أنا تعبانة ...

[فروحة2]

السلام عليكم ورحمة الله ،، شخباركم بنات ،، ان شاء الله اوكيه ...

انا كتبت قبل فترة موضوع عن الوسواس اللي فيني ...

بنات الله يخليكم ساعدوني بالحل ، انا بروحي مب عافة شو اسوي ،، كله اخاف من الموت ،، وكله احس بعمري مريضة ...

تخيلوا اليوم كامل يمر علي وانا افكر عن ها الشي ،، وزني نزل واحس اني بها الشي ببعد زوجي وولدي عني ...

سرت عند دكتور نفساني وقالي انه الموضوع طبيعي وهذا يسمونه القلق العام ،، مع ادوية وجلسات نفسية بتضحكين على عمرج بعدين ..

بس ساعات احس بعمري ما اقد استحمل واتم اصيح ،،

اللي ما تقدر تساعديني ،، تدعي حق اختها بدعوة من القلب ،، واللي ما تبا ترد تدعي على الاقل في قلبها ، انه الله يطمن قلبي ويشفيني ...

انا لما اقرا مواضيع باتلمنتدى ادعي للكل حتى لو كان في شي في التوقيع ،، فعسب جذيه اعرف انه الكل بيدعي لي ان شاء الله

والسموحة ..

اختكم

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الأميره...]

الغاليه حاولي تستفيدين من وقت بدال التفكير اقري القرآن عقب كل صلاه واقري الاذكار ماشالله وعندج ولد اهتمي فيه ولاتشغلين بالج في اي شي ثاني

[قرص عسل]

ليج تتعاطين ادويه اذا الامر عادي،سيري عند الدكتور أحمد النجار فناااااااان ان شاء الله يساعد للتخلص من القلق

[بنت بلال]

والله يا اختي اني مريت في نفس ظروفج و أردى .. كنت دوم أتخيل الموت جدامي .. وأخاف منه
بس
والله ألحينه خلاص تخلص من هااايج الأمراض النفسية إلي كانت تلاحقني ..

تدرين كيف ؟؟؟

لا طبيب نفسي ولا شياته !!

تميت امواضبه أقرا سورة يس الصبح والمسا .. أيام والله حبيبتي حسيت بفرحه وراااااااااااااح ما يحس فيها إلا إلي يجعل حياته مع ربه ..

والله يا اختي قوي علاقتج مع الله سبحانه .. بس هذا هو علاجج .. !

ألا بذكر الله تطمئن القلوب ..!!

عليج بالاستغفار والقرآآآآآآآن الكريم ..

والله يجعل السعاده دوم ساكنه قلبج .!

[ام_ساره]

حطي لج في كل مكان مسباح..
استغفري و سبحي كثر ما تقدرين
حطي في الصاله.. في غرفه النوم.. في شنطه ايدج
عن تجربه.. كثره التسبيح و الاستغفار بتغير نفسيتج وايد

[الحزن بدمي]

والله يا اختي قوي علاقتج مع الله سبحانه .. بس هذا هو علاجج .. !

ألا بذكر الله تطمئن القلوب ..!!

عليج بالاستغفار والقرآآآآآآآن الكريم ..

والله يجعل السعاده دوم ساكنه قلبج .!

وأنا رايي من راي أختي

والله يبعد عنج الوسواس ويسعدج دنيا وآخره

[...(مريّة)...]

الله يهدي سرج ويطمن بالج يا رب
وما تشوفين باس أختي ,،

[فروحة2]

ما عليه يا بنات ونعم بالله ،، القلق النفسي اللي فيني يخف وايد يوم اقرا قران بس انا مب مواضبه على القران للاسف ..

وان شاء الله من اليوم وساير بيكون الوضع مختلف ..

بس شو بالنسبة للاماكن المغلقة والمرتفعات ،، والتغيرات الطبيعية اللي تستوي ..

انا ترى كنت جي قبل وبعدين تحسنت ،، بس صارت ثلاث حالات وفاه عندنا من قرابينا مب وايد معاهم بس انه هم توفوا فجاة ...

