ارجو المساعده

**شمسه الشامسي** · 2006-01-19, 09:59

السلام عليكم

اذا حد يعرف يساعدني يكون مشكور لأنني احترت في امري انا حامل في الشهر الخامس وكل شي كان طبيعي ابتدت المشكله اول الخامس عندي وهي ان الماء الموجود حول الجنين بدي يقل واخاف ان يموت الجنين عملت كل الفحوصات والتحاليل ما في فايده أتمني الرحمه من الله

أختكم شمسه الشامسي

المزيد من آخر المواضيع من نفس القسم:

**نبضة قلب** · 2006-01-19, 11:19

الله يعافيج الغاليه
اي دكتوره راجعتي؟
وهل كلهم قالو نفس الكلام؟
وبشو نصحوج؟
لان لازم تراجعين كمن دكتور علشان تتاكدين الموضوع حساس
الله يقومج بالسلامه ويتمم اشهور حملج
في ناس يولدوهم منوقت لمن ما عليج يا الغاليه عليج بالدعاء في الثلث الاخير من الليل

**ر و ح** · 2006-01-19, 13:40

الله يعافيج و يتمم عليج حملج.
أنصحج بصلاة الليل حتى لو ركعتين بس تقرين فيها صورة البقرة كاملة حتى لو يالسة وعقب ترجي الرب بدعاء
واللة يقومج بسلامه

***أم اسمـــا*** · 2006-01-19, 14:04

الله يقومج بالسلامه اختي
انا استوتلي هالمشكله يوم كنت في شهري الثامن بأسومه..
والحمدلله ربيت طبيعي..
حد يقول انه زيادة الماي ونقصانه له علاقه بشربج انتي للماي..
فاذا قللتي من شرب الماي بيقل الماي اللي في الكيس
والله العالم..اختي زيدي من شرب الماي اذا ما كنتي تشربين
وربي يثبتلج حملج ويسهل عليج يااارب ويقومج بالسلامه

**واثقة الخطى** · 2006-01-19, 14:27

الله يثبت لج حملج يارب
بس الغاليه انا اشور عليج انج تروحين عند زينب
بطمنج اكثر عنا لانها هي ادري بهاي السوالف
الله يسر عليج يارب ويقر عينج بذريتج

**صدى حنيني** · 2006-01-21, 00:05

المشاركة الأصلية كتبت بواسطة قاصد جداكم

الله يثبت لج حملج يارب
بس الغاليه انا اشور عليج انج تروحين عند زينب
بطمنج اكثر عنا لانها هي ادري بهاي السوالف
الله يسر عليج يارب ويقر عينج بذريتج

**أم الـغـالـي** · 2006-01-21, 00:21

الله ييسر لج امرج ويثبت لج حملج وانا مع الاخت قاصد في مشورتها لج بالدكتوره زينب اهلي يمدحونها راجعي عندها

**شمسه الشامسي** · 2006-01-21, 13:59

يزاكم الله خير علي كل الكلام والله ماجصرت وبعدني باخذ بشوركم

اختكم شمسه الشامسي

**كلي طموح** · 2006-01-21, 17:38

اختي توكلي على الله

كلنا مرينا بمواقف مشابهه وياكثر مشاكل الحمل

الله يقومج بالسلامه

تحياتي لج

**شيخة بوظبي** · 2006-03-05, 18:19

[12]الله يسهل عليج يااااارب،،وحليلي ماعرف لهالسوالف والله..[/12]

**الدانه** · 2006-03-05, 20:07

هيه والله اختيه الله يسهل عليج يااارب ,,

وانا بعد ما دري بهالسواالف ,, اسمحيلي ع التدخل ,,

**شمسه الشامسي** · 2006-03-08, 12:07

مشكورين خواتي

**يا ورد** · 2006-03-08, 22:55

ربي يسهل عليج ويطمنج عالياهل يا رب

**بنت بلال** · 2006-04-17, 16:12

مرحباااااااااوالله ببنت الشامسي ........ شخبارهم عربنا ............

اختي عليج بالدعاء..................................... لأنه سلاح المؤمن

وربي يعافيج .................... ويثبت حملج ..................... وما عليج شر ان شاء الله

السوالم

**شوق الأمارات** · 2006-04-20, 08:06

الله ييسر لج امرج ويثبت لج حملج

الموضوع: ارجو المساعده

أدوات الموضوع

عرض