ختانة الاولاد

**barkosha** · 2008-02-28, 15:56

مرحبا خواتي.... ياريت كل وحده تخبرنا متى ختنت ولدها .. و اذا الختانه نجحت والا اضطرت تعيدها ...

انا ولدي ختنته يوم كان عمره يوم !! و ما خبرت حد لا ابووه ولا امي ولا حد !! و يوم خلص كلهم لاموني .. قالولي الختانه اغلبيتها ما تنجح يوم هو في هالسن !!! و الحين راكبني الوسواس !!! خاصه اني حاسه ان في شي غلط في موضوع الختانه ...

اتريا ردودكم ...

المزيد من آخر المواضيع من نفس القسم:

**barkosha** · 2008-02-28, 17:51

؟؟؟؟؟؟؟
ليش محد رد علي ؟!؟!؟

**أم الذيب** · 2008-02-28, 21:22

الغاليه اول شي هب لازم تسوين شي من غير شور ابو عيالج ابعدي نفسج عن المشاكل

وثاني شي الياهل افضل الختان له في يوم سابع من عمره

واذا طهرتيه اول يوم ما فيها شي

والدكتور يحدد طهارته صحيحه والا لازم يعيدونها

ولو اني ما كد مر علي حد عاد ختان عياله

الله يخليه لج

ويجعله من الطاهرين المتطهرين يا رب

**aldfshah** · 2008-02-29, 00:55

بالتوفييييييق يارب

**ام فطامي11** · 2008-02-29, 01:02

بالصراحه انا ولدي عمره 3سنواتو9شهور لين الحين ما ختنته بس انشاء الله على الصيف بختنه.... فما عندي عن فكره الختان وهم صغار

**الفيحاء** · 2008-02-29, 01:38

ما عندي فكرة

**silkywater** · 2008-02-29, 17:49

السلام عليكم....

لا توسوسين و لا تلوميين نفسك..... كل ما الولد اتختن بدري كل ما يكون احسن لان ماراح يتألم كثير و ما في شي اسمه الختان ناقص و مادري شنو اتطمني الي سوتيه هو الصح ...
كل المستشفيات اتختن في اول شهر من الولاده قبل ما يكمل سنه

الله يوفق الجميع

**Al_Dloo3aa** · 2008-02-29, 19:48

عااادي حبيتي اختي ختنت ولدها بعد اول ما انولد الحين مافيه شي

وانا ختنت ولديه عقب شهرين لاتوسوسين ولا شي

**أم حمادينو** · 2008-03-01, 04:09

انا ختنت ولدي يوم كان عمره 21 يوم لان كان فيه بو صفار و الدكتور ما طاع يختنه و ختنته الحمدلله و من كم اسبوع ابونا شاف ان الختانه شي فيها ووديت ولديه مراجعه للدكتووووره و سوى حركة بسيطه و رجع كل شي طبيعي و لله الحمد ..
ربيعتي ختنت ولدها و اهملته و لما رجعته للدكتوووور قالها لازمنه ختانه مره ثانيه ..

**دريمه** · 2008-03-01, 05:11

انا طهرته ثالث يوم تقريبا
وعادي مافيها شي اول يوم الختان اوكي بس الافضل في سابع يوم

**بنوتة العين** · 2008-03-01, 15:52

أنا ولدي البجر ختناه يوم كان عمره 3 أيام قبل ما نطلع من المستشفى
أما ولدي الثاني فأخرته شهر لأنه كان تعبان شوي ، فديته واااايد تم يصيح رحمته ويعوره

**ام رووضة** · 2008-03-01, 17:11

اعتقد عاادي الموضووووع فيه مستشفياات يختنوون من اول يوم ليهم
لا توسوسيين ان شاء الله ما فيه الا العاافيه

انا من 3 اياام موديه ولدي والحمد لله وهو عمره 3 شهوور
بس صار عنده انتفاااخ ..

**shamoOo** · 2008-03-02, 01:28

حبيتي انا ختنت ولدي يوم كان عمره 3 أيام قبل ما أترخص من المستشفى ...او هذا كان طلب أبوه و أنا كنت أموافقة ...و إنشاءالله هذي المرة بعد إنشاء الله بختنة أول ما يطيح (الله إتمم عليه إنشاء الله)

**أم سعيد 15** · 2008-03-04, 20:09

لا تخافين أختي عادي أنا ختنت عيالي من ثاني يوم من الولادة عشان يكون صغير وما يحس وايد وكيف لوكان كبير ويمشي ويحرك ريله صعب أشوي
انا ختنت عيالي في مستشفى الوصل والله أرتحت وايد وختانهم زين وايد وايد

الموضوع: ختانة الاولاد

أدوات الموضوع

عرض

ختانة الاولاد

المزيد من آخر المواضيع من نفس القسم:

المواضيع المتشابهه

ختانة الاولاد ... عيادة سفاريني

ختانة ولدى ساعدوونى

ام الاولاد

ختانة الاطفال

ما حكم ختانة البنات؟؟؟؟؟؟؟؟؟؟؟؟؟؟؟؟؟؟؟