القلب المجروح والمصدوم

[um abdulaziz]

السلام عليكم ورحمة الله وبركاته،،،

راح ابتدي بموضوعي مباشرة الصراحة آنه انصدمت صدمه ما توقعتها يمكن كان الغلط فيني لأني وايد اثق في الناس وخصوصاً الجراب مني ...
نبذة عن أبطال الصدمة:
زوجي + صديقتي (تشتغل معاه في العمل)

كنت مع صديقاتي رايحين رحلة إلى السعودية بالسيارة لمدة يوم وعلى فكرة آنه من البحرين يعني ساعة ولا ساعتين آنه في السعودية واحنا مع مجموعة في الباص فكانت صديقتي اللي اعتبرها مو بس أخت كل شي في حياتي كنت كلش عادية وفرحانه ورايحه اتسوق في البداية كنت جالسة يمها في الباص وعلى فكرة الباص كله حريم فوحنا على الجسر اسمع مسجات كثيرة تجيها وهي متزوجه فقلت يمكن زوجها اجوف لا المسجات اكثرت فمجرد فضول وسألتها من المتفرغ لج واطرش لج مسجات هاذي فسكتت وما قالت شي .... وطنشت الموضوع..... واحنا في الدرب يات عيني على التليفون واهي اتمسج له طلع اسم زوجي فقلت يمكن في بينها امور العمل .... فسكت وما توقعت وأجوف مره ثانية الأسم يعني رد عليها بس ما قريت شنو مضمون الكلام ... فسكت بعد وماقلت شي لين اجوف اكثرت وجفت وايد اسم زوجي في تليفونها لين ما قريت المضمون وكانت الصدمة كبيرة علي مو قادرة اصدقها من قلب قريت من بين الكلام وكان وايد في كلمات بس هاي سبحان الله قريتها عدل (((وحشتيني))) ما صدقت ابداً مستحيل صديقتي وزوجي وعلى فكرة آنه يزعم ماخذه زوجي عقب علاقة حب دامة اكثر من سنتين .... المهم كنا نازلين مجمع وكان الوقت عقب عشرة بليل فقلت لها ابغي اروح أصلي لأني وايد تعبانه ونفسيتي اتعبت حزتها ورحت صليت ودعيت ربي من قلب لين صحت وما سكت وسألتني اشفيج اشصار مرة وحدة فقلت لها احس ان زوجي اخوني فنكرت وقالت معقولة لا لا لاتخلين الشيطان اقص عليج... وماقلت لها شي لين وصلت البحرين واخذني زوجي واحنا في السيارة جافني وايد مضايقة قالي اشفيج قلت له ما فيني شي لين صحت فقلت له ما ودك تقول لي شي او انك خاش عني شي قال لا ابداً ما في شي ..... احترت اشلون افتح الموضوع بس جبت له اسمها فقال اشفيها قلت له المسجات........ سكت وماقال شي ..... جنه ماي بارد انصب عليه ... والصراحة ما نكر بس قال احبها..... فقلت له اشلون تحبها واهي متزوجه وعندها اربع اطفال كيف كيف.... قال ما دري شي صار ....
بس والله العظيم لين الحين موقادرة اعيش ما ادري شنو اسوي كلمت البنت ونصحتها وهي كانت خايفة اني اخرب بيتها بس قلت لها لا دام ان بيتي ما اخترب وربي ستر ما احب اخرب بيت احد ثاني وانتي اللي سويتي موب شوي....
وكل هاي من بعدج عن رب العالمين.... فقلت لها ربي كريم عفو يحب العفو فكيف بني آدم ما يعفو... ووكلت أمري لرب العالمين...... والحمدالله على كل حال
بس اللحين آنه في خوف وقلق طول اليوم وأهو في العمل احاتي وايد وحياتي موب مستقرة مثل قبل ومو مرتاحه احس دوم خايفة وفي قلق انصحوني الله اخليكم
وناطره منكم الرد

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[ميثانو]

اصبري عليه ولاا تخلينها تاخذه عنج واقطعي اوصالج مع صديقتج واشرحي لزوجك مبدأالحلاال والحرام في الموقف اللي هو فيه ...
وتلوموني يوم اتكلم واقول في مواضيعي هل تعطين زوجك الثقه العمياء........ واللي تتفلسف ريلي وريلي ذوقن حلاوة الثقه العمياء
وانت ياختي انتبهي لزوجك واياك واصدقائك تقربينهم من اسرارك الزوجيه ..
يوم ريلي في البيت وعندي بخلي عمري يتيمه ... بس يوم بيطلع بكلم اهلي وحبايبي ....

[omfaisal]

اصبري عليه ولاا تخلينها تاخذه عنج واقطعي اوصالج مع صديقتج واشرحي لزوجك مبدأالحلاال والحرام في الموقف اللي هو فيه ...
وتلوموني يوم اتكلم واقول في مواضيعي هل تعطين زوجك الثقه العمياء........ واللي تتفلسف ريلي وريلي ذوقن حلاوة الثقه العمياء
وانت ياختي انتبهي لزوجك واياك واصدقائك تقربينهم من اسرارك الزوجيه ..
يوم ريلي في البيت وعندي بخلي عمري يتيمه ... بس يوم بيطلع بكلم اهلي وحبايبي ....

