شو نسوي بالقرار

[حبيبة يوسف]

مرحبا خواتي اللي يشتغلون في وزارة الداخلية اكيد قريتوا القرار الاداري اللي صدر الاسبوع الماضي طبعا يشتمل على اشياء وايدة كلها ok مثل ( عدم لبس الخوام والحلق المتديلة ، عدم لبس الملابس الضيقة ، عدم المبالغة بالحناء ، الخ ..... ) إلا سالفة النقاب مسوي لي غضه شو دخل النقاب بالشغل بدل ما يشوفون اللي يسون عرض ازياء بالعبي وغيره وغيره وغيرررره يو للستر والحشمة الله المستعان . كيف بداوم من غير نقاب وصار لي 8 سنوات معاهم وانا بالنقاب وخاصة اني لابسة النقاب بقرار من نفسي ومافي حد جبرني عليه والله اني محتاااارة وقررت اني انهي خدماتي بس فكرت كيف بعيش من غير راتب خاصة واني المعيلة الوحيدة على نفسي لا عندي ابو او ريل او اخو عسب اعتمد عليهم بالمصاريف ارجووووكم عطوني حل . لا تقولون لي انتقلي من قسمج وابدائي معاهم الدوام من غير نقاب لاني اتعامل مع جميع الاقسام تقريبا وكلهم يعرفوني . الحل الوحيد اللي يدور في بالي انا نرفع كتاب باسم جميع المنقبات الى الجهات العليا في الوزارة عله وعسى يرأفون بحالنا

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[اماراتيه]

قوليلهم انا موظفه قديمه لزم ما تطبقون عليه القرار لان من زمان وانا اشتغل وهذا القرار نازل للي بيون بعدي وان مانعينهم من النقااااااااااااب وتفاهمي وياهم وات شاء الله ايبولج نتيجه والله يوفقج

[BinT Z@YeD]

حتى الحنا صار ممنووووووووووع !!!!! هههههههه والله سالفة ... باجر بيقولون خلوا أنوثتكم في البيت و تعالوا داوموا لوووووول طيب اللي عرست ماتتحنا ؟؟؟ و إلا بس تحني الروايب !!!!!

[CHANEL_AD]

قوليلهم انا موظفه قديمه لزم ما تطبقون عليه القرار لان من زمان وانا اشتغل وهذا القرار نازل للي بيون بعدي وان مانعينهم من النقااااااااااااب وتفاهمي وياهم وات شاء الله ايبولج نتيجه والله يوفقج

كلام غير منطقي

[!! غرور !!]

,اوكي بس الحنا ليش !!

والنقاب المفروض مايمنعونه هذه حريه شخصيه !! خاصه لو وحده تداوم من سنين وعقب تشيل النقاب !! وايد صعب والله

[بنوتة80]

هيه والله هالقرار عندنا بعد

الله يعينهم والله غمضوني المتنقبات عندنا

حتى الشباب الملتزمين وحليلهم ما يبونهم باللحية



الله يعينكم

لو ترفعون كتاب مثل ما قلتي عل وعسى ربي يهديهم

[الأميره...]

مااردي شو هالقرارت اللي منزلينها عن النقاب و اللحيه وماعرف شو وراهم الله يستر الله مادري حرام ولا عيب لو الوحده تنقب الله يعينج حاولي انج ادورين وظيفه ثانيه

[ابتكار]

حسبنا الله ونعم الوكيل

الغاليه
وفي السماء رزقكم وما توعدون

ومن ترك شيئا لله عوضه الله خيرا منه

[ريـم زايـد]

.. الله يعينكم ..

بس وايد صارت مشاكل .. بسبة النقاب .. ولو هم ما شافوا هالشي في صالح مكان العمل جان ما حطوا هالقرارات ..

