امبارك ياعيد امبارك أحلى الأيام نهارك

[درة الإمارات]

السلام عليكم ورحمة الله وبركاته
هلا حبيباتي العيد بعد ثلاثة أيام وطبعا أحلى الوقت هو صباحية العيد:22 (26):
أكيد كل وحدة متعوده على شي في العيد:22 (10):
فكيف صباح كل وحدة فيكن
ومن اللحين أقولكن بلغكم ربي العيد:1 (35):
وكل عام وإنتو بخير:13 (17):
وعساكم من العايدين
وعيدكم مبارك:1 (69):

المزيد من آخر المواضيع من نفس القسم:

• مرحبا انا ساكنة في ابو ظبي
• "لعبة أيام الاسبوع"
• انا جديده وحابه اتعرف ع كل الصبايا
• لعــــبـة الأعــتــراف
• منو حابه تلعب معي شطرنج!؟
• أي الأ سـمـيـن أحـلـى
• وردني الحنين
• مفاجئه رهيبه لصاحب الصوره
• شو اكثر عقاب خفتي منه
• رمسة حريم ....الجزء الخامس

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[درة الإمارات]

وين الردود ؟!!!!!!!!!
أفأ

[أمووون]

درة الامارات

السلام عليكم و رحمة الله و بركاته (كل شي علشان الأجر كله يهوون)

شخبارج حبيبتي و شكرا على الموضوع

أولا.. مبروك عليج العيد و مشكورة على الموضووع

ثانيا... انا كنت اربع سنين اعيد برع.. و الحمدلله من سنة و نص أعيد هني.. و استويت ما أفوت صباح العيد أبدااا

اقوم الصبح و اتسبح و اكون مجهزة ثيابي من في الليل طبعا

اتلبس.. و دائما آخر وحدة تتلبس انا لأني احب اقوم شباعة نوم بس طبعا مب الظهر.. يعني على العشر لأني ما اسير المصلى... هههههههههه نحيسة ما احب اشوف مال أول هههههههه

اسلم على امي و خواتي .. و ايونا خواتي و يتيمعون الصبح في بيتنا.. و بعد ما نعيد كل صغاريه خواتي و بيتنا و عيال اخوي نركب سياييرنا و نسير بيت خالتي اصغر من امي.. طبعا احنا متعودين نسير بيتها... يعني ما تفرق عودة و الا صغيرة بس عادة و تمت عاد... و نتريق عندها شوي.. و عقب خالتي الثانية و بعد نسلم و نعيد و نظهر..

و نرد البيت نتيمع حق الغدا

عاد يقولج انا هالعيد أول مرة بضحي ههههههههههه و من الصبح بكون واعية علشان ألأجر يوم بيضحون و هالسوالف... مادري شو يسوون عاد

انتي شو تسوين من تصبحين؟؟؟

[ظبية بوظبي]

مرحبا الغاليه
ومبرووووووووووووووك عليج العيد وعساج من العايدين والسالميييييييين...
انا الله يسلمج اول ما انش الصبح اتلبس واتكشخ وحالتيه لله .......وعقبها اسير اصلم على قوم ابويه وامايه .....وعقب ما اخلص ازخ لج هالتيلفووون وما اخلي وحده من بنات اهلنا ولا من ربيعاتي وما اتصلبهن واتم اهذرب لين ما ريجي ينشف والسبه المعايد لووووووووووووول وعقبها نسير بيت يدتيه لانه العايله الكريمه كلها تتيمع هناك.....ونيلس عاده سوالف وضحك لين وقت الغدا .........ونتم فى بيت يدتيه ليييييين فليل وساعات نسهر هناك......وثاني يوم على طوووووول نسير العين لازم نسلم على عمي العووود....وعقبها نسير دبي نسلم على باقي الاهل وهذا هو العيد شرات كل سنه لوووووول لا جديد
ومبارك عليج مره ثانيه

[صدى حنيني]

الله يبلغ الجميع ان شاءالله ..
بالنسبة لي ماسوي شيء .. وحده كسلانه .. بس احب اسمع التكبير .. و اتعدل واتمكيج واتدخن وايلس طبعا اسلم على امي وبويه فديتهم وعلى اخواني وجان بتصل في حد يمكن .. وايلس اشوف الصغارية اللي يسير واللي يرد واللي واللي الله يحفظهم ان شاءالله .. بس هالعيد ان شاءالله بسير صوب يدودي اول يوم بس عشان اسوق >>> ولا مب عشان سواد عيونهم خخخخخخخخ ..
وتقريبا جيه اقضي العيد

[درة الإمارات]

شكرا على ردودكم
أما العيد عندي فمن بعد صلاة الفجر ماشي نوم ونزهب لصلاة العيد وبعدين نرجع نكشخ ونسلم على بعض وبعدين نروح نزور يدودي وعمومي وخيلاني وبعدين نرجع البيت وثاني يوم كل اللي سرنالهم يتجمعون في بيتنا يتغدون ونقعد سوالف لين الليل وبعدين خلاص خلص العيد
الله يعوده علينا وعليكم بالخير والفرح والسعادة

[رماسه]

الله يبلغ الجميع ان شاءالله

وكل عام وانتو بخير يا اجمل سيدات بالمنتدى

هالعيد بكون غريب شويه علي لانه بكون ثاني عيد بيت زوجي واحس شي غريب مب عارفه شو
لانه عيد الفطر كان اول عيد بيت زوجي وصراحه مب عارفه شو اسوي بذاك اليوم

((( صراحه بيت الاهل غير غير غير غير عن بيت البعل لوووووووول)))

[09]بنتعود ها نصيبنا[/09]

[المخملية]

عساكم من العايدين عاده من بعد ما أعدل بعلي العزيز ((((((((الله يحفظه))))))))

ويرووح المصلى، أتعدل وأدخن ونسير بيت أمي وبيت عمي ونمر على باجي الأهل

وثاني يوم نتيامع بيت خالي العود ،، وثلاث يوم طلعه القرية ولا السينما ومن هالسوالف

[بنــ ksa ــت]

«®°·.¸.•°°&#183 ;.¸¸.•°°·.¸.•°& #174;» عيدكن مبارك «®°·.¸.•°°&#183 ;.¸¸.•°°·.¸.•°& #174;»
انا عني مانام في العيد الا ساعتين بس ومن اصلي صلاة العيد نروح لاستراحتنا برا الرياض
مسافة 80 كيلو تقريباً وهناك يبدأ التجمع العائلي من اعمامي وخوالي وعماتي وخالاتي
بعدها يبدون الرجال بذبح الاضاحي ثم يطبخونها وهالشغلات وبعدها نبدأ الرقص واللعب
الين العصر ..
ثم نوم الى الفجر ههههههههههههههه
لان ورانا سفر للشرقية .. طبعاُ عادة اهل الرياض من نعيد عند اهلنا اول العيد وثاني
العيد الدمام والبحر ...