[umshamma]

اتصدقون يوم اقرا المشاكل اللي تحصل بين الزوجين اخاف اتزوج او افكر في الزواج

[ميعاد الحب]

اتصدقون يوم اقرا المشاكل اللي تحصل بين الزوجين اخاف اتزوج او افكر في الزواج

هييه والله صدقج

ماحب امر بالاشياااء احس انها اكبر عني




والله يعينج يالغاليه انا مب معرسه ولا جان قلتلج نصيحتي

انا يحليلي كتكوته بنت من بناتج ههه ===< كبرتج

اصبري ان الله مع الصابرين

[Om 7aMda]

والله ما ادري شو اقوولج ...

صدق ماشي ذمة ولاضمير ..
الطرفين غلطانين ... وزين انج واجهتيهم ..


والله يهديهم ...

[الفـ روح ــقيد]

الله يعينج ... هذا الامر صعب جدا..

اخس شي بالدنيا الخيانه ...

اول شي زين الي سويتي ...

ثاني شي ألجأي الى رب العالمين ... وادعي و صلي ... والله يكون في عونج ...

[عزاوي]

اقطعي علاقتج ويا هذيج الحرمه وركزي بحياتج الزوجيه

وهذيك هدديها اذا سوت هالشي مره ثانيه بتخبري ريلها

[روح ريلها]

والله يا ختي مادري شو اقول لج السالفة مب هينه..
اصبري وادعي ربج ولا ثقلين على ريلج وايد..هم اكيد بيستحون من اللي سووه خاصة بعد ما كشفتيهم
الله يصبرج ويزيح همج

[أف حرانه]

سلام عليج اختي اشحالج انشا الله يزول الحزن والغم من قلبج الحمدلله الله كشفهم بس بعطيج ملاحظه لا تسكتين عن الخيانه يعني لاترضين يقول لج احب صديقتج شو هالكلام وكيف ترضين واوكي اذا هو يحبها انتي شو مكانج عنده وقفيه عند حده وقولي له وين الاحترام الزوجيه اللي بينا وهاي صديقتج الخاينه لو هي فيها خير وانسانه محترمه كانت ما بتسمح له يكتب لها وحشتيني وكانت على طول بتخبرج حبيبتي اختي واجهي الموقف بعقلانيه ولاتحسسين ريلج الشي اللي صار عادي سوي لنفسج قدر وهاي صديقتج طول ماهي في الدوام هدديها ودايم خوفيها وقولي لها لو شفت رقمج ولا اي شي يخصج في تلفون ريلي على طول بخبر زوجج وبعلمه بكل اللي صار ولاتسكتين عن حقج وبالتوفيق

[roadh]

الخيانة الحين اتي من اقرب الناس وبالاخص الصديقة الحميمة

[flymengo]

والله ما ادري شو اقوولج ...

[AD. Rose]

ولو اني ما عرست بس انا عندي قناعة انه مافيه رجل بالدنيا ما يخون زوجته ولو مرة وحدة بعد الزواج، حتى لو كان يحب زوجته و يتخبل عليها، الخيانه اصبحت غريزة فالرجل
نصيحتي و لو اني مب متزوجة بس لي نظرة فالحياة:انصحيه و زيدي اهتمام فيه، و لا تطرينه ابدا ابدا ولو جدام خواتج الشيطان شاطر، كثري الاستغفار و الصلوات، اقطعي الخاينه اللي خانتج قبل لا تخون زوجها(يعني بالله خانت زوجها و عيالها و خانتج وخانت شي اسمه امانة) هاذي لا تؤتمن ابدا على شيء و قولي حسبي الله ونعم الوكيل، والله بيهديه انشالله، هاذي اكيييد نزوة و اثبتيله انج الافضل دايما

[غرشوبة ال غرشوب]

حسبي الله عليها من صديقه عسى قلبها يحترق مثل ما حرقت قلبج والله يعينج شي صعب الصراحه خاصة من اقرب الناس لج ((زوجج)) واربيعتج الي تعتبرينها شرات اختج واكثر ربي يفرجها عنج وانشاءالله هي بعد ريلها يزخها وتتغربل واتخرب بيتها بايدها وعقب اتعرف قدرج ومدى وقاحتها

[عالية المعالي]

حسبي الله عليهم ونعم الوكيل

الريايييل ابداااااااااااا ما منهم امان

ويوم بدا الخيانه ويا صديقتج لا تامنيين فيه مره ثانيه.. مب بعيده يحب وحده غيرها( طبعا هذا مب حب ) هذا افتتان


اتمنى ما تكونيين مقصره بواجباتج الزوجيه.. يعني لا تخليين عنده سبب عسب يخونج

والله يهديكم ويسخر لج ريلج