[بورش كايين]

هم بعد منعوا اللحيه الطويله للشباب وواحد من اهلي قدم استقالته لانه مدين وقال الارزاق بيد رب العباد

[بنت القمر]

يا أختي اذكري الله انت معذورة وهم بعد معذورين وسبب منعهم للنقاب في العمل بسبب ان البنات يوم ما يقدرون ياخذون اجازة يوم تخلي وحدة من برع مكانها والسالفة صارت في أحد المستشفيات .
ولهذا السبب هم منعوه ، والمنع هذا عم جميع اجهات الحكومية أو المحلية ، غير انهم ما يقدرون يخلون حد دون حد تجنباً للمشاكل يعني القرار ساري على الجميع.
ودام انج ماشي في السليم خلاص هاودي الأمور وشيلالنقاب في العمل صح انه صعبه بس بعدين بتتعودين والله يجعلج ستيرة وحشيمة حتى بدون نقاب

[أم شمووه]

الغالية يوم طبقوا هاي القرارت اكيد تصب في مصلحة العمل

ليش منعوا النقاب

انا بقولج ليش عسب ما يصير اي تلاعب وبعد لاسباب امنية

شو دراهم من اليوم منو مداومة

وأشياء ثانية ما برمس فيها

وسالفة العبي اكيد اللي تقولين عنها من ضمن التبرج ولبس الملابس الضيقة

اكيد بياخذون اجراءاتهم

[غلاااا دبي]

هذا هو دينا يمنع التبرج والسفور

زين سوو فيهن حرااام علييهن هالتبرج
ولا تبرجن تبرج الجاهلية الاولى


الوحده لازم تحترم نفسها والله يهدي جميع البنات ويخفون من التبرج


بس سالفة النقاب وااايد صعبه انه الوحده عقب سنين تهد النقاب..انتوو حاله خاصه مفروض مايطبقون عليكن القرار

[بورش كايين]

الغالية يوم طبقوا هاي القرارت اكيد تصب في مصلحة العمل

ليش منعوا النقاب

انا بقولج ليش عسب ما يصير اي تلاعب وبعد لاسباب امنية

شو دراهم من اليوم منو مداومة

وأشياء ثانية ما برمس فيها

وسالفة العبي اكيد اللي تقولين عنها من ضمن التبرج ولبس الملابس الضيقة

اكيد بياخذون اجراءاتهم

بس حبيت اقول شي انا منقبه في الدوام وزميلاتي بعد لا تقولون ما يعرفونا والله ان حتى الموظفين الي مب بقسمنا يعرفونا ويسلمون علينا بالاسم يعني ما يلخبطون

بس للصراحه انا لو صار عدنا منع النقاب في الدوام بشله وبنفذ القرار لاني لا بتبرج ولا شي والمحترمه محترمه بنقاب ولالا وبعدين هم ما بيلسون يطالعون الحريم في كل وقت هذا لاني محتاجه للدوام والله ان انا مرتاحه اكثر بالنقاب بس لو صار شو اسوي حكم القوي والامر بيكون صعب علي وانا وزميلاتي

اما لوكنت مب محتاجه للشغل والله بتقدم استقالتي وبيلس معززه مكرمه في بيتي

[انا ملاك]

الصراحه هم ماحطوا هالقرار من فراغ ....

ولانه بعض المنقبات يخلن غيرهن يداومن....
ومن غير الصورة الغبيه الللي خذوها من الملتحي او المنقبه انهم متشددين ووهم يخافون يوصلون لمرحله الارهاب خخخخخخخخخ ارهاب حليلهم...

المهم انا من رايي لو يحطون شرطيه مفتشه اتشيك على البنات المنقبات وقت الحضور والمغادرة ... يكون احسن... بدال ماتقع نقابها ..


وعيبتني سالفه الحلق المتدليه ... صدقهم الحلق واصل للسرة ههههههه
وعن الحنه لانه بعض الريايييل تعيبهم الحنه وهم يخافون من الفتن ....

الله يهديهم ويهدينا جيمع..