ذوي الاحتياجات الخاصه

[بنت لباروت]

هلا خواتي شخباركن حبيت اطرح موضوع للمشاركه وبصراحه ها الموضوع
وااااايد مهم عن ذوي الاحتياجات الخاصه فأة الصم والبكم
كل مأسأل حد شو رايكم لو وحده تزوجة من اصم وابكم الكل يستنكر الفكره
خير شر مايتقبولونها ستغربة من ردود افعالهم وعذرهم كيف نتفاهم وياه
مع انه التفاهم ما احس انه بيكون صعب لانه هو في النهايه
انسان حاله حال الغير دام يشتغل تراه يقدر يفتح بيت ويكون اسره
سالوني كلهم سوال واحد اذا تقدم لج واحد اصم وابكم بتوافقين
قلت لهم اكييد بوافق دامه علي خلق ودين. وأباه اسمع اراكم
بنت لباروت

المزيد من آخر المواضيع من نفس القسم:

• انواع صعوبات التعلم عند الاطفال
• معلومات عن متلازمة بارث
• تشخيص وعلاج التهاب الغضروف الضلعي
• اهم معلومات متلازمة بارث
• أهم ما ينبغي معرفته عن متلازمة الداون
• معلومات عن متلازمة كارني المعقدة
• اعراض متلازمة إهلر دانلوس
• خصائص واعراض متلازمة الإسكندرية
• اضطراب طيف التوحد وكيفية التعامل معه
• اسباب وعلاج متلازمة غريستمان

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[وهوجه]

المجتمع صعب يتقبل هالفكره بس مثل ما قلتي هم بشر مثلنا
اشكرج حبيبتي على الموضوع

[uAe eVe]

اولا اهم شي تسوين فحص وراثي عسب تعرفين هل بينتقل لعيالج عقب اولا

ولا اذا بتكلم عنهم فهم روعه واخلاق احسن عن البخير

ادربت فترة عندهم شو اخلاق وشو ادب مع ان فارق السن بيني وبينهم يومها مب كبير
وحتى المدربات اللي كانن يتحرشن فيهم مايسوولهن سالفه اكبر طاف والنعم فيهم

اهم شي الاخلاق والدين..ياما شباب بصحتهم وعافيتهم ومافيهم خير لا لاهلهم ولا لعيالهم

[ستايلي غير]

عادي ما فيها شي انا بوافق ع الاقل بحصل ثواب من وراه

[طيووفة]

المجتمع صعب يتقبل هالفكره بس مثل ما قلتي هم بشر مثلنا

وعادي اذا وحده تزوجت واحد صااحي .. بلحظة تلقااه اصم أو أبكم

وهم مــااا شااء الله عليهم أخلاااق و ديــن وروح فكااهة ..

[::قصـــــايد::]

شرات ما قالن خواتي يمكن البعض يستصعب التعامل وياهم لكن دوم شي فئة قلوبها صاااااااافيه تقدر الموقف وتقدر الناس لذاتها ....في النهايه ماشي شرات القلب المخلص سواء كان معاق او بخير اهم شي الروح النظيفه ...

[عيمانيه]

شوفي أختي

لو انا انحطيت فالموقف هذا

اول شي بخلي الشخص يسوي فحوصات و انا بعد

و عقب بصلي الاستخاره

ما عليه من نظرة الناس

يعني اتخيلي هذا ولدج و محد ما يقبل به كزوج لبنته

شو بتحسين حزتها

او اتخيلي انتي فمكانهم

يمكن الله حرمهم من هاي النعمه


بس عوضهم باشيا مرات ما اتكون موجوده فالناس العادييين

[Ayesha]

والله ما ادري بس انا سرت اعراس المعرس ايكون مخه خفيف او فيه اعاقة....بس ماجد سرت عرس العروس كان فيها نوع من انواع الاعاقة..فانا الي املاحظتنه انه في ناس عادي عندهم المعرس ايكون من ذوي الاعاقات بس البنت ابد مايرضون؟

[لولو21]

بصراحه لوحبيته وهو نصيبي
بتعلم لغتهم وكل يهون
اذا كان في نصييب
الله يشافي الجميع

[إمارات]

ما فيها شي لو الشخص عنده استعداد لتقبل إعاقة الطرف الآخر... أهم شي الرضى والاقتناع

وذووا الاحتياجات الخاصة هم جزء لا يتجزأ ولا يمكن إنكاره من مجتمعنا

وهذا موقع أعجبني جدا يعنى بزواج هذه الفئة ذات الاحتياجات الخاصة، أسسه الشيخ خالد الغامدي

http://www.afrah-khgh.com

ونرى فيه رجال سليمين يطلبون الزواج من معاقات (ذهنيًا أو جسديًا)
كما نرى نساء سليمات يطلبن الزواج من معاقين...


والمعذرة من الإدارة على الرابط وضعته لتعم الفائدة...

[نااعمه]

مافيها شي عادي

[ساحرة العيون]

الصراحة في وايد ناس ما يحبون هالفكرة
بنت خالتي عمرها في الثلاثين ومحد تقدم لها مع انها حلوة بس النصيب
وخواتها اللي اصغر عنها عرسن واكيد هي تتضايق لكن شو تسوي تحس بنقصها
ياريت لو في ناس تشوف الصم والبكم على اساس انهم نفس الشي اللهم الطرف الاخر ما يقدر يكلمك او يسمعك

[jo0oj0]

انا عن نفسي بوافق لانه قلبي طيب حتى لو هالانسان مش طيب بس
مستحيل ارفضة او احسسه انه ناقص عن غيره

بالعكس بشله فعيوني ..

[بنت لباروت]

مشكوراة خواتي علي الردور الجميله
وتسلمون لي والله يوفجكن اجمعععين
بنت لباروت

[المزيــــونه]

انا عن نفسي عادي عندي لان مع التعود بيستوي شي عادي اني اتفاهم وياه

ماانصح البنت انها تسمع كلام الناس المهم رايها هي