خلاص نفذ صبري

**نوف_دبى** · 2008-03-11, 18:37

السلام عليكم ورحمة الله وبركاته
شو اقول لكم ......لو اكتب الي فخاطري من هموم وضيج ما راح تخلص الكتابة ولا بتكفيني آلاف السطور والمجلدات .....بس بترك الي في القلب للقلب

المهم اخواتي الموضوع :صار لنا سنتين ندور على شقه في ابو ظبي مو محصلين .الاول كان لمت ريلي 55 وكنا نبغي غرفتين وصاله والله يعزكم حمامين وتكون نظيفه وفي مكان نظيف يعني تليق بعائله مواطنة (عندي بنتين الله يحفظهم ) تصدقون ما حصلنا حتى غرفه وحده بهاالمبلغ
والحين رفعو لمت ريلي والحمدلله 100 والحين نبغي 3غرف وصاله ومطبخ بعد صار صعب نلاقي 3غرف بهالمبلغ (وفي ناس سبحان الله يحصلون كيف ما اعرف بس سبحان الله ارزاق) والحين ابغي غرفتين وغرفة خادمة وصالة ومطبخ ومو محصله ابغي في داخل ابو ظبي (المطار -الخالديه -المرور - المهم داخل المدينة عشان دوام ريلي )
والله العظيم تعبت صار لي 8 سنين متزوجه وساكنه فبيت اهل ريلي في حجره وحدة بس وبناتي معاي في نفس الغرفه وماشاالله كبرو وحده عمرها7 سنين والثانيه 6 سنين وفي دبي وريلي في ابو ظبي ييني بس في إجازة الاسبوع .والله العظيم تعبت ابغي احس بالدفء الاسري ويكون ريلي دوم معاي ومع عيالي ..

إذا في وحدة تعلمني كيف ممكن احصل شقه على قد اللمت مالنا ونفس المواصفات الي ذكرتها
وجزاكم الله خير

وادعو لي الله يخليكم الله يفرج ضيقي وضيق كل مسلم ومسلمة

المزيد من آخر المواضيع من نفس القسم:

**عاشقة ديور** · 2008-03-11, 18:40

ما يهمج وما يكون خاطرك الا طيب انا باشوفلج عطيني اسبوع ربيعتيه عندها مكتب وانشالله ما بتقصر

**نفسجة** · 2008-03-11, 18:43

حبيبتي شوفي مواضيع العقارات بقسم اعمال ومشاريع

**littlemalaak** · 2008-03-11, 18:44

عسى الله ييسرها عليج ويلمج انت وريلج وبناتج فبيت تكونين الملكة فيه

**طي السنيين** · 2008-03-11, 18:46

عن طريق مكاتب العقارات أو الوسيط وعليج بالإستخاره قبل والله بيسهل

**نوف_دبى** · 2008-03-11, 18:48

المشاركة الأصلية كتبت بواسطة عاشقة ديور

ما يهمج وما يكون خاطرك الا طيب انا باشوفلج عطيني اسبوع ربيعتيه عندها مكتب وانشالله ما بتقصر

فديتج يالغاليه انشاءالله على ايديج فديتج والله حسستيني بالامل والله العظيم مو قادرة اكتب من دموعي يارب يارب تحصلين وتنفرج ضيجتي الله يبعد عنج التعب والضيق ولا يذوقج الهم ..
سواءً حصلتي ولا لا كفاية تعبج ويايه

**اريام2** · 2008-03-11, 18:50

صدقج الاجارات ارتفعت وااااااااايد يمكن تحصلين بس اغلى شوي تعرفين حاولي ادورين على اصحاب الشرطه والجيش يعطوهم اجارات وهم ياجرونها بارخص الله يوفقج

**امة الرحمان** · 2008-03-11, 18:51

الله يفرجها عليك ياااااااارب

**نوف_دبى** · 2008-03-11, 18:53

المشاركة الأصلية كتبت بواسطة littlemalaak

عسى الله ييسرها عليج ويلمج انت وريلج وبناتج فبيت تكونين الملكة فيه

مشكوووورة الغاليه الله يسمع منج ويفرج هم كل محتاج

**نوف_دبى** · 2008-03-11, 18:56

المشاركة الأصلية كتبت بواسطة امة الرحمان

الله يفرجها عليك ياااااااارب

آآآآآآآآآآآآآآمين يا رب العالمين
جزاك الله خير

**نوف_دبى** · 2008-03-14, 18:03

للرفع للرفع للرفع

**dala dubai** · 2008-03-14, 18:14

الله يفرجهاا عليج

وان شاءالله تلقين وتعيشين ويا عائلتتج حياه سعيده ودافيه

**ام سعيد20** · 2008-03-14, 18:18

انشالله الله بيسرها

**نوف_دبى** · 2008-03-14, 18:25

المشاركة الأصلية كتبت بواسطة dala dubai

الله يفرجهاا عليج

وان شاءالله تلقين وتعيشين ويا عائلتتج حياه سعيده ودافيه

مشكورة اختي على الدعاء .الله يسمع منج اختي

**نوف_دبى** · 2008-03-14, 18:26

المشاركة الأصلية كتبت بواسطة ام سعيد20

انشالله الله بيسرها

آآآمين الله يسرها علي وعلى كل محتاج

الموضوع: خلاص نفذ صبري

أدوات الموضوع

عرض

خلاص نفذ صبري

المزيد من آخر المواضيع من نفس القسم:

المواضيع المتشابهه

سأصبر حتى يمل الصبر من صبري

صبري قد وصل حده ..

خلاص صبري ملني منه .. اختكم محتاجة النصيحة

احس اني خلاص بنهااااااااااار صبري قل..؟؟!!!

طال صبري