مكان لتدريب الرقص الشرقي في ابوظبي

**دمعة الماسة** · 2008-02-23, 19:32

مرحبا عزيزاتي ...

أنـا حـابة اسـأل من منـكن اتعـرف مكـان يدربون (( رقص شرقي )) فـي بوظبي بصراحـة ودي اتعـلم بس مش محصلـة مكـان للتدريب وتـكون المـدربة طبـعـا حـرمــة هـو كــان شي في الشيـراتون بس لمـا اتصلت وسألـت خبـروني انـها سـافرت

الله يخليكن اللي تعرف تساعـدني والله يجزيها خير

&&&&&&&&&&&&&&&&&&&&&&&&&&&&&

اضافة من اناناسة بساعة 8:26

الغالية كيف الله يجزيننا خير و نحن نشاركج في المحرمات ؟

ما بحذف الموضوع ,و لا بغلقه , و لكن اي وحدة تساعدج على العام او الخاص

بتكون مشاركة في الخطيئة و لها ذنبا كبير

قال تعالى : و تعاونوا على البر و تقوى

بارك الله فيكم اخواتي في الله

تبغون تتعلمون رقص شرقي ؟

تبغون ترتكبون جريمة بحق انفسكن؟

تبغون تسوون شئ ما يرضى الله و لا رسوله؟

ما تخافون ييي يوم و انتي مجابلة رب العالمين ؟

كيف لج قلب انج توقفين و تعترفين بخطاياج؟

ما ابغي احرجكم و لا الومكم و لكن ود ودي تنتبهن بخطورة الطلب قبل ما تسوونه

اخواتي , حبايبي اتقوا الله

شو بيفيدكم الرقص؟

شو بيفيدكم الاغاني؟ و الموسيقي؟

الموت ياي ياي و حق

تخيلي و انتي ترقصين ياء وقتج ... شو بتكون حالتج يوم القيامة؟

اتمنى الهداية للجميع و الثبات للاجمعين

المزيد من آخر المواضيع من نفس القسم:

**Simply Me** · 2008-02-23, 19:36

انا بعد ادور... بس في دبي او الشارجه... خخخخخ

بس تكون حرمه و حصص خاصه (مب كلاس فيه 20 و اكثر) و سعر الساعه يكون مناسب...

**Donna** · 2008-02-23, 19:36

بجاوب قبل لا يقرضونج البنات .. وبشرد ... ههههه أمزح فديتج ..
لا تسيرين تتعلمين في فنادق تراها مب أمان هاتيلج وحده في البيت أأمن وأستر .. والسموحة منج ,.. بااااااااااي

**Simply Me** · 2008-02-23, 19:41

انا مع donna ...

احسن تيي البيت او خذي درس خاص لانج ما تضمنين اللي موجودين و ياج فالكلاس... يمكن و حده اتصور او شي...

**Donna** · 2008-02-23, 19:45

غير التصوير والرمسة .. في مشكلة ثانية هي إنج ما بترتاحين إذا كلاس جماعي ... ما شي خصوصية .. وإنتي سايرة تتعلمين ما تتحدين .. عاد البنات حركات أونهن كل وحده مسويه عمرها فيفي عيده يعرفن ما يحتاي يتعلمن .. بيتمن يتفلسفن عليج

**بنوتة80** · 2008-02-23, 19:46

اول مرة اسمع بهالشي اهني احيده في مصر > مستغربة

**UAEcat** · 2008-02-23, 19:49

زمان سمعت ان باريس جاليري يسوي دورات رقص شرقي اتصلي واساليهم

**Um_BirGa3_NIKE** · 2008-02-23, 19:53

اشتري مجلة
aquarius magazine
بتحصلينها في سبينيس او كارفور او ابيلا...
وفي الصفحات الاخيره بتحصلين عناوين مال تدريب الرقص و وااايد اشيا في بوظبي و دبي و الشارجه...=)
اتمنى اني فدتج الغلا...

**Om 7aMda** · 2008-02-23, 19:55

اتقي الله في نفسج اختي ,...

**Simply Me** · 2008-02-23, 20:07

صدقج danna كل وحده تبا اتطلع انها اتعرف احسن عن غيرها... و غير جي يتمون يطالعونج و ما بتاخذين راحتج...

**قرموشة الماريه** · 2008-02-23, 20:07

للرفع.........

**اناناسة** · 2008-02-23, 20:21

بارك الله فيكم اخواتي في الله

تبغون تتعلمون رقص شرقي ؟

تبغون ترتكبون جريمة بحق انفسكن؟

تبغون تسوون شئ ما يرضى الله و لا رسوله؟

ما تخافون ييي يوم و انتي مجابلة رب العالمين ؟

كيف لج قلب انج توقفين و تعترفين بخطاياج؟

ما ابغي احرجكم و لا الومكم و لكن ود ودي تنتبهن بخطورة الطلب قبل ما تسوونه

اخواتي , حبايبي اتقوا الله

شو بيفيدكم الرقص؟

شو بيفيدكم الاغاني؟ و الموسيقي؟

الموت ياي ياي و حق

تخيلي و انتي ترقصين ياء وقتج ... شو بتكون حالتج يوم القيامة؟

اتمنى الهداية للجميع و الثبات للاجمعين

**UMM_HAMDAN** · 2008-02-23, 21:18

المشاركة الأصلية كتبت بواسطة عاشقة ولدي

يزاج الله خير اخت انانسه ع التنبيه الي محد انتبهله او سمعه او اهتم فيه وخاف يشارك في الاثم بالعكس الكل يكتب ان شالله اكون فدتج والكل يدلي بمعلوماته كلنا نسوي غلط بس مانجاهر بالغلط الي نسويه والمفروض الي يعرف شي غلط وهو يسويه مايقول لغيره عليه الواحد يالله يالله يتحمل ذنوبه بعد نآخذ ذنب غيرنا ماقول غير الله المستعان

**عمة فرفور** · 2008-02-23, 21:34

يزاج الله الف خير اخت اناناسه بس اذا الوحده تعلم الرقص حق ريلها هذا بعد يعتبر حرام؟؟

**دمعة الماسة** · 2008-02-23, 21:37

والله انها استوت لي سالفة ...
ياجماعة الخير شو فيها لوالحـرمة تتعلم حق ريلها ؟؟؟؟؟

الموضوع: مكان لتدريب الرقص الشرقي في ابوظبي

أدوات الموضوع

عرض

مكان لتدريب الرقص الشرقي في ابوظبي

المزيد من آخر المواضيع من نفس القسم:

المواضيع المتشابهه

اريد مكان يعلم الرقص الأفريقي ويدرب عليه في ابوظبي بغرض الرشاقة للسيدات فقط

الرقص الشرقي