منو بتسوي شراتي

**stars** · 2008-02-11, 14:02

السلام عليكم

شو اخباركم يا بنات ... اليوم وانا اقرا في قسم المشكلات الإجتماعية مرت علي قصة وحده كان ودها تقدم مساعده لشخص فقير بس للأسف بعد ما فات الفوت (لأنها لما راحت تدور على الشخص ما لقته) فجت على بالي فكره قلت اطرحها على بنات المنتدى بما انكم ما شاءالله قلوبكم طيبة ونظيفة وتحبون الخير ( من خلال متابعتي لردودكم ونصايحكم لمشاكل البنات)

المهم ... يا بنات انا اعرف اكثر من عائلة مواطنه دخلهم والله على قد حالهم واعرف ناس (اعتقد بدون) ساكنين في خيمة (تخيلو في دبي ناس ساكنين في خيمة ...يعني الله يكون بعونهم في البرد والحر.. لا وعندهم صغارية بعد والله يقطعون القلب) أنا عن نفسي يوم يكون عندي شي استخدمته و مب محتاجتنه اوديه لهم مثلا اغراض مطبخ, كفرات, ملابس, اغراض اطفال, عبي, نعله, ألخ والله انهم يستانسون. طبعا الأشاء إلي اشوفها زينه اخليها للمواطنين

وادعو كل وحده عندها او عند اهلها شي زايد عن حاجتهم انها تتشارك معاي عشان نوصله للناس إلي راح يستخدمونه بدل ما ينعق في الزبالة ( وإن شاء اله في ميزان حسناتكم).

وإلي حابه تتواصل تطرشلي على الخاص

ملاحظة: اكيد وايد بنات ما يقدرون يصلون اغراضهم عندي عشان التوصيل وعشان جي البنات إلي من دبي انا ممكن إني اتفق معاهم في مكان عام. (بس ترى لا تعبوني وايد يعني يمعمو من اهلكم ومره وحده خبروني). أما البنات إلي من إمارات ثانية ممكن يتفقون مع بعض ويجمعون الأغراض عند وحده وهي توصل الأغراض مع شركة التوصيل.

لا تستهينون بالأغراض المستعملة ترى في ناس ما يقدرون يشترون مثلها.

اللهم اجعل عملي هذا ومن شاركني في ميزان حسناتك (آمين)

المزيد من آخر المواضيع من نفس القسم:

**عالية الغالية** · 2008-02-11, 14:06

آآآآآآآآآآآآآآآآآآآآآآآآآآآآآميييييييييييييييييييي ن

ان شاء الله الجميع بيتعاون

**أم النامي** · 2008-02-11, 14:06

ما شالله عليج فكرة وايد حلوه وأهل الدار أولى.. فالج طيب

**نجمة أبوظبي** · 2008-02-11, 14:09

ان شاء الله من اتكون في فرصة انساعدهم..

و يجعله الله في ميزان اعمالج يا رب

**روح الماضي** · 2008-02-11, 14:10

يزاج الله خير يالغاليه...
الله يعينهم ويرزقهم الخير يارب..

**سـد اللـيل ـيم** · 2008-02-11, 14:27

تسلمين الغاليه على هالبادره الطبيه

ولكن يوجد ملف للمساعدات الانسانيه في قسم ساعدوني تقدرون تتواصلون مع الناس المحتاجه هناك

**stars** · 2008-02-11, 15:12

للرفع واتريا ردودكم على الخاص

**stars** · 2008-02-11, 21:01

للرفع

**stars** · 2008-02-12, 13:59

اشكر كل إلي تواصل معاي على العام والخاص حبيت أقول إلي تبا تتفق معاي عشان نتلاقى في مكان اخذ منها الأغراض بليز ابي احدد يوم واحد مع كل البنات شو رايكم يوم الخميس بعد صلاة العصر (دبي - ديرة). اتريا ردودكم على الخاص

**So_Sweet** · 2008-02-19, 22:14

عز الطلب والله ..................... انا عندي زكاة اموالي ومب عاااااارفة ويييين اوديها .... ساعات افكر اوزعها على العمال اللي في الشوارع ... لانهم من فئة المساكين ... بس اذا بتدليني عل هالناس بكوووووووووووووووون لج من الشاكرين ..... طرشيلي رقمج الغالية وبعيوني اوديلهم اللي يبوووون

**شيطونــه** · 2008-02-19, 22:19

يزاج الله خير و يعله في ميزان حسناتج يارب

بطالع الاهل و برد عليج ان شاء الله

**بنت.العوضي** · 2008-02-19, 22:31

فكرتج حلوة الغالية لكن اتمنى اللي تعطيج كلمة تكون قدها مب تقول وبالنهاية تدورينها ما تلاقينها !!

تعبنا في موضوع جمع المصاحف بصراحة وقليل من اللي وعدونا شاركوا

ربي يجعل لج عملج هذا في ميزان حسناتج

دمت بود

**...(مريّة)...** · 2008-02-19, 22:34

أختي أنا من دبي ،
خبريني بأماكن هالأسر
عشان على الأقل أخبر
الأهل والمعارف

**stars** · 2008-02-20, 10:48

االله يجمعكم مع أهلكم وذريتكم في جنات الفردوس العالية كما جمعكم في دنيا فانية قولوا آمـــــــــــــــــــين
الغاليات إلي تبغيني اودي أغراض مستعمله أنا حاضرة بس فلوس ما اقدر والله اسمحولي لأنها مسؤوليه ويمكن وما اقدر اوديهم نفس اليوم والموت حق وما ابغي شي يتم في ذمتي (ومعظم الناس ما اعرف ارقامهم بس اعرف بيوتهم). أما الأغراض المستعمله اقدر اوديهم كل اسبوع مب مشكله. حتى اشرطة المحاضرات والقرآن ممكن اعطيها ناش او حتى نتبادل بينا وبين بعض .. انا عني من اسمع شريط اعطيه اختي وهي بعد ما تسمعه تعطيه اهل ريلها و ألخ...

**stars** · 2008-03-02, 15:13

للرفع ... اللهم اني اسألك ان تدخلني انا واهلي وذريتي ومن تعاون معي في موضوعي الفردوس الأعلى

الموضوع: منو بتسوي شراتي

أدوات الموضوع

عرض

منو بتسوي شراتي

المزيد من آخر المواضيع من نفس القسم:

المواضيع المتشابهه

تخيلي انك (...............................) ايش بتسوي؟؟؟؟

لو رجع الزمن كم سنه ورا شو بتسوي

لو كان مب موجود شو بتسوي ؟؟؟؟

اعرفي شو بتسوي في رحم امك