شعر الأطفال

**شيخة الغيد** · 2008-02-19, 22:09

اشحالكم بنات....
انا الصراحه عندي مشكلة في شعر بنتي الله يحفظها وعمرها سنة ونص...انا ماحلقتها يوم يبتها كنت بس اقصه وكان اشحلاته.....والحين صارلها فترة يمكن 6شهور ماوديتها الحلاق قلت خل يطول لين جتوفها....والله لايراويكم كشه عتاب احسن من كشتها.....الشعرة ناعمة بس المشكلة ضعيفة وخفيفة ومتحيسة 66 حيسة...سرت الصيدلية وشريت شامبو من Avenoo قالتلي عنه اللي في الصيدلية انه مافي كيماويات وزين لليهال واستخدمته بس ماشي فايده....سرت صيدلية boots وخذت زيت وسيروم مال جوز الهند واستخدمه بس عبث...ادهنه وامشطه واربطه بس مب طايع يطول.....ماادري شو اسوي فيه...والمشكله انها ياهل وصعب اتحصلين شي ينفع لليهال....
ياريت اتخبروني عن تجاربكم ويا شعور بناتكم...وشو من مستحضرات تستخدمون الهن

المزيد من آخر المواضيع من نفس القسم:

**ام القرى** · 2008-02-19, 22:20

حبيبتي انا بعد مشكلتي نفس مشكلتج تقريبا فولدي شعره وااااااا ااااااااايد خفيف بس انا حلقته مره بالمكينة
ولحين مب عارفه شو اسويله انا واااااااااااااايد متعقدة من شعره لان وايد خفيف
اوووووووووووووووووووووووووووف مليت

**مسك الابيض** · 2008-02-19, 22:58

مرحبا اختي ...
ما دام الشعر ناعم ما عليج يوم بيطول بتتتخبلين عليها ... بس انت دهني شعرها وعقصيلها عقصين اذا رمت وانشاء الله بيطول لا تحاتييين ....

**miss-chem** · 2008-02-20, 00:26

سبحان الله نفس شعر بنوتي عمرها الحين ثلاث سنين
بس أحين شعرها بوايد أحسن طول صح مو وايد بس وين عن قبل

**عيون غزلان** · 2008-02-20, 01:10

ههههههههههههههههههههههه نفس شعري بنتي فديتها وايد تتعبني خاصة من تقعد من النوم واايد اتعب وياها
الشعر ناعم بس متحيس شرات شعر بنتج بس يتشابك اقول الله يعين يوم بتروح الروضه شو بسوي فيها
بس احس من يطول يتحسن

**شيخة الغيد** · 2008-02-20, 02:08

مشكورين على الردود فديكتن.............بس ماقلتلولي انتوا شو تستخدمون من شامبو وزيوت على شعور عيالكم...؟؟؟

**مسك الابيض** · 2008-02-20, 10:10

المشاركة الأصلية كتبت بواسطة شيخة الغيد

مشكورين على الردود فديكتن.............بس ماقلتلولي انتوا شو تستخدمون من شامبو وزيوت على شعور عيالكم...؟؟؟

مرحبا ....
انا استخدم شامبو لوريا للاطفال لون العلبه وردي ومن عقب الشامبو كريم الحمام بس عل الاطراف .... وبالنسبه للزيت براشوت باللوز....

**ام دانه777** · 2008-02-20, 10:57

هلا ومرحبا ..
استخدمي زيت نارجيل العادي اللون العلبه اخضر وصوره النارجيل عليه فالاسبوع مرتين وفي نتيجه وانا جربته ...
والحين استخدم الزيت العجيب من اللمسه الاناقه موجوده فالمنتدى واااايد زين استخدمة لبنتي عمرها 5 سنوات .. وايد كان خفيف ومايطول ومن استخدمت هالزيت طول ماشاءالله ..
اذا حابه تاخذين رقم اللمسه الاناقه راسليني على الخاص تراها من بحرين..
بتوفيق

**ام دانه777** · 2008-02-20, 10:59

ومن ناحيه الشامبو استخدمي برت بلاس الاخضر وايد اوكي
احسن من الشامبو الي مخصص لليهال

الموضوع: شعر الأطفال

أدوات الموضوع

عرض

شعر الأطفال

المزيد من آخر المواضيع من نفس القسم:

المواضيع المتشابهه

الأطفال ..!

سكي دبي و الأطفال

نوم الأطفال

هل يأثر الأطفال اللي يعنون من النشاط الزائد على الأطفال الآخرين ..؟؟

ضرب الأطفال