ريلي والماضي

**الوفيه** · 2009-01-14, 14:29

انتي اللي بديتي بالغلط ومب هي اللي بتخرب بيتج
باللي سويتيه اذا ريلها عرف واذا اطلقها واذا
استوت مشاكل انتي بتكونين السبب؟
انزين هذا كان ماضي ريلج خلاص شو تبينه
مافي ريال ماله ماضي ، انتن اذا ماعندكن مشاكل
مع ريايلكن تحبن اتسون اي شي عشان تضاربون؟
صدق قهرتيني الصراحه الله يهديج ويعين البنت
وهي غلطت يوم قالت لج الصدق

**Hno0odah** · 2009-01-14, 14:46

لازم اتعرفين الواقع اللي انت سويتيه انت غلطانه
ومالج اي حق انج اتفتشين وراه
اكيد لو انت مكانه بتسوين نفس الشيء وبتضايقين

وطبعا ما بترضين انج ادمرين حيات بيت كامل
عشان مجرد رغباتج في معرفة ماضي زوجج

الوحده من اتعرس لازم اتعرف كيف اتعيش حياتها
كيف اتنسي ريلها ماضيه
وتفتح معاه صفحات يديه من كل شيء

هب اتضيع مستقبلها بانها تيلس ادور واتعبث باغراضه

كل انسان له خصوصيه وما في حد يحب يدخل في خصوصياته وانت نفس الشيء

كل اللي اقدر اقولج اياه .. حاولي تمسكين نفسج .. وترضين ريلج .. واتفهمينه ان الغلط منج مو منها
وان اللي انت سويتيه .. كان عن دافع غيره .. وحاولي معاه

والله يهديج ويكون في العون

**ساذجة** · 2009-01-14, 14:47

الله يهديج،،،، ماعندي اي تعليق وانا مع خواتي 100%

استغفري ربج ،،،،

**بنت الاسياد** · 2009-01-14, 16:42

الحين انتي بترتاحين يوم بتخربين بيت هاذيج وانتي اتعرفين انه ماااضي والله انج فاضيه وادورين المشاكل لج ولغيرج

**ساندريللا** · 2009-01-14, 17:20

اسمحولي اشارككم لان هاذي اول مرة لي

اختي بقولج شي... نادر ما تحصلين شاب فهاليومين ماكانت له علاقة مع وحدة قبل ما يعرس.. وانا مريت بنفس تجربتج بس اقدر اقول انها اخف شوي و مافيها فظايح وانا اللي هديت السالفة... انا ريلي انسان ملتزم و دين و ماتوقعت اني بكتشف فيوم من الايام ان كانت له علاقة مع وحدة يعني ابد ابد ما شكيت فيه .... و يوم من الايام وزني الشيطان افتش فموباليه الثاني و كانت يومها برا البيت...
شفت مسجات.. ياني انهيار و قمت اتخشش من ولدي عشان مايشوفني بهالحالة

و من رحمة ربج ان ريلي تم لين المغرب و انا اكتشفت الصبح و الف فكرة و فكرة يت فبالي...

منها اني اتصل عليه و اظارب وياه... وبعدين قلت لما يرد البيت بواجهه و بييب الموبايل و افره فويهه...

بعدين قررت اني اسكت و اطنش و اشوف شو بيصير... خصة ان المسجات بتاريخ جديم و مافي غيرهن يداد....

اول ما وصل ما كلمته و يوم سألني شفيج اقول له تعبانة و مصدعة ... وانا فعلاً صدعت من كثر الصياح و قلة الاكل....

بعدها لاحظت انه يطالعني بنظرة فيها خوف و عدم ارتياح ... قالي شو صاير.. استجمعت قوتي و قلتله ما اباك تزعل و لا تعصب....

عاد هنيه جذبت عليه قلتله ان ولدنا كان فاتح الموبايل و على المسجات و هو صدق لان ولدنا ماشالله عليه على الموبايلات....

المهم كنت غاية في الهدوء و هو اعترف انها علاقة قديمة و ماكانت حب ولا خرابيط و قالي اي شي تبين تعرفينه اساليني و انا بجاوبج حتى اذا حابة ترمسينها و تتأكدين انا ما عندي مانع هي بس تشتغل في مكان معين و انا كان عندي شغل هناك ففكرت اكلمها و ادري الشيطان لعب بعقلي بس هي صدتني لاني متزوج... عاد ساعتها انا ما حبيت اساله لاني كنت مظايجة...

طولت عليكم ادري بس هدفي اني اوظح للخوات الي يتعرظن لهالمواقف ما يتسرعن لانهن بيخسرن رياييلهن.... و تصدقون من بعدها ريلي صار متعلق فيني زيادة و البارح راد من دوامه فبوظبي وياي يوم واحد بس عشان يشوفني لانه اشتاق لي .... يمكن كبرت فعينه بعد هالسالفة....

