جامعة ولونغونغ في دبي

**malak_AD** · 2008-03-01, 15:24

السلام عليكم

أنا من ابوظبي بس افكر ادرس الماجستير في هالجامعة جامعة ولونغونغ في دبي. انا دخلت الموقع وشفته بس طبعا اكيد اللي بالموقع مب نفس اللي تشوفينه
ويصير لج بالواقع. يعني أبى اشوف وحده درست بهالجامعة وفعلا تنصح فيها
وكيف الجو والدوام ومعاملة المدرسين والدراسة طبعا؟

هاي الجامعة استرالية وفي وايد تخصصات للماستر وغيره ومعترف فيها
بس المشكله انه بدبي.

وياالله نشوف اقتراحاتكم ومعلوماتكم

وشكرا

المزيد من آخر المواضيع من نفس القسم:

**غروب** · 2008-03-01, 17:21

صاحبتى بيها الجامعة ماعليها كلام توووب ونظام الدراسة افضل بكثير من النظام العربي
تعتمد الدراسة مش على الامتحانات بس...لا على الامتحان والبحثوث ...لازم يكون عندج اليز بدرجة 6 وبعد اسعارهم جدا مميزة بالنسبة لجامعاتنا...مع انها عالمية...بس الدراسة فيها مختلط...بس اعتقد معظم الدراسات العليا بالدولة مختلط
اتمنى لج التوفيق ....

**malak_AD** · 2008-03-01, 18:06

المشاركة الأصلية كتبت بواسطة غروب

صاحبتى بيها الجامعة ماعليها كلام توووب ونظام الدراسة افضل بكثير من النظام العربي
تعتمد الدراسة مش على الامتحانات بس...لا على الامتحان والبحثوث ...لازم يكون عندج اليز بدرجة 6 وبعد اسعارهم جدا مميزة بالنسبة لجامعاتنا...مع انها عالمية...بس الدراسة فيها مختلط...بس اعتقد معظم الدراسات العليا بالدولة مختلط
اتمنى لج التوفيق ....

تسلمين الغاليه شجعتيني الله يوفقج تعرفين انا سئلت وعرفت انه كل الجامعات مختلطه بنسبه للي يبون يدرسون الماستر يعني مب مهم المهم جامعة معترف فيها ودراستها اوكيه. انا عندي الايلس 6 بس تخصصي بالنسبه للبكالريوس يختلف عن التخصص اللي ابى ادرسه حاليا اظني عادي؟

انزين ممكن تسئلين ربيعتج كيف الدوام يعني لازم يوميا؟ ولابس مثلا مره بالاسبوع ومن الساعة كم؟

وشاكره لج هالتواجد والافادة

**malak_AD** · 2008-03-01, 19:51

وينكن ؟

**malak_AD** · 2008-03-01, 22:03

؟؟؟؟؟؟

**غروب** · 2008-03-01, 23:02

ماشاء الله عليج من متى واحاول صعب احسه الايلس حاولت مرتين بالتوفل وما اجتزته ان شاء الله احاول والحقج..بس بشو تنصحينى ..للحصول على الاليس6
هم التخصص مومهم يطرحولج مساقات بالتخصص الي تبينه تساعدج..ربيعتى دوامهم يومين بس ..والله يوفقج

**منان** · 2008-03-01, 23:36

انا عندي وحده من ربيعاتي درست ماجستير هناك..

بدور لج رقمها وبعطيج اياه.. طبعا من بعد اذنها

ولو ماقدر بعطيج رقم المكتب ..

وان شاء الله تساعدج..

بس اللي سمعته ان الجامعه ممتازه جداً

وبالتوفيق

**دانتيل** · 2008-03-01, 23:38

هلا اختي

انا ما عندي فكرة بس ممكن تشوفين هالموقع يمكن يفيدج

http://www.uaestudents.net/vb/

**malak_AD** · 2008-03-02, 01:41

المشاركة الأصلية كتبت بواسطة غروب

ماشاء الله عليج من متى واحاول صعب احسه الايلس حاولت مرتين بالتوفل وما اجتزته ان شاء الله احاول والحقج..بس بشو تنصحينى ..للحصول على الاليس6
هم التخصص مومهم يطرحولج مساقات بالتخصص الي تبينه تساعدج..ربيعتى دوامهم يومين بس ..والله يوفقج

تسلمين ياالغلا بالنسبه للايلس شوفي ركزي اولا على استخدام كلمات مهمه في الكتابة انج تبينين استخدام كلمات مهمه مثلIn addition او therefore او Furthermoreمع تسلسل الافكار وتنوعها. بالقراءة حاولي تقرينه عالسريع وركزي على السؤال لازم تقرين كل شي كامل بس عالسريع لانه ماشي وقت. بالنسبه للاستماع سهل بس مرات يضيعج والكلام تكلمي وايد بس خليج فلونت يعني خلي عندج طلاقه بالكلام وعادي تفكرين وتردين متاخر بس اهم شي اذا رديتي ماتوقفين.

**malak_AD** · 2008-03-02, 01:43

المشاركة الأصلية كتبت بواسطة منان

انا عندي وحده من ربيعاتي درست ماجستير هناك..

بدور لج رقمها وبعطيج اياه.. طبعا من بعد اذنها

ولو ماقدر بعطيج رقم المكتب ..

وان شاء الله تساعدج..

بس اللي سمعته ان الجامعه ممتازه جداً

وبالتوفيق

ياريت والله اختي بكون شاكره لج والله يوفقج لاني ابى فكره اكثر عن كيف نظامهم وكيف دراستهم وشو يركزون عليه اكثر شي طبعا غير الانجليزي.
ويبون خبرة ولالا؟ اللي عرفته بعد انه الدفع مسبق كامل طيب نفترض ماعيبني او ماحبيت اكمل شو ممكن اسوي؟

**malak_AD** · 2008-03-02, 01:44

المشاركة الأصلية كتبت بواسطة دانتيل

هلا اختي

انا ما عندي فكرة بس ممكن تشوفين هالموقع يمكن يفيدج

http://www.uaestudents.net/vb/

تسلمين شكرا

**شوشيتا** · 2008-03-02, 15:46

حبيبتي الجامعة وااااااايد فنانة .. انا سجلت و داومت كمن اسبووع بس وقفت عشان ظرووف
على ايامي ما طلبوا الايلس ( سنة 2007) هم رووحهم عندهم امتحان انجلش اسمه اذا مش غلطانة accuplacer
سهل ابدا مش صعب .. اذا نجحتي تدخلين التخصص و اذا لا يحطونج ف كورس انجلش و ترجعين تمتحنين ..

الكلاسات من 6-10 مساء كل مادة لها يوم .. غالبا مادتين كل سمستر و ممكن 3 موااد اذا تقدرين و ماعندج دوام ..
سمستراتهم قصييرة ( يناير-ابريل) ( مايو-يوليو) (سبتمبر - ديسمبر) ..

الدراسة ( اكزامز + برووجكتس) .. سمعت من الطلبة اللي هناك انه الدراسة زينة و الدكاترة متعاونين =)

وايدين وياية كانوا خريجين باجلر تخصصات غير عن البزنس بس يكملوون ماسترز في فرووع البزنس =)

موفقة يااااارب

**malak_AD** · 2008-03-02, 17:42

المشاركة الأصلية كتبت بواسطة شوشيتا

حبيبتي الجامعة وااااااايد فنانة .. انا سجلت و داومت كمن اسبووع بس وقفت عشان ظرووف
على ايامي ما طلبوا الايلس ( سنة 2007) هم رووحهم عندهم امتحان انجلش اسمه اذا مش غلطانة accuplacer
سهل ابدا مش صعب .. اذا نجحتي تدخلين التخصص و اذا لا يحطونج ف كورس انجلش و ترجعين تمتحنين ..

الكلاسات من 6-10 مساء كل مادة لها يوم .. غالبا مادتين كل سمستر و ممكن 3 موااد اذا تقدرين و ماعندج دوام ..
سمستراتهم قصييرة ( يناير-ابريل) ( مايو-يوليو) (سبتمبر - ديسمبر) ..

الدراسة ( اكزامز + برووجكتس) .. سمعت من الطلبة اللي هناك انه الدراسة زينة و الدكاترة متعاونين =)

وايدين وياية كانوا خريجين باجلر تخصصات غير عن البزنس بس يكملوون ماسترز في فرووع البزنس =)

موفقة يااااارب

تسلمين والله ياالغلا افدتيني وايد وخلاص باذن الله بسجل
الله يعطيج العافيييييييييييييييييييييييييييييية.
****
عندي بعض الاسئلة اختي ادري تعبتج

الحين اذا ماحبيت اكمل بكون دافعه شو ممكن اسوي او بالاصح شو يسوون؟
وبالنسبة لدوام هل هو يوميا من 6-10 المساء مب على كيفي اختار الوقت؟
وبالنسبه لايام الحضور يوميا ولابس يومين بالاسبوع؟
وشو التخصص اللي تنصحيني فيه؟

الله يوفقكن جميعاااااااااااااااا

**Cute_Barbie** · 2008-03-02, 22:25

هلا حبوبه .. انا بعد ناويه اكمل فيها ان شاء الله في الصيف .. بس لاني مب من دبي بقدم على السكن بعد ^_^ .. امتحنت عندهم ايلس والحمد الله قبلوني في التخصص .. بخصوص الدفع .. في اكثر من طريقه ..

1- تدفعين مبلغ الدراسه كامل " كل المواد للي اتخص الماستر " يعني 49000 .. وبيعطونج ديسكاونت 10%

2- تدفعين مبلغ الكورس اللي بتدرسينه بس " مادتين او 3 " الدفع يكون كامل في بدايه الكورس "يعني 12400 للمادتين او 18600 للثلاث مواد ".

3- تدفعين تقسيط على 3 مراحل خلال الكورس الواحد "اول الكورس تدفعين اظني نص المبلغ وبعدها باقي المبلغ مقسط على فترتين .. بس بيزيدون عليج 200 درهم " .

اما بخصوص الدوام قالولي الماده الوحده تنطرح يوم واحد في الاسبوع من "6-10 " يعني دوامات مسائيه بس.. لو بتسجلين مادتين .. معناها بيكون عندج دوام يومين في الاسبوع ..

على فكره واااااااااااااااايد متخرجين من هالجااااامعه ويمدحوووونها .. ومنهم اللي مسكوا مناصب بعد التخرج .. وموفقه غناتي ^_ جان تبين شي بعد مايردج الا كيبوردج ..

**redmoon** · 2008-03-02, 23:34

والله تشجعت ادرس بهالجامعه
بسسسسسسسسسسس شو المعدل المطلوب واذا معدلي اقل عن المطلوب ممكن يكون في حل
يعن ادرس بعض المساقات ويراقبون معدلي يرتفع والا لا واذا ناسبهم يحلون اخذ مساقات زياده

الموضوع: جامعة ولونغونغ في دبي

أدوات الموضوع

عرض

جامعة ولونغونغ في دبي

المزيد من آخر المواضيع من نفس القسم:

المواضيع المتشابهه

( آيلس ) جامعة ولونغونغ ألي في دبي ولا القصنلية البريطانيه

الآيلس جامعة ولونغونغ الاسترالية

.. جامعة ولونغونغ ..

ماجستير جامعة ولونغونغ الاسترالية

ماجستير /جامعة ولونغونغ في دبي