بعد ها الحادثة خلاص نفسيتي وايد تعبت ..

ومشكوين كل اللي ردوا علي

[نسيت الماضي]

تميت امواضبه أقرا سورة يس الصبح والمسا .. أيام والله حبيبتي حسيت بفرحه وراااااااااااااح ما يحس فيها إلا إلي يجعل حياته مع ربه ..

والله يا اختي قوي علاقتج مع الله سبحانه .. بس هذا هو علاجج .. !

ألا بذكر الله تطمئن القلوب ..!!

عليج بالاستغفار والقرآآآآآآآن الكريم ..

والله يجعل السعاده دوم ساكنه قلبج .!

[دجا الليل]

اختي فروحهان شاء الله الله يسعدج دنيا واخره
وقولج انا عن حرمة خالى ياتها الحاله اربعين يوم وكل يوم تصيح وتمسكت بالقران وراح عنها كل شي
وكانت يحليلها تقول اليوم بموت يوميا جزيه لحد ماخطفن الاربعين يوم على قولتهن الميت يحس بموته باربعين يوم
ومثل ماقللج خواتي كثري من الاستغفار

وعادي الموت حلو مادامج بتجابلين ربج باعمالج الصالحه ومحد يموت قبل يومه
تمسكي بالله وخلى الدنيا على ينب والله يخوز عنج الهم ان شاء الله
ولا تفكرين وايد بالموت ترا الدنياحلوه وخاصه لما تقرين القران وتحافظين على صلاتج

اختج دجا الليل

[FADHILA]

الله يطمن بالج ويهدي سرج يالغالية..
حبيبتي الاعمار بيد الله سبحانه وتعالى وانا اضم صوتي للأخوات :
الاستغفار ثم الاستغفار ثم الاستغفار
وشي ثاني الله يرحم موتانا وموتى المسلمين ومثواهم الجنة..
ممكن تكون حاله اكتئاب وتمر ان شاء الله..

[أنــ هيامي ــا]

قولي حق نفسج ...

""" أنا ليش أخاف من الموت ؟؟
الموت مكتوب على كل انسان ... محد بيتم في الدنيا ... وإذا أنا ايماني بربي كبير ما بخاف من الموت وما بخاف من اي شي غير رب العالمين ودام اني محافظه على صلاتي وقايمه بكل واجباتي الدينيه فليش اخاف ؟؟؟ ... """

كلمي نفسج واقنعيها .. ولا تخلين الشيطان يلعب بعقلج ...

انتي انسانه واعيه ومب صغيره ... اهتمي بريلج وبولدج (ولاتنسين انج تاخذين أجر على هالشي )..
لاتخلين اي شي يخرب على علاقتج فيهم .. لا تهدمين بيتج بيديج ...

كل ماتحسين بهالحاله استعيذي من الشيطان واذكري الله ....

حاولي تشغلين نفسج دووم ...

وعيشي حياتج .. وحطي في بالج انه .... " كل شي بيد رب العالمين ... "

وربي يشفيج ويخليج لأهلج ولزوجج ولولدج ..

[فلانة]

اختي انتي شراتي
نحن صار لنا وفاة شهر ثلاثة اللي طاف يعني حول السنة
واكتئاب مزمن بدون اي سبب وتساقط فظيع في شعري
تفكير سوداوي
مع اني مواظبة على صلاتي والاستغفار والتسبيح وقرءاة القران والمحاضرات
يعني تقولين الانسان اللي يكون بعيد عن ربه هو اللي لازم يكون متضايج
((ومن اعرض عن ذكري فان له معيشة ضنكا))
بس من داومت على الرقية الشرعية نزلتها من النت وسورة البقرة
الحمدلله وايد ارتحت

[مث مث]

الله يوفقج بس حاولى تشغلين نفسج بالقران

[ليلي دموع]

والله يا اختي قوي علاقتج مع الله سبحانه .. بس هذا هو علاجج .. !

ألا بذكر الله تطمئن القلوب ..!!

عليج بالاستغفار والقرآآآآآآآن الكريم ..

والله يجعل السعاده دوم ساكنه قلبج .!