مشكلة الفر مع ولدي

**ah654** · 2008-02-09, 15:01

السلام عليكم ....اشحالكم شخباركم يا امهات اباكم تعطوني حل لمشكلة ولدي فديته

الله يسلمكم ولدي عمره سنه وشهرين من فتره لاحظت عليه ان اي شي يمسكه في ايده يفره على اللي يالس عداله مثل موبايل جوتي خواشيق الخ

وانا اعصب عليه واضربه على ايده عسب مايتعود هل اللي انا اسويه صح ولا واذا عندكم حل بليييييييييييييز قولولي لانه حرام والله يكسر خاطري يوم يصيح فديته

المزيد من آخر المواضيع من نفس القسم:

**حلوه** · 2008-02-09, 15:58

انا بنتي بعد نفس الشي

وغير هذا بنتي وايد عصبية ومااعرف كيف اتعامل معاها في هالحالة عمرها سنة وشهر

**ah654** · 2008-02-10, 15:16

الله المستعان شو نسوي الغاليه

**lmn** · 2008-02-10, 17:53

عزيزتي بهاد العمر بدو الطفل يتعرف عالعالم ويلعلب .. فإبنك بلعلب معك .. الله يخليه لكي وحاولي تلعبي معاه

**هيما** · 2008-02-10, 23:22

ولدي نقس الشي و عصبي و عنييييييييييييييييييييييييييد جدا و لا عرف شسوي اطنشه احيانا و اعصب عليه احيانا

تيه نوبات صرااااااااااااااخ و صيااااااااااااااح

و يتم يفرفر و احيانا يمطط شعره

عمره 10 شهوووووووووووررررررررررر
سااااااااعدوني

**ريم797** · 2008-02-10, 23:28

الله يعينكم

**cheeseburger** · 2008-02-11, 01:30

أنا بعد ولدي جيه مع انه ما شاء الله بيكمل الثلاث

**أم الذيب** · 2008-02-11, 01:37

غلطتكم وتحملوها

لا تزعلون

اكيد انتوا عززتوا هالشي فيهم

يا ترى كيف ضحكتوا في اول مرة سوا فيها هالشي

او

انتوا سويتوا هالشي جدامهم

او صاح ويوم فر عليكم رديتوا عليه وتحسب ان هذا هو الحل

اول شي نبهيه ان هالشي عيب اوووف غلط نو

مش مهم الكلمة المهم انكم ترمسون

وخبريه انت تسوي واواه حق ماماه بعدين بيصير فيها واواه

واللي يصيح ويمط في شعره طنشيه واذا سكت ردي عليه وشوفيه شو يبى

طولن بالكن هب سهل الموضوع لكن صدقني بيغيرون اسلوبهم

الياهل دايما يحط اهله تحت الميكروسكوب

يا يفشلون ويعطونه خطه هجوم

يا يعدون هالاختبار ويمشي هو على ما هم يربونه عليه

**دريمه** · 2008-02-11, 03:58

انا سمعت انه من الطبيعي انه الطفل يفر الاشياء في هالسن
لانه يحب يسمع اصواتها وهو يعقها ودامج ضربتيه ابشري انه راح يسويها بزياده لانه حصل شي يثيرج ويخليه محور اهتمامج
انا ولدي عمره سنه وعشر شهور للحين يفر الاشياء بس خف شوي الحين يعني مع الوقت بخف الشي عنه بتلاحظينه بعد فتره بيتولع في النط يعني بيركب اي مكان وبينط يعني اليهال كل فتره تشوفينهم متولعين بشي هذا طبيعي في كل طفل
والله يعينا احنا

**i,h hg],pi** · 2008-02-11, 05:24

اكيد انهم اول ماحذفوا عليكم ضحكتوا

لانه يبغي يلعب او معناه يبغي يستانس

احسن شي تعلمونه يعطي في يدكم وعقب صفقوا له عقب بيتعلم بس تضربينه لا مايعرف لان كل ممنوع مرغوب
الله يحفظهم

**عيون زوجها** · 2008-02-11, 11:03

اي شي حذاله شيلي عنه واذا فر الشي قولي له لا وشوفي بنظرة حادة شوي بس لا تظربين واذا ظربتي اضربي بشوي شوي يعني طبطبي على ايده بس للملاحظه عشان ايعرف الي سواه غلط لا تظربينه بالقو حرام ياهل ما ايعرف وبعدين بيتعود على الظرب وبدل لا يصيح بيضحك وموتي قهر هاك الساعه شوبتسوين؟؟؟؟

**بنت الزمن** · 2008-02-11, 14:23

ما شاء الله عليهم اليهال

أنا ولدي نفس الشيء ما شاء الله عليه...

و حتى وااايد صاير يضرب و يعض...و خاصة للي ااذونه دايما يقووول تح..و يضرب و يوم أضربه يضحك...بس بعدين يكسر خاطري

ما أدري شو أسوي

**سحايب دبي** · 2008-02-11, 14:26

غلطانه انتي يوم بيشل شي اضحكيله وقوليله الله شوفوا ... الشاطر بيعطي ماماه ال ...

واذا عطاج اياه بوسيه وقوليله شاطر وعطيه شي يستانس عليه

وذا فره ازعلي وسوي عمرج تصيحين لا تحرجين وتعصبين لانه الياهل في هالسن يستااااانس على هالسوالف ويحب حد يعصب عليه لانه يحسسه انه مهم

انتي ازعلي وسيري احضني حد غيره صدقيني مره ومرتين عقب بيودر هالشي بس العبيه والحرقه ما تفيد لانه اصلا ما يفهم شو يعني ضرب ولا يفتهم للعصبيه

**ah654** · 2008-02-11, 15:15

مشكورين خواتي وان شالله بتيع وياه الاساليب اللي قلتولي عنها وان شالله خير

الموضوع: مشكلة الفر مع ولدي

أدوات الموضوع

عرض

العرض المتطور

مشكلة الفر مع ولدي

المزيد من آخر المواضيع من نفس القسم:

المواضيع المتشابهه

مشكلة ولدي

مشكلة ولدي

مشكلة عند ولدي؟

مشكلة ولدي..

مشكلة ولدي