكر في المستشفى اللي بتربي فيه والدكتوره اللي بتابع وياج الى وقت الولاده واولهم انا في حيره كبيره.... هل قررت كل وحده فيكم وين بتربي؟؟ ياريت لو كل وحده تكتب في اي مستشفى بتربي وعند اي دكتوره عشان نستفيد..:22 (8): :22 (22):

اكيد اخواتي عرفتوا جنس الجنين لانه المفروض يبين في هذي الشهور بس انا يا حسافه كل ما اسير اشوف تقولي الدكتوره ما اقدر اقولج لانه الحبل السري بين ريوله...او مرات يكون عاطنا ظهره...واخر مره الدكتوره جهازها خربان وبس سمعت نبض البيبي وقالت المره اليايه ان شاء الله بتعرفين...:22 (5):

ها اخواتي يلا كل وحده تكتب لنا شو جنس الجنين..وكيف كانت ردة فعلها اول ماعرفت اللي فيها..؟ :22 (4):

انتظر تجاوبكم معاي...:1 (24):

المزيد من آخر المواضيع من نفس القسم:

• ابرز فوائد ياميش رمضان للحامل والكمية...
• تعرفي على اهم الحالات الصحية التي تمنع فيها...
• تعرفي على اهم فوائد ياميش رمضان للحامل
• تأثير الصيام على الحامل في الشهر الخامس
• ما هي فوائد حمض الفوليك قبل الحمل حصري
• افضل نظام غذائي للمرضعة خلال شهر رمضان
• اهم أسباب صداع الحامل اثناء رمضان وطرق علاجه
• كل ماتودين معرفته حول الصيام في بداية الحمل...
• كل مايخص النفاس في شهر رمضان واهم النصائح
• اهم أسباب صديد البول عند الحامل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[صدى حنيني]

الله يسهل عليكم ان شاءالله

[ظبية بوظبي]

الله يسهل عليكن ان شاء الله

[يا ورد]

حالياً أنا أفكر أربي في مستشفى الوصل بإذن الله .. مستشفى العايلة لأن كل حد يربي فيه ههههههههه

وطبعاً عرفت جنس المولود بس لأني نذلة بخليها مفاجأة لكم [01]دقدي دقدي[/01] ...وحالياً أن أراجع بالوصل وعيادتها الخارجية وعند أوراس بالشارجة والحمدلله رب العالمين على كل حال ...

فكرت بلحظات في مستشفى ويلكير بس قلبي يميل أكثر للوصل .. مع أنهم أختسوا عن قبل .. بس وعسى أن تكرهوا شيئا وهو خير لكم ..

يلا نتريا ملاحظات أمهات المستقبل اللي بالمنتدى ..

[أم أحمد]

هلا خواتي

إن شاء الله راح أربي في الكورنيش عند الدكتورة بركسي لكن بعدني بسأل عن مستشفى النور

حاليا فقر الدم لاعب لعوبه معاي نزل دمي الين 9 وعاطيني هالفيتامينات والجدول الغذائي الله يعين بس

الله يعين بس

[دبي]

بنات انتوا وين شفتوا جنس الجنين ؟؟ أنا أراجع عند مستشفى دبي وما رضوا يخبروني

وبصراحه شريت لبس البيبي يناسب الجنسين ، بس فخاطري أعرف ما أدري والله ريلي يقول خليها مفاجئه أحسن

[!! بدوية !!]

انا حامل بولد ان شاالله (سعيد)
وبعدني مااستخرت عن المستشفى بس يمكن الوصل ....مادري!!

[شمسه الشامسي]

الحمد لله على كل شي بس الصراحه كان في خاطري بنت والحمد لله خبروني انها بنت وبربي في مستشفي التوام

[hope]

خواتي من بوظبي حد يعرف شي عن الدكتورة بركسي ..يقولون تركت م الكورنيش !!

[نبضة قلب]

انابعدي ما دخلت الرابع بس حبيت اتابعكم

[زهرة البنفسج]

هلا خواتي ان شاءالله بعد اسبوعين ادش الخامس
كنت اتابع عند د. براميلا في مستشفى زليخة بس وايد زحمة عندها
الحين اراجع عند مستشفى دبي

الله يسهل علينا

[DesigneR StylisH]

يالله انا خلصت الرابع ودخلت الخامس .... الله يسهل عليه وعليكم ... إن شالله ..

[غزالة دبي]

انا حامل بـ بنت انشاءالله (مهره) وقررت أربي في مستشفى الوصل وبعدني ما اعرف الدكتوره اللي بتابع وياها لاني بصراحه طوفت وايد مواعيد علي وجريب بعرف انشاءالله

[أم روضه]

هلا ومرحبا خواتي .
الله ايسهل عليكم واتقومون بالسلامة , انا طبعا دخلت الموضووووع شو اسوى رزه ويه هههههههههه طبعا مش حامل بس أدعوووووووووووووووولي ان الله يكتبلي واحمل علشان خاطر ريلي حاشرني يبا اخو والا اخت لروضه .

اختي hope بخصوص الدكتوره بركسي انا كنت اتابع معاها في مستشفى الكورنيش يوم كنت حامل بروضه فديتها لكن اخر الشهور للأسف سافرت لأنها كانت مريضه وسارت اتعالج الله يشفيها والي سمعته انها ظهرت من المستشفى ومش موجوده الحين .

طبعا انا اكره مستشفى عندي الكورنيش علشان جي ما انصح حد ايعالج فيه ولا ايربي .( طبعا هذا رايي الشخصي ).

[فراشة دبي]

السلام عليكم...
طبعا هاي اول مشاركه لي في ها المنتدى الرائع...
الله يسهل عليكم انا شاء الله جميع...
بخبركم عن الدكتوره اللي انا اراجع عندها..وايد فنانه..تولد فالويلكير..اسمها ماريا هي بلغاريه..في نفس عيادة د.ميسون القيسي في حمرعين..انا من شوي داخله الرابع..لكني ابا اربي فالوصل..فبدلت سرت عند الدكتوره متيفا اللي في الويلكير....لانها وايد هاديه وقت الولاده وبالذات اني انا بجر..ف بحايلها تيني الوصل..تبى واسطه ..بعد والله الدكتورات..انا مادانيه الويلكير..مسمتنه مستشفى الهنود..هههه وفي دكتوره اسمها عفاف..واااايد يمدحونها..
والسموووحه..