كيف أتعامل مع الوالدة

**هنوده 22** · 2008-02-10, 19:44

انا عندي مشكلة مع أمي
أمي واااااااااااااااايد عصبية ولازم تكونين بالنسبة لها كامله ما تغلطين وما تردين علشان تدافعين عن عمرج وبس لازم تقولين ان شاء الله راح اسوي المطلوب علي
, مب جذية بس المشكله انها واايد تنازع واذا يوم واحد ما صار نزاع وصراخ بنقول الحمدالله .
بس انا امي وااايد احبها واعزها بس تنازعها وهواشها معانا يبعدنا عنها وتقول نحن ما نحبها
وكل ما اروح ابقى اتفاهم معاها تقول كيف تتفاهمين معاي وانا اكبر منج وأفهم وانتي تبين تعلميني الصح والغلط

واله انا احترت مع الوالدة كيف اتعامل مع عصبيتها وغير جذية هي عندها صداع نصفي
انا والله ما ابقى ازعلها بس شو اسوي هي دوم تكبر المواضيع

أرجو ان احد ينصحني شو اسوي

المزيد من آخر المواضيع من نفس القسم:

**ميروووه** · 2008-02-10, 20:01

الغاليه هاي امج .. مهما سوت فيج لازم تحترمينها وتسكتين لو تغلط واتعلي حسها عليج تبقى امج .. الغاليه كله بأجره..انتي بعد لازم اتقدرين انها حرمه وراها مسؤلية بيت واعيال وريل .. وبعد اتقولين مريضه ( عسى الله ايعافيها ) لا تنسين انه الجنه تحت اقدام الامهات .. الغاليه انتي حاول تتقربين منها لو صدتج .. حاول اتسولفين وياها عن اربيعاتج حسب مزاجها طبعا ..شوفي اللحظه المناسبه وتعالي وارمسي وياها .. حسسيها انه ادورين اللحظه اللي اتكون فيها رايقه وهب امعصبه عسب اتسولفين وياها .. حسسيها انه يلستها وياج من الاشياء المحببه لقلبج ومن الاشياء اللي اتمنينها ...
الغاليه كل شي ف الدنيا يتعوض الا الام وحنانها مهما كانت عصبيه ..تعالي اساليني انا امايه متوفيه وهي عمرها سته وثلاثين سنه وما شبعنا منها لا انا ولا خواتي والله ماشي ف الدنيا ممكن انها ايعوضنا عنها لو انا حريم وبعيالنا ... الله كريم .. والله يخلي لج امج ويسخرها لج يارب ...

ميروووه

**angel84** · 2008-02-10, 20:07

اكثري من الدعاء لها في جوف الليل.. للأن القلوب بين اصبعين من اصابع الرحمن يقلبهما كيف يشاء

**أم سعيد 15** · 2008-02-10, 20:10

حاولي تتقربيلها وتتفاهمين وياها بس بطريقة حلوة وبكلام مثل العسل
أعذريها أشوي ممكن أعصابها تكون تعبانه ( الله يهديها ويشفيها )
وأنت طولي بالج على أمج مهما كانت هاي أمج

**أم غـلا** · 2008-02-10, 20:54

انا بعد اميه ها الايام صايرة وايد عصبية
والنقاش معاها مستحيل

الله يخليها لي ان شاء الله

ويحفظ امج ويعافيها
مثل ماقالو الخوات حاولي تتقربين منها

**طيووفة** · 2008-02-10, 22:14

اأنـاا امي شراات امج

بس اذا مشيتي مثل ما تباا

ما راح تلقين هالمنازع كل يووم

وانا بصرااحة تعودت اني ما ارد عليهاا واذا رديت ما اطوول .. انطم أحسن لي

ومثل ما قالت ميرووه ترا هذي أمج ^_^

**أم عايشة** · 2008-02-10, 23:10

رب ضارة نافعة مشكلتج صح ضارتنج بس نفعتني انا وبتنفع بعض الامهات اللي توهم ببداية الامومه انهم يحاولون ما يسوون الشيء اللي امج تسويه اللي هو العصبية..........الله يخليها لج وييسر لج أمورج وياها

**يابس رقيص** · 2008-02-11, 00:59

اكثري من الدعاء لها في جوف الليل.. للأن القلوب بين اصبعين من اصابع الرحمن يقلبهما كيف يشاء

**نااعمه** · 2008-02-11, 12:57

تحمليها وابعدي عن النقاش معاها لانه مامنه نتيجه انا مثلج بس مرات اطفر وانهد عليها اقولها طفرنا بينا الضغط منج شو حياتج ما تعرفين ترمسين شوي شوي شو بهايم نحن ما نفهم الا بصريخ تخلين الواحد يطفش ما يبا اليلسه معاج بس طبعا كلامي ما ايب نتيجه فالاحسن ابعدي واسكتي وطنشي لانها مريضه وغصبا عنها تتصرف جذه

**حور 123** · 2008-02-12, 16:10

انا امي شراات امج ويمكن اكثر عنها

ماتعرفين شو تبا و 24 ساعه تصااارخ مانعرف شو نسوي مايرضيها شي

صرت اسكت ولا اتكلم وووبس ..

