مشاركة في المسابقة الادبية / قصيدة (( الفارسه المجهوله )) ..

**عالية المقـام** · 2006-01-23, 20:47

مرحبا الساع ..

اشحالكن بنووووتات ؟! ..

في البدايه حبيت اشارك بهالقصيده .. وانا واااااااااايد احبها الصراحه واعتبرها الاقرب لي ..

وانا ما ضبطت الاوزان يمكن ولا اهتميت .. لانها كانت من القلب .. وظاهره من الخاطر .. وما حبيت أغير فيها أي شي ..

العنوان : (( الفارسه المجهوله )) ..
التاريخ : (( 13 / 7 / ‏2005‏‏ )) ..

عنــيت بقصيــدي الفـارسـه المجهولـه
راعـيـة الخــيـل الشــامـخ بشــموخهـا
عـــيــونـهـا تــرخــص لـه وتــفــدا لــه
ذاك الخــيـل اللـي لـه مــكانـه فقـــلبهـا
منزله عـالـي و قـدره مــرتــفـع محــلـه
الله عــليـك يالــخــيـل بحــبـك اســرتهـا
قامت البنت ترمــسه و تفــضـفـض لـه
تخبــره عـن الزمن وويلاته وحسراتهـا
تقوله عن احــاسيــسهـا وبـدت تســألـه
سـألتـه عـــن حظــهـا الــلـي مجــافيهـا
ذربــة الــمــعــانــي راحــت تشـكـي لـه
مـا درت بالخــيـل مــحـال يــجــاوبــهـا
ربـي خلــقـه بـهــيـمٍ نـــاقـــصٍ عــقــلـه
مســكين ما يدري بـاللــي تعّـب حـــالهـا
سالـت دموعــها والقلـــب آه يـا ويــلـه
جـرح عمــيــــق فــسّـــر كــل عــذابــهـا
ذاقــت الــمر فحـــياتهـا بجميـع أشكالـه
الله يــصــبـرهـا و يـــرفـــق بــحـــالـهـا
عـــذبــتـي يـــوم كــانـــت تــصــيـح لــه
واجبرتني افـضح حبي و شعــوري لهـا
الحــب مـا بـه أي عـلـه أو مـــشكــلــه
يا خيــل خبــرها ترانـي مـــغـرم بحبهـا
و حبـي لها أبـد مــحـد قـدر يــوصـــلـه
ثـــمـان أعــوام والله وانـا أهــاذيــبـهـا
اسـهر الليل واحس ان الليالـي طويلـه
ابـد ما ريـت بيـن الخلايق من يساويهـا
تحسـسني بان الآمـال صـوبهـا مقتولـه
ومع هذا القلــب يفــز لا مـن طــروهـا
جتلــتيني يـا بنـت بعيـــونـج الكــحيلـه
الله وهبــني روح و ما عنـدي سواهـا
القـــــرب هـو مطـــلـب قــلبـي ومنالـه
وحياتي بدونج يا بنت الاصول ماريدها

وان شاء الله تنال اعجابكن ..

السموحه

المزيد من آخر المواضيع من نفس القسم:

**صدى حنيني** · 2006-01-24, 00:23

علوي التصميم عيبني واااااااااااااااااااااااايد ...
وان شاءالله بالتوفيق في المسابقة

**عالية المقـام** · 2006-01-24, 00:24

تسلمين الغاليه ع الرد

والله يوفق الكل

**ظبية بوظبي** · 2006-01-24, 00:25

تسلمييييييييييين الغاليه على هالابداع [16]وعلى هالكلمات الخطيره النابعه من القلب [/16]

وعسى ربي يوفقج ان شاء الله دووووووم

**عالية المقـام** · 2006-01-24, 00:40

سلم من قااااااااااااال ..

[14]ظبيووووووووووو ما تلاحظين انج تنغزيني من الصبح ماعليه بنتفاهم بعدين [/14]

تسلمين الشيخه

**ظبية بوظبي** · 2006-01-24, 00:49

[07]انا يالسه انزغج من الصبح [/07]

ليش شو قلت؟؟؟؟؟؟؟؟؟؟؟

**عالية المقـام** · 2006-01-24, 00:49

لا والله ؟! ..

اونج ما تدرين !! ..

[01]هب مشكله ماعليه [/01]

**صدى حنيني** · 2006-01-24, 00:51

بتخبركن شو انتن دياي؟؟؟؟؟؟؟؟؟؟؟ كل شوي وتناجرتن هههههههههههه

**عالية المقـام** · 2006-01-24, 02:55

ههههههههههههههههههههههههههههه هاي ظبيو ..

**درة الإمارات** · 2006-01-25, 14:20

جميل جدا يا عالية المقام
إبداع بأن تتقنصي شخصية الرجل وتتكلمي على لسانة
رائع جدا
تحياتي ودعواتي لك ِ بالتوفيق

**واثقة الخطى** · 2006-01-26, 00:30

موفقه غناة الضمير

**عالية المقـام** · 2006-01-26, 10:15

مشكورات الغاليات ع المرور ..

بس غناة الضمير شو يعني ههههههههههههههههههههههه ..

**القطوة** · 2006-06-29, 03:27

مشكوووووره

**عالية المقـام** · 2006-07-01, 17:01

العفووو شيختيهـ ..!!

الموضوع: مشاركة في المسابقة الادبية / قصيدة (( الفارسه المجهوله )) ..

أدوات الموضوع

عرض

مشاركة في المسابقة الادبية / قصيدة (( الفارسه المجهوله )) ..

المزيد من آخر المواضيع من نفس القسم:

المواضيع المتشابهه

مشاركة في المسابقة الأدبية ((( رسالة إلى أمي )))

(( الفارسه المجهوله )) ..

مشاركة في المسابقة الادبية / قصيدة بعنوان ( لحظة حق ويقين)

المسابقة الادبية//صبــــــــــــــاح

مشاركة في المسابقة الأدبيه/ أربع ورود