سؤال حق المتزوجات

[khaleejiya]

هل انتي مع او ضد وجود البشكاره بالبيت خصوصا اذا كنتي توج متزوجه ومحد بالبيت غيرج وغير ريلج؟
يعني احس صعبه على وحده توها مقبله على حياه يديده انها تتولى كل امور البيت والا شو رايكم يا متزوجات؟ عطونا من خبرتكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[احب السفر]

ضد طبعا .. وفي السبوع مره او مرتين ييبي شغالة الوالده اترتب لج البيت ترتيييييييييييييييب..

[Al_Kindy]

انا متزوجه وعندي ياهل صغير وعمره 10 شهور بس مااعتمد على الشغاله انا اغسل ملابسه واكله بس اللهم هي طلعه برع شوي عشان مايمل والصراحه انا ضد هالشي ...وانا اصلا ساكنه ويا اهل ريلي

[khaleejiya]

انزين واذا كنت ساكنه بعيد عن اهلي شالحل؟

[بنت رفيعه]

تبون الصرااحه انا بعدني ما اتزوجة
بس اذا انا ما اعرف اطبخ ولا اسوي شي فعادي بتقبل هالشي يعني عادي اييب الشغااله عسب تشتغل ما فيها شي ...
بس طبعا اغرااض ريلي انا الي بهتم ابها ^^

[barkosha]

انا ما عندي مشكله خاصه اذا عندي بيت بروحي و حجرتها تكون برع !! بس اذا شقه صعب الصراحه ...
انا ما يبت بشكاره الا يوم كنت حامل في السابع و بديت اثقل ما رمت اغسل و لا انظف ...

الله ييسر امور الجميع

[زوجة المرشدي]

إذا شقه انا ضد وجودها

لكن لو البيت عود لا تحتاجين بشكاره

[deemah]

طبعا مع وجود الشغاله ...انا عقب ما كملت 4 شهور من الحمل يبتها صراحه هذيل نعمه والله الوحده كم بتكرف ...انا ساكنه في شقه بس كبيره وحجرة الشغاله معزوله بروحه ولها باب يعني من تدخل خلا مالها طلعه لانه كل شي عنده داخل الحمام والاستور وغرفه الغسيل كله صوبها

[07 أم حارب 20]

عن نفسي أنا ضد البشكاره .. صارلي 4 سنين وزياده أول 3 سنين أشتغل روحي ,, وعندي بنت وولد .. والحمد لله ..
عقب ريلي قال وااايد عليج .. سار ويابلي بشكاره ما كملت 5 شهور وشردت ..
والحين صارلي سنه ماعندي بشكاره الحمد لله .. بس لأني حملت وعقيت مرتين .. لزم ريلي إلا إيجيب لي بشكاره .. لأن الشغل وايد عليه .. ما عني رافضه بس محتاجه .. وكل يوم يقولي بنسير المكتب أقوله باجر ههههههههههههههههههه
لأني يالسه عند أهل زوجي ما أبي خدامه .. وأتريا أطلع ببيت بروحي .. بس ريلي مايباني أسويي شي ..
والله إحترت ..

[ام غريبه]

انا الصراحه ضد وجود الشغاله

و احاول قد ما اقدر ما ايبها

ليش نعود عمارنا على الشغالات والله حرم صج ترا نحن مدلاعات وااايد...خخخخخخخخ اونه عاد تكلم بجد

شوفي انا عندي بنتي فديتها و ريلي و قسمي صغير صح عفسه بس احاول ارتبه كل يوم و حتى و انا حامل استحي اخلي ريلي ينظف القسم مع اوقات فديته ينازعني الا هو الي ينظف...

المهم
و بعدين انتي توج معرسه ما عندج شغل واايد انج تحتاجين الخدامه رتبي وقتج و نظميه

و كل شي بيكون اوكي و مرتب بدون وجود الخدامه

الي بتراقب كل تصرفاتكم

زين فكري اذا يتوا بتطلعون كشته و تغير جو يومين 3 ايام و ين بتخلين البشكاره؟؟؟؟؟بروحها في بيتج؟تامنين عليها

انا الصراحه ضد البشكاره في كل الحالات...و ان شاءالله ما احتاجها

[مريووومه]

انا بيتي بعيد عن بيت هلي و عادي مرتبة اموري مع اني اشتغل و ما عندي خدامه

و اهم شي ودري عنج الكسل

[غلا الدنيا]

انا ضد ضد هالشي الصراحه اكره البشكارات منظمه وقتي وخصص يوم معين حق الملابس والتنظيف كل يوم وما عندي حد يوصخ واايد عندي ولد صغير الحمدالله مرتاحه....
لا بشكاره ولا بلاويهن

[أم خماسي]

انا من يبت الولد الثاني يبت فلبينية كان عليها التنظيف وانا الاكل واليهال لان ريلي ما يحب تربية خدم ولا اكلهم

وكملت سنتين وولدي الحين سنتين ونص وخلصت فيزتها وسافرت بس كانت وااايد اوكي وريلي الحين يبغي يكفل لي

بس انا مو راضية لاني ما اشتغل ولا شي اذا اشتغلت هذيك الساعة بيب شغالة

[جوزاء حرة]

بصراحة .... أول الزواج تبين تكونين ويا ريلج بروحج ... تلبسين و تكشخين ... ترا الكشخة كل وفت مب بس بالليل.. يعني العصر تبين تلبيسن تنورة قصيرة وتيلسين وياه ف الصالة أو اي مكان ثاني .. ما بتقدرين اذا معاكم خدامه ... تقدرين تينين خدامة اهلج تنظف

[khaleejiya]

مشكوريييييين حبيباتي على مشاركاتكم وافكاركم
وصراحه لاحظت اختلاف الاراء وكلن على حسب ظروفه
يعني اللي ساكنه ويا اهل ريلها مب وايد محتاجه خدامه لانه طبعا مب كل شغل البيت عليها
والموظفه تحتاج خدامه وربة البيت ما تحتاج
واللي ساكنين بشقه صغيره ما يبون خدامه عشان ياخذون راحتهم
انا ممتلجه بس بعدني ماعرست وبعدنا ما شفنا لنا شقه بس اتوقع تكون على قد الحال
فأفكر اييب لي خدامه اللي بالساعات يعني بس بالنهار تكون وياي وتساعدني ( على فكره انا مو متعوده على شغل البيت للاسف لول ادري فضيحه بس احم احم ماعليه بتعلم)
و ما افكر اييب خدامة ام ريلي لاني اخاف لا تتجسس علي وتنقل الاخبار والعلوم
اما عن اهلي ترا هم بيكونوا بعيد عني والا كنت يبت خدامتهم بس يالله مو مشكله