مشغل لورا العين

[التلي]

السلام عليكم

بنات انا سرت امس عند مشغل لورا الى في دوار الجبل عند الفلبيني، وشفت عنده فستان واحد حلو بس الباقي ماعجبني وااايد يعني شوي عنقاش بس انا ارتحت للمصمم حسيته يفهم و اسعاره حلوه

سؤال: بنات منو جربت وخيطت عندها بلييز خبروني شغله يسوى ولا يخرب؟؟؟؟
بلييز لا تطنشوني .....

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

[سلامــــة]

مرحباا حبوبه

انا جربت تصاميمهم .. امممم صح انه شغلهم عنقاش

بس الموديل انا برورحي مختارتنه ..

والله انه ظبطه لي آمـــره نفس الي في المجله

وبعدين نصيحه جانج بتفصلين عنده انتي بروحج ييبي القماش واذا الموديل في كرستال انتي بروحج ييبيه

والسعـر بيظهرج ببلاش .


بالتوفيق حبوبه

[التلي]

مشكورة الغالية
ترا انا عجبني شغله حسيته مضبوطة و ارتحت له لأنه يسمع ويفهم حتى في الحركات الغريبة (مب شرات الهنود كل شي يقول لج هذا ماينفع مايصير زين )
المهم انا شكلي بخيط عنده لأن موديلي غريب فأبا حد يفهمه عدل

[التلي]

بنات اذا في حد مجرب بعد بلييز فيدوني

[مراكش2006]

إن شاء الله البنات يفدوك حبوبة

[ريـم زايـد]

انا مفصله عنده تقريبا قبل ست سنين من زمان يعني

خياطته مضبوطه بس ماعنده افكار يعني ما يبدع فالتصاميم

الاا اذا من نفسج يبتيله تصميم .. وكانت اسعاره معقوله .. مادري اذا الحين رفع اسعاره

ونفس ما قالت اختي سلامه .. ييبي الكرستال اذا فيه شغل كرستال . . وكل اللي يحتاجه الموديل

بيطلع عليج ببلاش يعني لا تخلينه يقص عليج ..

ويتكاااااسر ..


واسموحه

[ام بدر]

من زمان انا شايفه تفصيله

احسه مب مرتب وايد

اذا عندج مناسبه مهمه دوري واحد ضامنه شغله

[ريـم زايـد]

انا بعد انصحج .. اذا عندج مناسبه مهمه .. لا تخاطرين وتفصلين عنده

اصلا .. من ذاك اليوم اللي فصلت عنده ما حب افصل فالعين .. كله فدبي ..

اذا تبين اسماء مصممين .. قولي وفالج طيب

[alain22]

صراحه اختي انا فصلت عنده مره وتندمت اني فصلت عنده تخيلي رديت عليه 4مرات عشان يعدله وكل مره يخترب شي والله حتى عفت القطعه انصحج لاتفصلين عنده واذا ماترومين تفصلين في دبي ولا بوظبي فصلي عند ستان على الاقل يضبط

[بنت دجله]

وين يعني عند دوار الجبله من ا جهه ؟؟

[التلي]

مشكورات خواتي على المساعدة واذا عندكم اسامي مصمميين شغلهم وعدل واسعارهم معقولة (يفضل مايتجاوز ال 1500 درهم) عطوني اساميهم حتى لو في دبي او ابوظبي

اختي بنت دجلة
عدال محل بيستاش في نفس السيد

[بنت دجله]

مشكورات خواتي على المساعدة واذا عندكم اسامي مصمميين شغلهم وعدل واسعارهم معقولة (يفضل مايتجاوز ال 1500 درهم) عطوني اساميهم حتى لو في دبي او ابوظبي

اختي بنت دجلة
عدال محل بيستاش في نفس السيد

الف شكر حبيبتي عرفته

لووووول بس العتب على النظر والذاكره تعرفين للسن احكام خخخ

اتذكر مره دخلته وشفت فلبينيه

[التلي]

رفع الموضوع

[أم عفارى76]

السلااااااااااااام عليج

ختيه انا فصلت عنده كذا مره هو قياس ماعليه كلام فنان بس احسن بروحج تيبن الموديل .......او اذا عندج فكره احسن تقولينها ....هو يفهم بسرعه والفلبنيه الا عنده بعد شاطره شرحيلهاا هى تفهم اكثر عنه

[التلي]

ام عفاري

مشكورة فديتج، وانا عندي موديل جاهز بس شوي معقد يباله

اهم شي انه يضبط القياس و خياطة نظيف