**** هام للجميع.. الرجاء الدخول ****

**ريم سيف** · 2006-09-20, 14:08

السلام عليكم....

اشحالكم بنات وحريم..؟

بغيت انوه في الموضع لنقاط أشوفها وايد مهمة....

وصدقوني هالنقاط تهم التاجرات والعضوات وعشان تعم الفايدة بسهولة

على الكل بدون استثناءات...

1- أرجوا من كل تاجرة تستقبل اي طلبية، بأنها تطرش ملاحظة للمشترية بأنها استقبلت الطلب وبيكون من الأفضل انها تعلمها اذا شحنت البضاعة، عشان العضوة تسوي حسابها ....لأن:

أ- ساعات العضوة تكون مخصصة مبلغ محدد للبضاعة، وتتأخر عليها التاجرة، وتضطر العضوة لصرف المبلغ اذا احتاجتهم وتعجز عن الدفع يوم توصلها الطلبية:1 (9): وهالشي يسبب احراج للطرفين (العضوة والتاجرة)

ب- ساعات تطلب وحدة بضاعة معينة، ومحد يرد عليها، وتشوف بعدين نفس البضاعة عن تاجرة ثانية وتتشوش افكار المشترية هل تشتري منها او يتريا رد التاجرة الأول بالرغم من تأخيرها، وتطلبها وتصير لخبطة وبعد احراج، والمشتري يوم يتلخبط من مكان البيع ما يشتري منه!

ج- وساعات التاجرة ما نتبه المشترية بأن الطلبية بتتأخر، ويصير سوء تفاهم من بينهم، ارجوا اعلام المشترية متى بتوصلها البضاعة، عشان تأكد الحجز او تلغيه...

-----------------------------------------------------------------------------------

2- رجائي من التاجرات انهن يتأكدن من شركة الشحن، لأن وايد بضايع تتأخر عن الوصول، او توصل البضاعة معتفسة:1 (25): لأسباب عديدة..

أ- شكل البضاعة وصحتها وسلامتها وجودتها عند الوصول يأثر على سمعة التاجرة.

ب- قبل ما تتهجمين هالعضوة بأنها بخلت عليج بالتعليق او بإبداء رايها، تأكدي بأن البضاعة وصلتها بالأول.:1 (25):

والسموحة:1 (26):

المزيد من آخر المواضيع من نفس القسم:

**×نسايم×** · 2006-09-20, 14:13

صح كلامج اختي
المفروض جي يصير
وتحياااتي لكم

**Sali** · 2006-09-20, 14:16

هذه طريقتي في التعامل جزاك الله خيراً ودعواتي للجميع بالتوفيق

**kity** · 2006-09-20, 14:19

جزاج الله خير

**رومانسية 2005** · 2006-09-20, 14:25

كلامج عين العقل
لازم التاجرة تخبر المشترية قبل ما تطرش البضاعة لها عشان تسوي حسابها وتستقبل الطلبية لان ممكن تكون في هذا اليوم مب موجودة او ممكن تغير رايها

انا عن نفسي قبل ما اطرش اي طلبية لازم اتاكد الاول من المشترية انها تبى الطلبية واكلمها او اطرشلها مسج بعد ما اطرشلها الطلبيةواخبرها انها راح تصل في اليوم كذا عشان تسوي حسابها ولازم بعد نكون متفقين قبلها على الاسعار عشان لا سمح الله ما يصير اي مشاكل
وبعد اطلب من المشترية انها تتطمني بمسج او رسالة تخبريني فيها ان الطلبية وصلت واذا في مشاكل تخبرني عشان اراجع مع شركة الشحن
والحمد لله لين الحين 99% من البنات الي تعاملت معاهم ملتزمين جداااااا في استقبال الطلبيات والدفع
واشكرج اختي على عرض هذا الموضوع الي يهم كل تاجرة ومشترية ويزاج الله خير :22 (4):

**saasmo** · 2006-09-20, 14:25

كلام فعلا يجب ان يوخذ بعين الاعتبار وفي بنات انا اتاخرت عليهم لظروف صحيه والله ما الومهم ابدا انهم راحوا لتاجره ثانيه وهذا حقهم

**ريم سيف** · 2006-09-20, 14:30

تسلمون خواتي عالرد....

وهذا مب عتاب مني، ولكن تنويه عشان تعم الفايدة.... وعلى الكل باذن الله..

واتمنى التوفيق لكل تاجرة

والسموحة

**اسويرا** · 2006-09-20, 16:56

صح كلامج اختي
المفروض جي يصير
واتمنى تثبيت الموضوع

**BntZayed** · 2006-09-20, 18:38

الله يوفقج

و انشالله البنات و التاجرات ياخذون الموضوع بجديه

**amiracat** · 2006-09-20, 18:58

كلامك كله صح اختي

لازم نتتبع هالخطوات عشان نتفادى سوء التفاهم

و شكرا

**ريم سيف** · 2006-09-20, 19:59

الله يوفق الجميع...

ومبروك عليكم الشهر مقدماً

الموضوع: هام للجميع.. الرجاء الدخول

أدوات الموضوع

عرض