انا الأميرة

[سراااا]

ههههههههههه

روووووووعه

والله يهنيج اختي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[دلوعة_أحمد]

ريلي عنده 7 خوات و والله يوم اشوف الحالة اللي هم فيها ما اصدق انه رياييلهم جي من غير سبب.
الريال مثل البيبي و تقدر اي حرمة مهما كانت خسفة انها اتيب رأسه. مستحيل وحدة اتقوللي ريلي ما قدرت عليه و لا ريلي مب في البيت و لا ريلي جي و لا جي .. ما بصدق. حتى لو ليلة وحدة تجذب فيها انتباهه.

وحدة تتوحم و يالسة عندنا في البيت اقولها ليش ما تطلبين من ريلج يوديج المستشفى ليش اتسيرين مع اخوج؟ اتقوللي لا مابا اتعبه هو تعبان في الدوام. هااااا ؟؟ هني انا استغرب لأنه اذا انتي ما عودتي الريال انه يتعب عشانج عيل عقب كله بيفر مسؤولية البيت عليج. هو وين رجولته؟ و انتي وين انوثتج؟ اهم شي انج تتدلعين عليه و اتحسسينه انج تبينه يوديج. وايد سهل انج تطلبين منه فلان الله يخليك وديني .. و اذا ما وداج هذا كلام ثاني لكن حاولي. قلتلها انزين انتي ما شفتي من زمان شو رأيج انسويله حركة .. اتقوللي لا ريلي ما يحب هالسوالف. و الله انه انا سمعانه من ام ريلي انه ريل هالاخت مطيح 24 ساعة في بيت ربيعه اللي يب حريم البيت. شي طبيعي اذا هي ما تبغي اتسويله حركات و كل شي لا .. ريلها بيسير و بيدور على وحدة ثانية. هي حاطنها حق البيت و العيال لأنه "شريفة" بزيادة!


الاخت الثانية يوم تيي .. ريلها يلس صوب يقرى الجريدة و هي تيلس عند امها و تشتكي و تشكتي. ولدي ما يدرس. بنتي ملعوزتني. ولدي شيطان. بنتي مريضة. بس تعالوا و اسمعوا الشكاوي. شي طبيعي انه الريال بيستوي عنده فيوووز و ما بيسمع اي شي من هالكلام لأنه استوت السالفة مملة. اشتكي عند امج و لا اختج .. و خلي المواضيع العوده حق ريلج. الحين انتي شو بتستفيدين اذا قلتي حق ريلج انه الولد شيطان ؟ شو بيسوي مثلا ؟ و لا شي. ما اتشوف ابعد عن محيط عيالها. مسوية دليت حق ريلها.

الاخت الثالثة .. والله اني ما اقص عليكم .. تلبس نفس ال 3 جلابيات كل مرة تيينه .. كرشتها هالكبر جدامها و اتقول عادي انا ريلي متين .. و لا ليش اتعدل ريلي يرد البيت الساعة 2 و انا اكون تعبانة. ترى اذا انتي اتعدلتي و انتي بذلتي مجهود .. ريلج ما بيتم لين الساعة 2! و انا سمعت ريلها يقولها قومي باجر بنسير مع اخوي و حرمته البر و هي روحها اتذمرت و قالت انه تعبانة و انه هالويكند وقت راحتها. انزين اذا طلعج ما تبين؟ و اذا ما طلعج بعد ما تبين؟ حرام .. حتى لو تعبانة لا ترديله طلب سيري وياه و مثلي عليه انج مستانسة على بو انه يطلع مرة ثانية.

الرابعة تتحرى انه معدة الريال هي اللي بتوصلها قلبه. تيلس في المطبخ و اتسوي حلويات و طبخات و مادري شو .. اكلها رووووعة. روعة. روعة. لكن هي شو ؟ ريحتها ريحة مطبخ و ما اقدر اقولها يا فلانة مب شرط اتاكين ريلج و يكون البيت نظيف و انتي لا ؟ انتي اهم شي اصلا ..

