خالتي ضيقت فيني

[بنت القمر]

البارح في الليل زوجي طاني مبلغ قالي روحي باجر الصبح وديه لأختي قلت له ليش ما تروح أنت تودي وهي فرصة تتشوفهم قالي مالي بارظ أروح (( لأن مريض م 3 أيام تقريبأً))
المهم الصبح قلت له بروح المستشفى أزور وحدة وبعد ما أطلع بروح لها البيت قال لي زين
رحت المستشفى وتصادفت مع أختى هناك بس ما عطيتها المبلغ لأن المكان مو مناسب ، وطبعاً وأنا في المستشفى اكتشفت انه كم وحدة أعرفها مرقده هناك فرحت أزورهن ولما قلت بروح لها شفت الوقت غير مناسب لأنه كانت الساعة 2 الظهر .
قال لي وديت المبلغ قلت له لا لأني تأخر بودي لهم المس ان شاء الله ، قال لي زين بس لا تتأخري عليها.
العصر كنت راقدة والمغرب قلت لها بروح أنا وأختك (الثانية) الخياط وبعدين بروح دكتور الأسنان وبعدين بودي حقها قال لي زين
المهم قظيت المشاوير ومثل ما قلت لكم زوجي مريض من 3 أيام (نزلة برد) وأخته طبعاً لما رحت لها يلست معاها شوي وبعدين لما رجعت البيت شفت خالتي ( أمه ) طالعة من عندها وقالت لي وهي ما تعرف السالفة انت تروحي مني وتروحي مني وريلج مريض طبعاً الكلمة ضايقت بي ودخلت عليه قلت له زين يبت حقي الكلام قال شو صار قلت له الوالدة نازعتني قال لي أنا قلت لج ودي الصبح .
وعلشان ماتظلمون خالتي ترى هي وااااااااااااايد طيبه ويعلم الله هي شكثر تحبني وأنا بعد شكثر أحبه والدليل على ذلك اني رحت لها البيت بعد هالموقف على طول (( بيتهم في ظهر بيتنا وبينا ممر))علشان أييب دوا بنتي قعدت تسولف وتضحك معاي ولا كأنه صاير شي . وأنا أدري اني بقوم الصبح ولا كأنه شي صاير، بس أنا فيني ضيج الحين
واللي زاد الطين بلة اني يوم كنت أتريا البشكارة تهد لي الباب عسب أدخل السيارة ياني ولد خاله وعمره حوالي 15 _16 سنه علشان يسلم علي وفي هاي اللحظة ينفتح الباب وتيي بنتي الصغيرة وتشبث فيه ودخله لحد عتبت باب الصاله وطبعاً أنا أحاول معاها بكل هدوء تهده أقول له يا ماما عيب بيروح ينام ، بابا داخل ماييبها دشيت داخل عشان هو يحس ويروح ولكن ماشي فايده البنت ميودتنه الله راد اني شفت خالتي في ويهي وحصل بيني الموقف اللي ذكرته وهي طبعاً ما قصرت في ردع البنت ، ودخلت على زوجي وهومنسدح مريض وطبعاً بعد الحديث اللي دار من بينا قال لي منو برع قلت له ولد خالك قال لي شو اللي يابه قلت له كيف دخل قال لي انتبهوا ترى الولد صار شاب مو صغير وسكت وطلعت ولقيت بنتي بعدها تحاول تدخله ويدتها تمنعها مسكته بقوه من ايديها ودخلتها داخل (( طبعاً هو روح )) وفتنت عليها وفهمته انه هذا التصرف غلط وانه البابا يزعل وما يحب ريال يدخل بيتنا وهو راقد أو طالع.
ي أخواتي أنا خايفة يقوم الصبح يتنازع علي أو يظل ساكت عني طول اليوم تأديباً لي ترى انت عارفين الرياييل والغيرة
قولو لي شو أسوي

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر