شو سالفة عدساتي ؟؟؟

[::قصـــــايد::]

مرحباااااااااا الساااع بخواتي
اشحالكن عساكن بخير



اممممممممم بغيت اتخبر اللي تلبس عدسات عسب اتفيدني

اسمعوا السالفه من الاول ...

انا ماخذه عدسات من محل نظارات وااايد اوكي.. عندي اياها من شهر ومب اول مره اخذ من هالماركة ومب اول مره البس عدسة... المهم يا طويلات العمر اني قبل جم يوم يايه البسها ..اللي ع العين اليمين ادخلت بكل سهولة ...لكن اليساااار ...من حطيتها وانا احس ان شي في عيني ايطعني ..عقيت العدسه وشفتها ومالقيت فيها شي .....وعيني ما فيها شي ...حاولت البسها وديه ثانيه دخلت بس بعدها الطعنه ..غمضت عيني ويوم فجيتها ان العدسه عالقه في الرمش ههههههههه كيف جذي ما اعرف ..قلت يللا بنظفها بالمحلول وغسلت عيني عدل ..حاولت البسها دخلت والطعنه موجوده لكنها اخف ...اقولكن من غمضت عيني وفجيتها ...ما اوعى الا بعيني اليسرى سوووده ...وين العدسه ؟؟؟طالعت رموشي مب عالقه عليهن ..طالعت القميص ما به شي ..عقب شكيت لا ايكووون ....والله يا خواتي ما حسيت ان شي داخل عيني ..بس قلت بشوف يمكن... يودت رموشي مطيتهن ههههههه فسحبت جفني الا الاجي العدسه فوووووق ..كيف وصلت ؟؟ وشو اللي حركها ما اعرف ...سحبتها على طول قلت زين يوم ما دخلت داخل ..والمشكله اني ما حسيت بشي داخلها ابد ....



ظهرتها وحطيتها في علبتها ..احينه خواتي بغيت استفسركن يوم جي يستوي شو يعني ؟؟؟ هالعدسه يمكن المره السابعه الي البسها ....وضمانها سنة كاملة ....

وشوركن انظفها والبسها عادي والا برايها ؟؟؟؟ انا قلت يمكن عيوني شي داخلها والا الرمش يمكن ...ما اعرف شو رايكن خواتي ؟؟

المزيد من آخر المواضيع من نفس القسم:

• سكراب الشوفان وعصير الليمون لتقشير البشرة في...
• طريقة استخدام زيت شجرة الشاي لعلاج الهالات...
• طريقة عمل مرطب شفايف طبيعي بالجريب فروت حصري
• سكراب القهوه للقدمين واهم فوائده حصري
• تعرفي على ابرز فوائد زيت الورد السحرية...
• سكراب الروزماري الفعال لتقشير القدمين في...
• طريقة عمل مقشر شفايف طبيعي بأربع مكونات فقط...
• افضل فيتامينات لصحة وجمال البشرة حصري
• سكراب القرفة وزيت جوز الهند لتقشير الشفايف...
• خلطات سحرية لتبييض الابطين والمنطقة الحساسة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[< أمون >]

هلا اختي.. انا البس العدسات من زمااان يعني عندي خبرة كااافيه هههههه.. انا صار لي نفسج جي تحسين كانه مثل الحصى الصغير.. الغالية.. الاحتمال الاول: سيري جيكي على نظرج مرة ثااانية يمكن عندج انحراف في العين اليسرى ونقص نظرج نص درجه او درجه على حسب.. الاحتمال الثاني: يمكن في شرخ في العدسة او منقصة بشكل بسيط غير ملاحظ.. الاحتمال الثالث: غيري نوع المحلول اللي انتي تستخدمينه يمكن ما يناسبج هالمحلول.. الاحتمال الرابع: يمكن عينج ناوية يطلع فيها ضبضوب.. الله لا قاااال .. بس انا صار لي في عيني اليسار بعد كانت عيني ما تتحمل العدسة الا واشوف انه ضبضوب بدا يطلع في عيني..

ان شاااء الله اكون افدتج يالغلا.. وسلامتج

[قلوب دافئة]

صارت لي كثير انصحك اتروحي المحل واتبدليها لانه احتمال تصنيع العدسه خطأ يعني موه منك روحي المحل وخذي الفاتورة عشان يبدلها لك بوحده ثانيه وقولي لهم كلما لبستها تعورك عينك وتحسي بطعنات>> وخزات واحمرار حسب درجه حساسيه العين

وان شاء الله خير

[::قصـــــايد::]

مشكووووورات خواتي ع الردود وان شالله بسير المحل اليوم وبتفاهم وياهم

[::قصـــــايد::]

مرحبا خواتي ..

بخبركن وديت العدسات المحل ويوم طالعتهن الحرمه قالت لي بنفسها انه العدسة اللي ع العين اليسرى جن شي حافنها ومخرب شكلها الدائري بعكس العدسة اليمنى استدارتها كاملة ..قلتلها وليش استوى جي ؟؟قالت لي انتي يمكن يرحتيها وما انتبهتي ...ما طولت وياها في الرمسه لانها عطتني غيرها من نفس النوع ..

بس خواتي بغيت انبهكن تتطالعن العدسات عدل قبل لا تلبسنها وتتاكدن ان استدارتها كاملة ..لان سبحان الله ما انتبهتلها وهي تروح تحت الجفن و لا حسيت ان شي داخل عيني ..

[بنت الصحراء]

للرفع

[سلامه بينه]

مرحبا خواتي ..

بخبركن وديت العدسات المحل ويوم طالعتهن الحرمه قالت لي بنفسها انه العدسة اللي ع العين اليسرى جن شي حافنها ومخرب شكلها الدائري بعكس العدسة اليمنى استدارتها كاملة ..قلتلها وليش استوى جي ؟؟قالت لي انتي يمكن يرحتيها وما انتبهتي ...ما طولت وياها في الرمسه لانها عطتني غيرها من نفس النوع ..

بس خواتي بغيت انبهكن تتطالعن العدسات عدل قبل لا تلبسنها وتتاكدن ان استدارتها كاملة ..لان سبحان الله ما انتبهتلها وهي تروح تحت الجفن و لا حسيت ان شي داخل عيني ..

نصيحة لوجة الله يااختي لا تستعملين العدسات السنوية جربي اليومية لان السنوية سببتلي وايد مشاكل واتهابات لين وصل الالتهاب للقرنية وهذا كلة بسبب ترسبات البروتين في العدسه لان العين ترفض اي جسم يدخل العين فتفرز مادة البروتين اللي يكون لونها ابيض وطبعا كنت ناوية اسوي ليزر فقالولي ان القرنية تعبانة وما تتحمل الليزر وهذا كلة بسبة العدسات السنوية وانا الحين من 8 سنوات ولله الحمد عالعدسات اليومية ومرتاحتلها

[Nothing_24]

يمكن لابسه العدسه بالجلب

ترا انا مرات وانا انظفها تنجلب عالصوب الثاني واتم تتحرك ماتثبت في العين ويوم تغمضين تطلع عالرموش لووول

حطيها عالصوب الصح ولبسيها

ولاتنسيت تنظفينها وتغيرينها كل شهرين احسن

او استخدمي اليوميه