تريدي دخلى ولدج روضه فى راس الخيمه ....دشي

**مروهاج** · 2008-03-10, 12:17

كنت ابحث عن مدرسه تدرس الانجليزي ونظام مافيه تشديد يعنى واجبات وامتحانات وعفسه ..ولدي صغير ومشاغب ما شاء الله عليه
وكنت ابى روضه بحدود ميزانيتى....
المهم انا اليوم سويت جوله
سرت مدرسة *****والله من الباب سمعت ابله مصريه تصارخ على الاطفال وتهدد تصدقوا كنت عند باب السياره ما كلفت على نفسي سيد دشيت السياره وفرفرت ..ان ازغت..
سرت المدرسه الانجليزيه المثاليه ..المبنى ما فيه شى بس ما دشيت الفصول اسعارهم اوكه
انجليزي ... بس تقول الابله عندهم واجبات وايد وامتحانات ..وان ا شويه ترددت لنه بعده صغير انه اضغت عليه.... التسجيل من 20/3 واسعارهم 140 شهريا بدون الباص..ولا الكتب ولا الزي .وفتح الملف 50 درهم.و10 دراهم للأنشطه.
الشويفات نظامهم وايد اوكيه بس 16.000 وايد غاليه.بالنسبه للمنهج مافيه ضغت على الطفل.
المدرسه لناطقين بالغه الانجليزيه نظامهم قوي بس فى ضغت على الطالب واسعارهم17.000درهم
المدرسه الهنديه اسعارهم معقوله المبنى مش لهناك بس الكل يمدح فيهم.اسعارهم 150 درهم شهريا بدون الباص..والتسجيل من15/3 ..بس خفت من الطلاب لنهم ماشاء الله فى شاباب واستفسرت قالوا الروضه لها ساحه بروحها.
مدارس دارالعلوم النمودجيه نظامهم عربي بس عادهم مش عارفين اذا بيستقرو فى المبنى او لا...
مدارس راس الخيمه الدوليه نظامهم عربي وفى واجبات وامتحانات..ونظام عربي.
مدارس رمسيس نظام عربى والتسجيل من شهر 5 تقريبا الرسوم مايعرفوا الان ...
وكل ما بزور مدرسه بكتبلكم عنها ..
بنات لا تبخلوا علينا نحن الامهات الجدد .. والله متلعوزات لنه اول مره بندخل عيالنا الروضه..

التى عندها تعليق او اضافه او تجربه لالالاتبخلى علينا.........
.
اذا مش حابه تردي دعوه بالهدايه لولدي والشفاء فلا تكونى بخيله

المزيد من آخر المواضيع من نفس القسم:

**رذاذ الأمل** · 2008-03-10, 15:07

أولا مشكوره وما قصرتي....
ثانيا يا دوري أنا كنت مسجله ثنتين من بناتي في نداء الإسلام في الرمس تدريسهم وايد زين بنسبه للغه العربيه وايد واجبات لكن أشوفها في صالح الطالب من المدرسات التي صدق تدريسهم ممتاز أبله نجوى الحين أدرس بنتي ثاني روضه ومعلمه ********* بس تدريسها ممتاز و لكنهم مايهتموا في مواد النشاط .........
ماشاء الله مستوى بنتي الحين في المدرسه ممتاز يايبه في كل المواد في النص الأول كل المواد فوق 95 غير مواد النشاط 87 والإنكلش في التقويم الأول 87 وبعدين 98 وهي الحين في مدرسه حكوميه ............
بنتي الثالثه بوديها روضه البشاير ،حكوميه لأن جيراني كلهم مدخلين عيالهم فيها ويقولوا أحسب المدرسات حد زين وحد شين والله يعين بس اللي عندها معلومات زياده عن البشاير في منطقة جلفار تخبرنا ............

**مروهاج** · 2008-03-10, 15:48

اها والله نبا تفاعل من بقيةالامهات علشان نستفيد ونفيد..
مشكوره رذاذ الامل

**الووورررده** · 2008-03-10, 16:16

مشكورا

**طفول ماجد** · 2008-03-10, 17:15

ولد الكبير اول روضه درس في دبي وكان ممتاز في الانجليزي ولما رجعنا راس الخيمه دخلته مدرسة راس الخيمه لمتحدثي الانجليزيه وطول السنه انا على اعصابي ودوم الولد اييني وضروب والا معضوض او مفلوع ويعاملونج كانها افضل مدرسه في الدوله وطلع ولدي اللي كان شاطر طلع عنهم ما يعرف يعد من واحد لين عشرة لين الحين مقهوره منهم وبعدين دخلته الشويفات ماشالله عليها اذا امكانياتج تسمح دخليه ومايحتاي تسالين عنه لان الدراسه فيها صدق على مستوى ولو المبنى جديم بي الياهل صدق يتعلم عندهم ولا تصدقين يوم يقولون عنها تبشيريه ولدي الحين صف ثاني وانشالله راح يكمل فيه... وفيه حضانه جدا ممتازه من سنه فاتحه ولدي الصغير يدرس فيها وفيها اول روضه واايد يهتمون في الياهل وفي دراسته و اكله وشربه ونظافته يدرسونهم بالانجليزي بالاضافه للعربي والدين اسمها حضانة اكسفورد ومعاملتهم جدا ممتازه ومريح وانصج فيها