اتمنى اني اكون افدتكن بقصتي

والسموحة

**بنت الغول** · 2009-01-14, 19:01

المشاركة الأصلية كتبت بواسطة بنوتة80

غلطانة وستين غلطانة ..... بتخربون بيت البنت وهي ربي سترها بالزواج

وانتي اشلج بالماضي .... الماضي ما عشتيه وياه فما يخصج فيه

عيل انتي صارحيه بماضيج > سوري عالدفاشة بس انقهرت من فضولج

اقصد بماضيج حتى بأفكارج يوم كنتي مراهقة اكيد كنتي اتفكرين بفارس الأحلام .............. الخ

صدق ان الحريم ما فيهم عقل يخربون بيتهم بإيدهم .. بدل ما تحمدين ربج على الزوج والعيال والبيت ...

ناس تتمنى اللي عندج وانتي الله يهديج ..

خلي ريلج يسحب القضية لأن مثل ما انتي اتخافين على بيتج تراها مثلج

الله لا يبلينا بهالفضول

**dr.reemy** · 2009-01-14, 19:59

عزيزتي
مبين انج ماقلتي لريلج انج انتي اللي اتصلتي فيها..حفاظا على صورتج..!!!
لاتكون انانية وتفكرين بنفسج بس..فكري فيها..لو هيه همها تخرب بيتج جان بنفسها يت وتكلمت..
بس انتي اللي نبشتي ماضي ريلج وانتي اللي ركضتي ورا المشاكل..كفاية لووم اللي سمعتيه من البنات يكفي لكن..لاتبررين نفسج وتقولين انها ممكن تكون جذابة ومب متزوجة وماتطلقت..اذا جذبتيها جذبي كل كلامها عن ماضيها ويا ريلج وانسيه وانسي انه صار اتصال بينج وبينها..وبما انج تصرفتي بحماقة فالبداية حاولي تهدين الموضوع بذكائج ولباقتج فالحديث ويا ريلج وهدي الموضوع لاتكبرينه لانج منقهرة انها كانت ربيعته..انتي الحين زوجته ملكتيه للابد..ليش الغيرة؟

**ميميه88** · 2009-01-14, 20:19

انتي من الاصضل ليش تفحين باب مسكر حاولي تصلحين غلطج الريال راح بحاله وهيه بحاله يرضيج يخرب عليها الحين؟
الله يسامحج

**أحزان قلبي** · 2009-01-14, 23:38

حبيبتي انتي بروحج قلتي مااااااااااضي يعني خلاص راح انتي عليج باليوم وباجر اهتمي في ريلج ولا تقصري عليه وما عليج من الماضي وأغلبيه الشباب قبل فتره العرس يلعبون بس من يعرس ويتحمل مسؤليه بيت وعيال يودر هالسوالف وهالخرابيط الله يصلح ريلج ويهديج ياااااااارب ..

**لأجل عينه** · 2009-01-14, 23:45

الحين بذمتج صدقتي رمسة البنت؟؟؟؟؟؟؟؟؟

صدقتيها يوم قالت اروح بيتهم ونطلع وووو

يعني لو بقولج انا هي اعرف ريلج وكلمته بتصدقين؟؟؟؟

بالعقل اكيد تقص عليج 1000%

يوم عرفت انج مرته وانج تسألين جي قالت اقص عليها واللعب فيهم شوي

خل الموضوع يوصل للشرطه عسب تشوف كيف البيوت تخترب من الرمسه اللي تنقال

خل حياتها تتدمر مثل مادمرت حياتج

تأسفي من ريلج لأنج انتي الغلطانه مب هو

سوري بس والله من قريت كلامج حسيت انها تجذب عليج بس انصدمت من قريت التكمله انج صدقتي وخذتي رقمها ورحتي ضاربتي ريلج

بس ريلج اللي سواه صح ولاتخلين الموضوع يوقف

**شيما333** · 2009-01-15, 00:45

صراحه أنتي غلطانه ماشي ريال ماغلط وتعرف وطلع ولعب قبل مايعرس

بس يوم ايعرس خلاص ينسي ماضيه ومايفكر فيه

ويهتم في بيته وعياله أنتي تبغين تخربين بيتج أبأيدج

أنسي الماضي وعيشي حياتج أنتي وريلج ابراحه ومن غير هالشكوك والأفكار

**وحده زعلانه** · 2009-01-15, 00:53

حراااااام..كلميه بتخربون بيت البنيه..خلاص اللي فات مات ماله داعي ريلج يسوي جي..قوليله انج غلطانه وماترضينلها ينخرب بيتها هي بعد..

**لورا** · 2009-01-15, 01:31

غلطانه انج تنبشين ورى ريلج!!

والبنت غلطت عشانها صارحتج!!

الحين بينخرب بيتها !! ارتحتي!!

**ظبية*الامارات** · 2009-01-15, 02:28

الله يهديج

**شبيهة عمري** · 2009-01-15, 02:31

انتي غلطانه

وريلج اونه راح يفتح بلاغ ليش يعني ترا البنت ف ايميله ويرمسها هاا الريياايييل يقهروني والله

الموضوع: ريلي والماضي

أدوات الموضوع

عرض

المواضيع المتشابهه

ريلي خاني !!! ريلي عيونه زايغه !!! ريلي اتزوج عليه !!!! الخ الخ

{ ريلي عرس عليه ..!!.. ريلي مهمل فبيته ..!!.. ريلي .. و.. و.. }<< حياكم

ريلي متزوج علي..كيف انتقم من الثانيه .. كيف اخلص ريلي منها تفضلي ادخلي

..بين الحاضر والماضي..

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش