يقولى ما ادلعيني

**لمحة بصر** · 2008-03-06, 03:44

السلام عليكم والرحمه

شحاكم خواتي وشحالج اختى والسموحه منج
اكيد بتقولن ليش لاني داخله بنك نيمها المهم وشكلى بحصل ضرب .
ساعدوني ما عرف شوه اسوي انا مالجه وريلى يقولى ما ادلعيني يوم
اساله كيف تباني ادلعك يقولى انتى ما تعرفين لا تسالين معنه اقوله كلام حلو
وما ازقره بسمه دوم احترت والله ومب عارفه كيف ارضيه خبروني كيف
ادلعه يعني.

المزيد من آخر المواضيع من نفس القسم:

**دبي1212** · 2008-03-06, 07:36

امسحي عراسه قوليله ماما كوجي كوجي كوجي

والله مادري

ان شاء الله المعرسات ىيساعدونج ^_^

**لك القرار** · 2008-03-06, 14:42

المشاركة الأصلية كتبت بواسطة دبي1212

امسحي عراسه قوليله ماما كوجي كوجي كوجي

والله مادري

ان شاء الله المعرسات ىيساعدونج ^_^

خخخخخخخخخخ ضحكتيني والله بس من وين يبتيها هاي كوجي كوجي كوجي
صدقج والله يعني كيف يبغي ريلها تدلعه اصلا لانه هو دلوع لوووووووول

**احب السفر** · 2008-03-06, 15:14

المشاركة الأصلية كتبت بواسطة دبي1212

امسحي عراسه قوليله ماما كوجي كوجي كوجي

والله مادري

ان شاء الله المعرسات ىيساعدونج ^_^

ههههههههههههههههههه

**أم برهومي** · 2008-03-06, 11:31

الله ياخذ ابليسج ضحكتيني اختي دبي 1212..

يعني قوليله كلام حلو واذا مصخها قوليله لاحق عالدلع يوم بنعرس بتشوف الدلع خخخخ خلج لوتيه ههه

**أحبـ M ـك** · 2008-03-06, 11:43

ههههههههههههههههههههه خلي لسانج 24 ساعه يقطر عسل واهتمي فيه من كل النواحي

**آيس كريم** · 2008-03-06, 13:50

حبيبتي انتي نفس ريلي يوم كنا مالجين خخخخخخخخخخ والله كله كلام حلو بس مايعجبه اونه يقول انا ماعرف اقول كلام حلو واغازل!!!!!!!!!!!!
الظاهر يبغيني اكتب فيه قصايد خخخخخخخخخخخخخخخخ

حتى الدلع رغم كل اللي كنت اسويه بعد يقول انتي تستحين مني ولا دلعيني!!!!!!!!!!!

صدق يذبح!!!

تعرفين فالاخير شو سويت وياه خخخخخخخخخخخ صرت ساعات انسى انه ريلي واتم اتمصخر وامزح واستهبل جني اكلم وحده من الربع هع هع هع بس مانسيت الكلام الحلو بعد بس ماقمت ابالغ فالرومانسية... صار يقول لي انتي جيه اوكي اونه مرحه!!!!

ترى الرياييل رومانسيتهم غير عننا ... احنا وايد نحب الرومانسية والرقة فالمشاعر وهالسوالف
هم احس يحبون الرومانسية اللي فيها حركات ودلع مايع بالقوو واهم شي تكونين مرحة وفني وسوالف
وترى يحبون تعيشينهم في عالم خيالي ... يعني مثلا تمدحين فيه بشكل مبالغ (يعني شو هو في حياتج) وكيف بتعيشون مع بعض وكيف بتكونين له !! احس ريلي وايد يحب جيه رغم انه دوم يقول اعرف ان هالكلام كله كذب ومابيصير الا ربعه

بس وايد يستانس عليه .........

بعدين ترى الريال يحب يحس باهتمامج فيه بس عاد بشكل مب مبالغ فيه جنه ياهل!!
يعني تأخر عليه او شي طرشيله مسج قوليله حبيبي خوفتني عليك ليش متأخر!! \او مثلا فالليل او الصبح اول ما تنشين طرشيله مسج انج كنتي تحلمين او تفكرين فيه (حتى لو كذب هع هع هع ) يعني حركات عاد تفنني!!

**نااعمه** · 2008-03-06, 13:55

يوم بتعرسين دلعيه عامليه كانه ياهل ليما يطفر من الدلع بعد اشوفج مب مقصره شو قصده بالظبط!!

**مبروكين** · 2008-03-06, 14:31

ماعليج
كل الريايل جيه
يوم بيكون عندج لقميييه بيدج يوم بيسير يغسل ايده انتي اغسليها له ونشفيها
ويوم بيشرب الماي انتي شربيه وعقب اشربي من الكلاس نفسه

**لمحة بصر** · 2008-03-07, 02:01

هههههه والله انكم فرحتوني ايس كريم صدقتي يوم اتمدح به واتخيل ويها يقول هذا كلام بس سبحان الله .
مشكورات عل النصيحه ما قصرتو احبكم بالله .

**أمل ضايع** · 2008-03-07, 02:26

قولي له لاحق على الدلع خلانا نعرس وبتشوف الدلع عن اصوله وانتي بعد الله يهديش دلعيه بشوية لبس حلو على كمن شغلات ثانيه

**vip~s** · 2008-03-07, 02:44

لا هو يقصد اهتمام
اسالي اتعشيت اتغديت اتريقت
حبيبي كل عدل اوكي وانتي مروحه فالهاكلام
واذا تبين ماعدة حاظرة

الموضوع: يقولى ما ادلعيني

أدوات الموضوع

عرض

العرض المتطور

يقولى ما ادلعيني

المزيد من آخر المواضيع من نفس القسم:

المواضيع المتشابهه

ممكن حد يقولى ويفسرلى ايه معنى هذا؟؟؟؟؟؟؟؟؟

اللى يعرف يقولى بخصوص انجاب الاطفال المشوهين ربى يحفظنى واياكم

ابي مساعده......... من يعرف كيس كيك.....؟؟ يقولى تكفون خواتى