استمتعي باستخدام الانترنت .. أينما كنت .. باستخدام الموبايل!

**زكية الذكية** · 2006-01-12, 05:21

السلام عليكم ورحمة الله ..

[04]بنات .. في خرَوفه[/04]

بنات مش كنا نوصل واير خط البيت لكمبيوتراتنا عشان نوصل بالانترنت ؟
وكانت امهاتنا يحشرن الدنيا علينا وعلى سوالف اللي ما تخلص بالنت ؟

وبعدين فكوا الناس من الوايرات واخترعوا الwireless ..
يوم تتصلين بالانترنت .. بدون وايرات .. لكن اتم استخدامج بمكان محدود .. وهو قريب من الموديم

لكن اليوم يبتلكم طريقه .. أتوقع الكثير منكم يعرفها ... قلت أنشرها لأنها طريقه جدا مساعده
وحلوه ... للناس اللي ما ييلسون فالبيت شراتي وطلعاتهم وايد .. ويحتاجون الانترنت !

وهي ... [04]الدخول عن طريق الموبايل[/04]
والموبايل اللي نقصده اليوم هو النوكيا .. لأني ما جربت أدخل من تلفون ثاني .!

اللي تحتاجينه ....
*** تلفون نوكيا معاه وصله أو مدعم بالبلوتوث ..
***برنامج .. اسمه Nokis PC Suite ... هذا البرنامج بالعاده يكون مرفق مع موبايلات النوكيا في CD
***كمبيوتر فيه خاصيه البلوتوث .. اذا كنتي بتستخدمين الاتصال بالبلوتوث ..

1- وصلي الموبايل بالكمبيوتر.... بالبلوتوث أو بالوصله ..
2- شغلي البرنامج .. بتطلعلج القائمة التالية :

3- فالقائمه اختاري get connected
4- بعدين الكمبيوتر بخبرج انه تم الاتصال ... اختاري connect to the internet
5- بتطلعلج القائمة التالية :

6- دقي setting .. في هالقائمة بتختارين اسم موبايلج اذا كنتي موصله بالوصله العادية ..واذا كنتي موصله بالبلوتوث اختاري standard modem over bluetooth ..

7- دقي Next ... وبيردج عالقائمة الثانية ... ودقي connect

وبس وبتكونين متصله بالانترنت ..

فتحي المنتدى .... وردي علي ... وبشريني :1 (21):

أتمنى شرحي كان واضح ! :1 (4):

المزيد من آخر المواضيع من نفس القسم:

**umm sultan** · 2006-01-12, 10:20

بنجرب فديتج بس لازم أكون مشتركة بخدمة الانترنت للتلفون ولا عادي بدون اشتراك فديتج.

[08]مشكورة وآآآآيد[/08]

**المخملية** · 2006-01-12, 13:04

[08]مشكوره الغالية،،بجرربه وبرد عليج خبر[/08]

**صدى حنيني** · 2006-01-12, 14:25

مشكورة الغالية ..
بس اظني لازم نشرك في الخدمة وعقب نقدر ندخل النت

**بنت بوظبي** · 2006-01-12, 16:43

مشكورة الغالية بس هل الخدمة تصلح مع جميع هواتف نوكيا ولا نوع معين بس؟ وشو النوع اللي استخدمتيه

**زكية الذكية** · 2006-01-12, 23:33

عزيزاتي ....

الخدمه اللي تحتاجينها هي GPRS .. اعتقد انها في كل النوكيا تقريبا..

يعني ما في اشتراك ولا بطيخ ..

دخولج الانترنت راح يكون عن طريق الGPRS .. راح تتصلين بسرعه 115 kbps

النوكيا اللي استخدمته .. همم وايد:
الجسمي القديم ، N70 ، ووو بعد واحد من اللي شاشاتهم كبيره بس ماعرف كم رقمه ، وبو كامرتين

اسمحولي والله بس ماعرف الأرقام .. !!

أفضل واحد اشتغل وياي .. كان بوكامرتين و N70 .. أما الباجيين كان يقطع !

وبالنسبه للرسوم .. 30 درهم شهريا .. وعلى حسب الكيلوبايت الل تستخدمينه .. مش عالمده ..
يعني لا تدخلن مواقع فيها واايد صور وتنزلين برامج .. خلج تصفح عادي لو تبين أرخص شي

ودمتم سالمين

**صدى حنيني** · 2006-01-12, 23:35

انا تليفوني بوكيمرتين يازكية ..
كيف ادخل النت علميني بلييييز ...

**زكية الذكية** · 2006-01-12, 23:49

صدووي

عادي اتبعي الخطوات اللي فوق .. وبترومين تدخلين

**الدلووعة** · 2006-01-13, 00:18

مشكوورة
انا تلفوني بعدة
اتريووني بشتري تلفوون يديييد

**ظبية بوظبي** · 2006-01-13, 00:41

[13]والله كشخه [/13]
بنات اللي عندها معلومات زياده عن هالموضوع لا تبخل علينا ^_*

**عالية المقـام** · 2006-01-13, 01:02

هممممممممممممم يسلمو ..

انا ما حب احدر النت الا من الكمبيوتر ..

**واثقة الخطى** · 2006-01-14, 01:38

زكيه مشكورة الغاليه

**زكية الذكية** · 2006-01-14, 03:01

[01]عالية المقام[/01]
يا غناتي هالطريقه تدخلين بها من الكمبيوتر مش من التلفون .. يعني نفس الدخول العادي ..
لكن لو كنتي في مكان ما عندج خط بيت أو اشتراك انترنت .... وتبين تدخلين ضروري ... وماعندج غير الموبايل
ترومين توصلين الموبايل بالكمبيوتر (شرات الخط العادي) .. وتدخلين من كمبيوترج..

**القطوة** · 2006-07-16, 01:09

يسلموووو

الموضوع: استمتعي باستخدام الانترنت .. أينما كنت .. باستخدام الموبايل!

أدوات الموضوع

عرض

استمتعي باستخدام الانترنت .. أينما كنت .. باستخدام الموبايل!

المزيد من آخر المواضيع من نفس القسم:

المواضيع المتشابهه

//عمل شكل معين باستخدام الاحرف

دمج الصور باستخدام الماسك

الكتابه باستخدام البن تول

{}{}{ ؛؛؛ درس : حركة باستخدام Shape ؛؛؛}{}{}

فن وابداع باستخدام الحروف