الخامسة تقول انها تشتغل و انه ما شي وقت اتسوي حركات حق ريلها. قلتها تلفون واحد طرشوا بطاقة لفلان الفلاني عند باب الشركة .. هذا شو يباله ؟ و لا اتصال بسيط اتسوي فيه حجز في مطعم راقي ؟ و لا حتى تتصل في اختها و اتقولها شلي عيالي هالاسبوع انا ابا استانس مع ريلي ليلة وحدة بس.

و غيره و غيره ..

انا يوم تيني فكرة ما اطبقها على طول. صح احب ريلي لكن بعد يكون في نوع من الخجل يمنعني من اني اسوي الحركة من غيرما ادرسها. لأنه شو الفايدة اني اتعدل و اتلبس ابا ابين لريلي انه انا سكسي و اول ما يدخل البيت اضحك و لا ابا اغطي عمري. اتدرب شوي .. شو بقول.. اتخيل الوضع كيف بيكون و عقب اطبق. اختاري الفكرة جريئة و فكري بهاي الطريقة.. اذا انا ما سويت هالفكرة الحين و طبقتها .. متى بطبقها ..يوم ريلي يعرس علي؟ لوول .. و صح الريال مرات يحرج الحرمة بس هذا بس لأنه هو يباها و لا لأنه منصدم من الحركة.

وييه وايد كتبت .. بس حبيت اطلع اللي في خاطري. فن الطبخ و فن ادارة البيت و الخ .. مب مهمين كثر فن اغراء الريل و اتجددين حياتج وياه كل يوم. وووووو بس !

[نااعمه]

احس مب كل ريال يتقبل ولا كل حرمه شخصيتها تسمح لها انها تسوي هالحركات

يالله الله يسعدكن

[دلوعة_أحمد]

احس مب كل ريال يتقبل ولا كل حرمه شخصيتها تسمح لها انها تسوي هالحركات

يالله الله يسعدكن

صح كلامج مب كل ريال يتقبل و كل وحدة لازم تسأل عمرها اذا ريلها بيتقبل هالحركة و لا لا .. لأنه انا اعرف وحدة ربيعتي يعني لبست لبس مثل ال* و يوم ريلها يه زعل و سألها ليش لابسة جي .. في رياييل يغارون على حريمهم و ما يبون يتخيلون زوجتهم بهاي الطريقة .. بس احس هالزمن ماشي رياييل جي على اللي يشوفونه برع البيت. انا يوم اطلع الاسواق اشوف البنات كيف اللي عاقة الشيلة و اللي لابسة البرمودا و اللي لابسة البوت و اللي متدخنه و اللي خط الصدر مادري كيف طالع من فوق العباءة .. فليش الريال يشوف هالاشياء برع البيت بالحرام يوم في وحدة في البيت تلبسله بالحلال؟
و اللي شخصيتها ما اتساعدها اتكون جي .. لازم تتشجع انها اتسوي حركات و اذا ما تقدر اتخليها عفوية .. جنها مب قاصدة انه اتسوي الحركة. :-)

[كيوت ومن]

خخخخخخ حلوة حركت البرقع والاميرة
عيل انااااااا بستويله الساحرة خخخ وبيب معاي المخمه هههههههههههههه
وكل مايقولي شي بظربه بالمخمه حركه شورايكم لووووول

[دلوعة_أحمد]

ذكرتوني .. مرة دشيت داخل الجابر قالري اللي في مول الامارات فوق .. في قسم يبيعون فيه هذا اللي مثل مال علاء الدين نيت شو اسمه .. هيه الفانوس جنه .. فكرت اشتري واحد و يوم يرد البيت بعطيه اياه و بقوله يلا .. عندك 3 امنيات .. و يوم اتخلص ال 3 امنيات .. تردلي انا الفانوس و انا يكون عندي 3 امنيات .. بالدور يعني لووول
هاي الحركة روعة.. باجر بشتري واحد انا