**أحب البر** · 2008-03-10, 18:07

انا رحت مدرسة راس الخيمة لمتحدثي اللغة الانجليزية وخذت الاوراق ومترددة ماادري اسجله والا لا والسبب انه ماحد من يرانا او من الاهل وياه والمنطقة بعيدة ومنو بوديه وبييبه ؟؟؟؟؟؟؟؟؟؟؟؟

الحين حيرانه ؟ ؟ اوديه راس الخيمة علوم القران والا الشويفات؟؟؟؟؟؟؟

**بطاقه** · 2008-03-10, 18:22

أنا سجلته في مركز التطوير وتوكلت على الله
لأنها قريبه من البيت وبعد شفت وحده هناك مدخله ولدها من
العام الماضي والحين يايه بتسجل بنتها وتمدح النظام عندهم
بس انا إن شاء الله ما بخليه بتابعه أول بأول في البيت يعني
مب كل شي على المدرسه الدور الأكبر على الأم
والله يوفق عيالنا للخير والصلاح

**مروهاج** · 2008-03-10, 18:27

المشاركة الأصلية كتبت بواسطة طفول ماجد

ولد الكبير اول روضه درس في دبي وكان ممتاز في الانجليزي ولما رجعنا راس الخيمه دخلته مدرسة راس الخيمه لمتحدثي الانجليزيه وطول السنه انا على اعصابي ودوم الولد اييني وضروب والا معضوض او مفلوع ويعاملونج كانها افضل مدرسه في الدوله وطلع ولدي اللي كان شاطر طلع عنهم ما يعرف يعد من واحد لين عشرة لين الحين مقهوره منهم وبعدين دخلته الشويفات ماشالله عليها اذا امكانياتج تسمح دخليه ومايحتاي تسالين عنه لان الدراسه فيها صدق على مستوى ولو المبنى جديم بي الياهل صدق يتعلم عندهم ولا تصدقين يوم يقولون عنها تبشيريه ولدي الحين صف ثاني وانشالله راح يكمل فيه... وفيه حضانه جدا ممتازه من سنه فاتحه ولدي الصغير يدرس فيها وفيها اول روضه واايد يهتمون في الياهل وفي دراسته و اكله وشربه ونظافته يدرسونهم بالانجليزي بالاضافه للعربي والدين اسمها حضانة اكسفورد ومعاملتهم جدا ممتازه ومريح وانصج فيها

والله اختى اسمع عنها حلو ه بس امكانيتيه ماتسمح ...ماقصرتى لتوضيح اكثر من ام بتدعيلج

**مروهاج** · 2008-03-10, 18:29

المشاركة الأصلية كتبت بواسطة أحب البر

انا رحت مدرسة راس الخيمة لمتحدثي اللغة الانجليزية وخذت الاوراق ومترددة ماادري اسجله والا لا والسبب انه ماحد من يرانا او من الاهل وياه والمنطقة بعيدة ومنو بوديه وبييبه ؟؟؟؟؟؟؟؟؟؟؟؟

الحين حيرانه ؟ ؟ اوديه راس الخيمة علوم القران والا الشويفات؟؟؟؟؟؟؟

والله انا اسمع كل المدارس التى ذكرتيهم حلوات ...... بس خدي جوله فى الفصول شوفى المنهج يمكن تقتنيعي.

**مروهاج** · 2008-03-10, 18:30

المشاركة الأصلية كتبت بواسطة بطاقه

أنا سجلته في مركز التطوير وتوكلت على الله
لأنها قريبه من البيت وبعد شفت وحده هناك مدخله ولدها من
العام الماضي والحين يايه بتسجل بنتها وتمدح النظام عندهم
بس انا إن شاء الله ما بخليه بتابعه أول بأول في البيت يعني
مب كل شي على المدرسه الدور الأكبر على الأم
والله يوفق عيالنا للخير والصلاح

انشاء الله يكون اختيارج فى محله ويستفيد ولدج

**أم سيفان** · 2008-03-10, 19:06

والله كلنا محتارين .. بس انا اكبر خوفي انه حد يمد ايده على ولدي خاصة انه شيطان وكل يوم نسمع بلاوي في الجرايد اللي انضرب واللي ماعرف شو ..

اللي تعرف زيادة تفيدنا ويزاها الله كل خير ..

وشكرا أختي مروهاج على كل المعلومات وموضوعج القيم هذا ان شاءءله كلنا نفيد ونستفيد

**May22** · 2008-03-10, 20:00

كلهم يمدحون الشويفات ...

**أم نايل** · 2008-03-10, 20:21

والله مانعرف وين أنوديهم

**ام مروه333** · 2008-03-10, 20:35

الشويفات وايد غالي ودوامهم طويل لين الساعة3 حرام واايد انزين بنات شو رايكم بالمدرسة الحديثة

**ام مروه333** · 2008-03-10, 20:38

بنات انا فكرت اني ادخل ولدي مدرسة الشويفات بس المشكلة ماشي باص ومنطقتنا بعيدة عن المدرسة

الموضوع: تريدي دخلى ولدج روضه فى راس الخيمه ....دشي

أدوات الموضوع

عرض

تريدي دخلى ولدج روضه فى راس الخيمه ....دشي

المزيد من آخر المواضيع من نفس القسم:

المواضيع المتشابهه

افضل روضه في راس الخيمه

ْْْ روضه ْْْْ رأس الخيمه البـــريطانــيه ْْْْْ ظــروري ْْْ

روضه الورود براس الخيمه

@@ لا اترددين دخلى ما اتندمين ----عشان ولدج يحبج شوفى شلون@@@

بغيت روضه حكوميه ف العين وانا من راس الخيمه