الزواج من رجل متزوج

**نفيخه** · 2008-03-12, 12:33

السلام عليكم
خواتي بغيت رايكم في بنت فوق الثلاثين وماتزوجت لين الحين وخطبها واحد وياها في الدوام متزوج وعنده عيال وهو في قمة الاحترام والاخلاق

هل توافق عليه؟

المزيد من آخر المواضيع من نفس القسم:

**!! غرور !!** · 2008-03-12, 12:36

خل تستخير..

ودام الريال محترم وخلوق خل توافق خاصه انها فوق لـ 30 وفرص الزواج قليله ,. وربي يقدم لها الخير..

**mo0on2008** · 2008-03-12, 12:38

الاستخارة اولا و اخيرا ..

**LOVE DUBAI** · 2008-03-12, 12:46

حبيبتي
انا ف راي اتوافق عليه
بس اتقول له بدون مشاكل...من طرف الثاني ولو حبذا اتوافق حرمته الاولى اذا اهو صدج يباها ويبا يتزوجها يخبر زوجته الاولى احسن اختي ,,,علشان بدون مشاكل والخوف اللي اتعيشه بعدين
وخلها اتفكر ف المستقبل,,يعني هو يالس عند حرمته الثانيه تتصل به زوجته الاولى وينقز يروح لها,,مب حلوه ف حق حرمته الثانيه..خلها اتوافق عليه بس ابشرط ف علم زوجته الاولى مش بالسر اختي..خلها تعرف الاولي..واذا قال لا وما يصير خلها تبتعد عنه احسن علشانه عمره ما بخبر الاولي اذا ما قالها من بدايه..ياما وياما قالو بنخبر الاولي ولا خبروها ولا هم يحزنون,,كل شي من بدايه خليهclear>> يبا البنت ,خله من بدايه يكون صريح ويخبر زوجته واهله بعد.علشان ف المستقبل ما تتلعوز البنت وما ترتاح معاه..واللي فيها فيها,..خليه قد المسؤليه من بدايه والله(انا شفت هالمواقف وايد اختي.وندموا البنات على مثل هالزواج))
نصيحه مني,,(( والله يرزقها بواحد ثاني احسن عنه ان شاءالله))
وربي يحفظج

**umshamma** · 2008-03-12, 12:51

خلها تستخير وان شاء الله خير

**نقطة تحول** · 2008-03-12, 12:55

خل تستخير اول وبعدين خل يخبر زوجته الثانية تجنبا للمشاكل
والله يسر الامور ان شاء الله

**جواهر دبي** · 2008-03-12, 12:59

خلها تتوكل على الله وتستخيـــــــــــر.............
وكل شي فالدنيا قسمة ونصيب...............

والله يوفق الجميـــــــع

**برازيليه** · 2008-03-12, 13:00

مثل رايكن تستخير ويخبر الحرمه الاولى

**maitha2007** · 2008-03-12, 13:01

بكل صراحه جد سمعتو وحده ماخذه واحد معرس ومستانسه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**العذوب** · 2008-03-12, 13:01

تستخير وتشوووف

**دانة الصحراء** · 2008-03-12, 13:03

انا اقول ما توافق وتفك عمرها من عوار الراس والمشاكل وبعدين حرام تدمر اسره
اي واحد بيتزوج على مرتا اكيد حياتهم بتندمر لا تقولون لاء
ها الايام الرياييل ما يعرفون يعدلون وان شا الله ييها الي احسن عنا وبعدين البنيه مب كبيره هاك الزود

**قصة حزن** · 2008-03-12, 13:06

اولشي حرمته الاولى لو وافقت وهي بذات قايلتله سير تزوج اوكي

اما سوالف خش ودس..
تيلس بيت ابوها ابرك عن المشاكل

**الحزينة2007** · 2008-03-12, 13:09

خلها تستخير وان شاء الله خير

**Um_Rakan** · 2008-03-12, 13:11

أأكبر لااااااااااااااااااااااااااااااااااااااااااااااااا ااااااااااا.

**خواطر©** · 2008-03-12, 13:12

حتى لو عمرج 40

لاتبدين حياتج بمشاكل.. واقري قصص وايد بنات..

قالن الريال زين وخلوق.. ومحترم..

وبعد العرس من احترامه واخلاقه ماقدر على زعل الولى وطلق الثانيه..
في هالوقت الريال مايقدر يفتح بيتين .. لو كان مقتدر...؟؟

والسموحه

الموضوع: الزواج من رجل متزوج

أدوات الموضوع

عرض