بديت اكره ريلي

[BNT الامارات]

مثل ما مبين من العنوان انا بديت اكره زوجي ...... واحس اني بموت من القهر


منه ريلي قاسي جاف مزحه ثقيل ويوم ازعل ويسويلي اياها مشكله وسمعني كلام يقطع قلبي من القساوه..... احسه ما يحترمني بس يوم اقوله انت ما تحترمني يقول انا محترمنج ومقدرنج وانا ما شوف هاه الشي ابدا .... وكله مشغول ويوم ايي البيت ميلس جدام هاه التلفزيون ..... حتى مرات اقوله اني مليت من هاي الحاله ... بس ما في فايده انا ياخواتي عمري ما اشتكيت لاحد الكل يتحسبني مرتاحه في زواجي وانا العكس ,,,, اليوم صارت بيني وبينه مشكله ويلست اصيح وهو لا حياة لمن تنادي روحت كلمته قلتله مب انا الغالطانه كل العاده طلع الغلط عليه قلتله خلني اروح بيت اهلي قالي ان روحت مالج رجعه شو اسوي يا ناس احس اني مب قادره اكمل وياه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[حد مثلي ؟؟]

الله يعينج ويفرج همج ..

الريال مثل اليهال حاولي ادلعينه وتسااايسنه بالكلاااام الحلو .. غيري من البيت شوي

تعدلي سو له ليله رومانسيه غيري جو البيت .. اكسري الروتين ...

والله يسهل اموووورج

[نور حياتي]

حاولي تكسرين الروتين


دلعيه وشوفي النتيجة

اعزميه ع مطعم او فندق

ترى الريال ما يحب يسمع بس يحب يتكلم

حاولي ما تجادلينه وايد

ودايمن طنش تعش

طنشي لو قال شي

وحاولي انج تبدين معاه صفحة يديدة

وع فكرة الريال شرات الياهل مثل ما قالت الاخت

يوم ادلعينه بيتقرب منج

[BNT الامارات]

مشكورات الغاليات على المرور ......... بحاول اسوي اللي قلتولي عليه

[قصص]

يا قلبي

باين انج حساسه


ويمكن ريلج مل من طريقتج


غيري من اسلوبج وياه

وخذي الامور ببساطه

وشوفي كيف بيتغير

حبيبتي الحرمه مالها الا ريلها وبيتها

صدقيني

والله يحفظكم

[ah654]

الله يعينج الغاليه

[BNT الامارات]

تسلمين ياقصص

[BNT الامارات]

؟؟؟؟؟؟؟؟؟؟؟؟؟

[ليلي دموع]

مافي احد مرتااااااااح
قوي ايمانج بالله ولا تتحسسين منه والتمسيله العذر
عقلية الريال غير عن عقلية الحرمه
كثري من الاستغفار والله يسهل امورج ويبعد عنج المشاكل

[دمعة حزنـ]

الحال من بعضها الغلا
انا بعد شراتج حتى مراات احس اني ما اطيقه

بس والله صابره مهما يكون هذا ريلي وابو عيالي
تحملي الغلا هالريايل مثل ما قالنا الاخوات عقولهم عقول يهال

ونادر ما تلقين ريال يحس بحرمته

ولله يهديهم ^^

[BNT الامارات]

مشكوووووووووووورات على المرور

وعقولة الاخت ما في احد مرتاح

[uAe eVe]

هذا الشيطان يحب زرونا ويخرب علينا

صعب تلقين ريال 100%
مثل مالريال صعب يحصل حرمه 100%

اتحمليه دوري ايجيابياته وكبريها بقلبج..وغيري روتينج اذا ماتشتغلين سجلي بنادي او دورات..راويه انه لج حياتج الخاصه

اتعمدي جدامه ادقين على ربيعاتج واضحكي واشتري هدايا لهن جدامه..خل يحس فيج كانسانه عايشه حياته ومب واقفه عليه

بس اذا لبستي ثوب النكد والرثى للذات هو بيحس وبيتغير اكثر واكثر للاسوأ

انتى اكيد ماعندج عيال صح.... ماعليه ان شاءالله ربي يرزقج بتوم ينسووونج هالسوالف خخخخخ..واصلا بتلقينه لازق فيج عسب يلعب مع عياله

[BNT الامارات]

لا حبوبه عندي بنوته ........ وعسالفه الربع يوم اسويلهم هدايا يقولي ما يحتاي ودريهم ما ادله هم صادق او مازح

[وبل النفاف]

اختي تعوذي من ابليس وقومي صلي ركعتين
يعني الواحد يوم يتظيق يشوف الدنيا سوده بويهه

[قمره]

انتي اتسوين دايت هذا باين من توقيعج
يبي لج اشوية كنترول على اعصابج
و طنشي الريال ما بيتغير لو ذبحتي نفسج
عيشي حياتج كلمج بحترام ردي و لا سوي نفسج ما تسمعين
جددي حياتج غيري من نفسج ضحكي بتشوفين ريلج و دنيتج كلها حلوه الدايت يلخبط المزاج الله معاج