أوافق والا لا ؟!!!!

**دروب الشك** · 2008-03-02, 00:30

ياليت بنااات اللي تقرا سالفتي تدعيلي و تشووور عليه
انا بحاجة لنصايحكن خواتي
انا من فتره تقدم واحد من الاهل لخطبتي .. انا استخرت وبصراحه اول شي كنت متردده بس الحين الحمدلله احسن اني وايد مرتاحه للموضوع وكل يوم اتعلق فيه اكثر مع اني ماشوفه ولا اعرفه بس احس ان الله يحط المحبه فقلبي تجاهه
المشكله هيه اهلي كل ما تكلموا معاه اكثر يقولولي هذا ما عنده اسلوب فالكلام ولا يحترم حد هو من النوع العصبي شوي ع كلام اهله بس بسرعه يرضى ويتلوم وقلبه طيب وهو صح ما يعرف يتكلم مع الناس وايد يعني هو يعتبر اللي يقوله مزح بس الناس تقيس على انه لو ريال ما كان جيه كلامه !!!!! بس انا اقولهم هالاشياء ممكن انه يغيرها عقب ,, يعني يبا حد يقوله يمكن ما يصادف حد يقوله هالشي فيك غلط عشان يغيره
فوق كل هذا هو شاريني و يتمنى نكون لبعض بس احس من كلام ابويه انه مب موافق عليه ,, وتركلي حريه الاختيار يعني ينتظرون ردي انا بس ,, هل اوافق عليه مع اني حاسه بتردد اهلي ؟ والا لا ؟؟

شوووروا عليه بناااااات احس اني مخنوووقه ودعواتكم لي الله يفرج همي

المزيد من آخر المواضيع من نفس القسم:

**عاشقه زوجي** · 2008-03-02, 00:43

ردي صلي استخاره مره ومرتين والي اتحسيبه سويه وماخاب من استخار

**نانو** · 2008-03-02, 00:45

حبيبتي ما ادري شو اقولج والله الصراحة انا بنوته شراتج ما عندي الخبرة الكافيه ربي يفرج همج وينور بصيرتج

**اللآلئ** · 2008-03-02, 00:45

دااااايم استخرتي و ارتحتي فانا انصحج تاخذينه..
بعديييين ها اللي يسوووويه سلوووووك مع الاياام ان شاالله بيتغيراو بتغيرييييينه
بعديييين الطيبه اشوووفهاا اهم صفااات فالشخص اللي بتزووجييينه
الله يسسر لج امووورج يااا رب

**بنياسيه 84** · 2008-03-02, 00:48

ردي صلي صلاة استخاره واذا حستي نفس شعور الحين توكلي على الله وخذيه والله يوفقج ويسر امرج..

**طي السنيين** · 2008-03-02, 00:49

يصلي في المسيد ؟
لو ما يحترم أبوج لا توافقين

**The MoOon** · 2008-03-02, 00:50

الله يوفقج حبوبه

ويرزقج بالزوج الصالح

صلي الاستخاره واذا كان هالشي خير لج ربج بيسهل امورج فديتج ^__^

وبالتوفييييييييييييييق

**دروب الشك** · 2008-03-02, 00:58

هيه يصلي
بس انا ما قلت ما يحترم ابويه بالعكس هو وايد يحب اهلي ويقدرهم بس ما يعرف يوزن كلامه
هل هالشي ممكن اني اغيره عقب الزواج والا لا ؟

**فتاة جلفار** · 2008-03-02, 01:06

الريال تقدرين تغيريينه لانه في مقولة تقول وراء كل رجل عظـــــيم إمرأءة ^__^

دام هو شارنج و يباج هذا هو المهم تاخذين واحد يحبج أفضل من إنج تاخذين واحد ما يحبج

ما عليج من الإسلوب يتغير مع الأيام و انتي تعرفين كيف تغيرينه يعني إنتي و شطارتج ،،، الريال بيكون لج و بيكون معاج تحمليه و ربي يوفقج إن شاء الله و هذي فرصه لج و ما تدرين يمكن ما تتكرر لا سمح الله ....

دام إنتي إستخرتي و مرتاحه الحمدلله إستخيري و توكلي على الله و إذا الله كاتب لج الخير بييسر لج و إذا كان العكس بيصرفه عنج ...

عكسي كل ما أصلي إستخاره ما ارتاح و أرفض على طول ما أتفاهم هههههههه الله يرزقنا و يرزقكم الزوج الصالح ياربي

**ط ي ب ة** · 2008-03-02, 01:17

ردي صلي صلاة استخاره واذا حستي نفس شعور الحين توكلي على الله وخذيه والله يوفقج ويسر امرج..

**انا ملاك** · 2008-03-02, 01:24

الغاليه نصيحه مني دامج استخرتي وارتحتي بعد الاستخارة وافقي
وبعدين كل واحد يقول رايه مب معناته انه هو فيه عيوب الدنيا ..
كلن يرا الناس بعين طبعه،،،،،
والسموحة منج

**أحلى غراام** · 2008-03-02, 01:33

الله يسويلج اللي فيه الخير لـج يارب

**موزوه22** · 2008-03-02, 01:35

أنا أقولج لو كان محافظ على صلاته وافقي عليه والقريب أولا من البعيد القريب أتعرفين محاسنه وعيوبه وأن شاء الله تقدرين أتغيرين ملافضه شوي شوي بس إذا صار نصيب لا تقولين له بويها ملافضك مش حلوه قوليها بطريقه ثانيه وشوي شوي الله يوفقج أن شاء الله ويرزقج بالذريه الصالحه ويسر لج الله كل أدروبج أن شاء الله

**شمسية** · 2008-03-02, 10:08

أختي يا دروب الشك أنت توكلي على الله وصلي استخارة والله سبحانه وتعالى بسهل أمورج والزواج قسمة ونصيب والله المستعان في كل الأمور .

**كعبية** · 2008-03-02, 10:14

الله يوفقج حبوبه

ويرزقج بالزوج الصالح

صلي الاستخاره واذا كان هالشي خير لج ربج بيسهل امورج فديتج ^__^

وبالتوفييييييييييييييق

الموضوع: أوافق والا لا ؟!!!!

أدوات الموضوع

عرض

أوافق والا لا ؟!!!!

المزيد من آخر المواضيع من نفس القسم:

المواضيع المتشابهه

"أوافق" والا "ارفض" ؟

جاوبي بـ ( أوافق _ لا أوافق)

بليز ساعدوني رحاب والا ريحانه والا نبيلة والا امنة الحوسني ..

بنات خطبني واحد معرس,, ما أدري أوافق والا لا؟؟ ( سبب زواجه ان حرمته ما تيب عيال)