**رافينا** · 2008-02-12, 19:21

والله شرات امي كل وقتها صراخ ودعاوي الله يعين

بس مرات تكون هاديه بس يوم تعصب جي تتحرطم

بس تصدقين تعودت على صوتها وصراخها وكلامها ههه احس شيء ناقص لو

كانت بعيده او كانت بمكان احس البيت من دونها ميت وهادي ولا له طعم ولا حياه

فحاسه انه حلو صريخها تسمعنا صوتها العذب كل يوم

بس مرات تتهجم عليه ذيج الساعه انا ما اقصر اصرخ وارد

وامي ما تسكت الا لو صرخت يعني غصبا عني بس الله يهدينا

وعليج الصبر والاحتساب عند الله

**(أم سلطان)** · 2008-02-13, 14:49

حبيبتي هذه امج جنتج ونارج...
لو تقولج عقي عمرج بالنار....لازم تسمعين كلامها...
ونتي مش اول وحدة تعانين من هالشي... هي اكيد حاطه في بالها انه بهالاسلوب تعرف تربيكم احسن تربية...
وانتي مصيرج بتعرسين ان شاءالله...((ويوم بتعرسين بتحسين بقيمه امج))..

**الدوسريه** · 2008-02-13, 14:54

المشاركة الأصلية كتبت بواسطة ميروووه

الغاليه هاي امج .. مهما سوت فيج لازم تحترمينها وتسكتين لو تغلط واتعلي حسها عليج تبقى امج .. الغاليه كله بأجره..انتي بعد لازم اتقدرين انها حرمه وراها مسؤلية بيت واعيال وريل .. وبعد اتقولين مريضه ( عسى الله ايعافيها ) لا تنسين انه الجنه تحت اقدام الامهات .. الغاليه انتي حاول تتقربين منها لو صدتج .. حاول اتسولفين وياها عن اربيعاتج حسب مزاجها طبعا ..شوفي اللحظه المناسبه وتعالي وارمسي وياها .. حسسيها انه ادورين اللحظه اللي اتكون فيها رايقه وهب امعصبه عسب اتسولفين وياها .. حسسيها انه يلستها وياج من الاشياء المحببه لقلبج ومن الاشياء اللي اتمنينها ...
الغاليه كل شي ف الدنيا يتعوض الا الام وحنانها مهما كانت عصبيه ..تعالي اساليني انا امايه متوفيه وهي عمرها سته وثلاثين سنه وما شبعنا منها لا انا ولا خواتي والله ماشي ف الدنيا ممكن انها ايعوضنا عنها لو انا حريم وبعيالنا ... الله كريم .. والله يخلي لج امج ويسخرها لج يارب ...

ميروووه

**ام ابراهيم** · 2008-02-13, 15:00

انا الحين حسيت بامي الله يحفظها
من هالعيال الله يخليهم حياتي مستويه صراخ في صراخ
( خله ، شله، لا تسوي، ياويلك، ترى والله ) والحياة ما شية والحمد لله

**مناير2008** · 2008-02-13, 18:05

امك الله يجزاها بالخير ا تعصب ارجوا انك تفهمين مشاعرها انا عرفت حالة امك خاصة يوم قلتي تعاني من الصداع النصفي اقول مره ثانيه ان امك تعاااااني عشان كذا دايم معصبه الله يكون في عونها مو انتم السبب هذامشكله عند امك عشان كذا تفرغ طاقتها فيكم لو سمحتي ارسلي على الخاص وان شاء الله اساعدك انتي وامك لان شي خاص ومابغى يكون على العام وان شاء الله تنتهي المشكلة

الموضوع: كيف أتعامل مع الوالدة

أدوات الموضوع

عرض

كيف أتعامل مع الوالدة

المزيد من آخر المواضيع من نفس القسم:

المواضيع المتشابهه

كيف أتعامل معاها؟؟؟؟

كيف أتعامل وياها .. ؟

كيف أتعامل مع انسانه مثل هذي ؟!!!