أمثالنا القديمه

**جروح روح** · 2006-10-06, 16:17

السلام عليكم ورحمة الله وبركاته

مرحبا الساع:1 (26):

انا حبيت اشارك بكمن مثل عايبني من امثالنا الجديمه

وان شالله تعجبكم

واعرف انها جديمه ههههههه لانها من تراثنا
_______________

1 - مايحك جسمك الا ظفرك

المقصود :

محد بينفعك غير هلك الي عاشو وربو معاك و ربوك

2- مايمدح السوق الا من ربح فيه

المقصود :

محد يمدح الشي الا اذا عايبنه او نجح فيه

3- مال عمك مايهمك

المقصود :

الشي الي هب لك ماتهتم فيه

(يضرب المثل بالحاجه التي تملكها فلا تهمك )

4- مطر مايبلك مايهمك

المقصود:

ان الانسان يبعد عن المشاكل ولا يتدخل في شؤون غيره

5- من دق الباب ياه الجواب

المقصود :

الي عمل خير او شر بيحصل عل يزاه عل حسب عمله

6- من يزرع الشوك يجنيه

المقصود :

هذا المثل يقول انه الي يفعل شر ويخلي الناس تكره مابيحصل غير الشوج

7- من يا بلا داعي يلس بلا فراش

المقصود :

انه الشخص الي يحضر بدون دعوه مابيحصل الترحيب والتكريم

8- محد يقول دبسي حامض

المقصود:

يضرب هذا المثل للشخص الي لا يعيب نفسه وبضاعته او هله

9- من غرق حط ولده تحته

المقصود

ان الشخص الذي يمكن يساعد عمره بأي شي المهم انه يعيش

10 - هامور مايدخل ولا يخلي السمك يدخل

المقصود :

يعني ان الانسان الاناني مايحب الخير لغيره و لا يساعدهم عل الخير_

وان شالله استفدتوا من الامثله

أن نشاء يعيبكم__________________
:1 (37): :1 (9):

المزيد من آخر المواضيع من نفس القسم:

**بنت بلال** · 2006-10-06, 18:31

تسلمين الغالية .. ع الأمثاااااااااااال ...
,,
,,
,,
لاهنتي الغلا

..
..
..
..

**صاحبة الذوق** · 2006-10-17, 16:09

مشكوره ع الامثال ... بارك الله فيج

**منى الحمادي** · 2006-10-19, 11:07

مشكورة

**حاملة القرآن** · 2006-10-24, 19:21

مشكورة
خيتووووووو

**القطوة** · 2006-10-27, 22:18

مشكورة

**#ام سعيد#** · 2006-11-02, 12:41

مشكوره ع الامثال

**ღالثرياღ** · 2006-11-15, 08:32

تسلم
ايدجـ
والله
يعيجـ
العافيه

**منــــــايــــــا** · 2006-11-20, 01:43

مشكورة وصح السانج
وأنا بزيدج باللى ذاكرته:
1-واللى ماله أول ماله تالي.
تعني
اللى مال ماضي ماله حاضر.

2-أنا ربيت للغير صفيت.

3-تي تي مثل مارحتي ييتي.

-4 -غبضيه الدين ولا تغبضينه الزنديين.
(تقال للريال اللعوب)
5- لسانه يلوط اذانه (تقال للى لسانه طويل)

6-كدي يا غزاله واكلي يا سباله.
7-الروس نامت والنصاص قامت.
8-أم البنات تطبخ وتشوي وام الأولاد وراء البيت تعوي.
9- اذا حكمك حاكم منو بتحاكم .
10 عتيج الصوف ولا جديد البريسم.

-

**شيما** · 2006-12-01, 18:02

مشكوووووووووووورة

**الاسطوره** · 2006-12-25, 15:48

هلا الطيبة...

مشكورة..

وانا بزيد عليهن ..

1-الي ما يعرف الصقر يشويه..

2-سيل ما يبلك ما يهمك..

3-الفرس من خيالها والحرمة من ريالها...

4-من طول الغيبات ياب الغنايم..

5-من طلع من داره قل مقدار.....

اذا اذكرت شي بعد بزيد عليهن...

دمتي بوده

**جوري وعناب** · 2006-12-25, 19:53

تسلمووووون بنوتات

**الاسطوره** · 2006-12-27, 23:25

هلا الغالياااات..

رجعت وفي جعبتي الكثير...
يلا نبدا بسم الله

1-أبتير أبتير كلنا بتران...
معناته الشخص الي يعيب على شخص آخر وهو يسوي نفس الشي

2-الحرمة شاورها وخالفها>>>>>>>>>>حليلنا مقصة

3-العين بصيرة واليد قصيرة

4-جديم البريسم ولا يديد الصوف

5- من دق الباب ياه اليواب

دمتي بوده

**الاسطوره** · 2006-12-30, 22:35

مرحبا السااااااااااع

اليوم الوالدة الله يحفظهاااااااااا قالتلي مثل الصراحة اول مرة اسمعه...

وعيبني......

المثل هو..

كل(ن) ياخذ الملال صوب قرصه...

**حناين** · 2007-01-11, 22:20

السلام عليكم
يزاكم الله خير كملوا المعروف و اكتبوا معاني الامثال
طماعة

بس لاني وايد احب الامثال و احب استشهد بها في الكلام

الموضوع: أمثالنا القديمه

أدوات الموضوع

عرض

العرض المتطور

أمثالنا القديمه

المزيد من آخر المواضيع من نفس القسم:

رد : أمثالنا القديمه

رد : أمثالنا القديمه

رد : أمثالنا القديمه

المواضيع المتشابهه

في الشهامه القديمه

الذكريات القديمه

كيف تتصرفون مع المجلات القديمه

"أمثالنا الشعبية"

مسح الصور القديمه ....................؟؟؟؟؟؟؟؟؟؟