احس عمري منافقه !!!!

[مس UAE]

السلام عليــكم ورحمة الله وبركااته ..

خواتي يزاكن الله خــير ابغي حــــد ينصحنـــي ..بعد ما شفت تفاعلكم مع القضايا المطروحــه في هذا القســـم ..قلت اكيــــد بنات المنتدى ما بيقصرن ..

مشكلتــي مب مثل باقي المشاكــل ..مشكلتي تخصنـــي والحل بيدي بـــــــس ما اقدر على الحــل نفســـــــــهـــــــ ..

انا بنت توني ما كملت 3 سنوات في الكليــــــة ..طبعا من البشر الي احجاامهم صغيره يعني بالمختصر قصيرة وضعيفه ويبن علي بنت 15 سنه ..الحمدلله نعمــت ربي مع انه ما يقصرون من المعاايب علي ..

ايام الثانويه ..الله هدااني ..ولبست غشوه ..مع انه محد من خواتي كانن يلبسنهــا ..اول ما عرفن كيف يغطن وجوهن طبعا بطرف الشيله وحد منهن بالنقاب ...وعلى فكرة الي كانت منقبه بعد الزواج ودرته وهيه حره وكيفها ..

المهم كل ما اركب السياره يقولوون ( تنعشين بغشوتج ) امي كانت تقول لي هل الجمله ..تتمصخر ..هيه قصدها لا تتغشين في السيارة ..ونحن نركب ويا دريول ..

المهم هذي حالي ويا الغشوه وانا حبيتها وااايد ..بس من دخلت الكليه من بعد اول سنه ما لبستها ..ما قدرت ..كيف بدرس ؟؟!! ..والمدرسين اجاانب ..ورفعتها في الصف ..بس يوم اطلع صوب السياره اتغشى ولين اللحين بس بطرف الشيله .. وما قدرت السير يدرسني من سنتين اللحين شاف ويهي مليوون مره والحمدلله من النوع الي اتحجب وما احط مكياج ..

واللحين مرات اتغشى ومرات لا ..ما اعرف شو اسوي بعمري ..احس نفسي منافقه ..ادخل السياره اتغشي عن الدريول ..وفي الكليه عااادي ..وحتى في السوق مرات اكشف عن وجهي ..لاني احس نفسي منافقه ..يعني يا اتغشى او لا ..انهي هل الموضووع ..بس ما اعرف ابغي اتغشي وما اقدر ..

وبالنسبه للنقاب ..ما احبــهــــــ ..وشكلي غلط من الخااطر يوم جربته ..واغلب خواتي من عرسن عقنه ..وحده لانه ريلها متحضر ..والثانيه تتتغشى بشيلتها ..بس بعد جدام الدريول ما تتغشى ..يعني ما فرق !!

انصحني الله يخليكـــــــــن ابغي ارد مثل قبل ..بس ما اقدر .. احس عمري منافقه ..

تعرفون شو قلت في خاطري ..اللحين ما بقى لي غير سنتين واخلص دراسه يوم بشتغل بتغشــى ومكان شغلي بيكون مريح ( تدريس يهال ) يعني يوم بطلع بتغشى ..بس ادري تفكيري غلط ..

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[فانتاستك]

انتي مش منافقه ياختي ...............لانه من الاساس في بيتكم مايتغشن فطبيعي انج بتكونين مش دايما ملتزمه والسبه مثل ماقلتي بعض التعليقات .........شوفي اهم شئ القناعه ................الانسان يوم يقتنع بالشئ يلتزم به ..........انتي اصلا مقتنعه فيه من البدايه لكن عشان الي حاوليج مب مقتنعين وما يشجعنج فيه فصار لج نوع من الربك مرات ايج شور انج لازم تتغشين ومرات تقولين لنفسج محد ضربني على ايدي عشان اتغشااا فتشلينها ...........من الاساس الي يصير لج من بيتكم لو ياج تشجيع من امج وشفتي خواتج التزمن مبيكون حالج جيه

ااختي خلج علىىى مبادئج عشان مايصير لج ربك يعني الغشوه انتي اساس مرتاحه الها خلاص والله يحفظج

[طيووفة]

حالتي شرات حالتج تقريبا

ونفس الحاله في الكلية ما اتغشى

بس يوم اظهر

فالاحسن انج تجربين النقااب

جربي في اكثر من طريقة بالنسبة للنقااب


وانا اتفق مع الاخت فانتاستك

[hanood9]

انصحج بالنقاب .. ولا تحطين اعذار عشان الدراسه ...اذا كنتي تبين تغطين ويهج عن الرياييل .. فلازم كل الرياييل تغطين ويهج عنهم ... فالبسي النقاب استرلج واريح ... مثل ما تعودتي على الغشوه بتتعودين علىالنقاب

اما اذا تفضلين الغشوه ..يعني حتى وانتي بالكليه بعد تغطين ويهج عن المدرسين... لا تحطين ببالج ان عشان هوه اجنبي بيخاف من الغشوه ..لا هذيل يوم ييبونهم عندنا البلاد يعطونهم كورس كيف يتعاملون وي البنات ويعرفون يتعاملون وي البنت الي تغطي ويها وال يما تغطي .. وانتي مب اول وحده بيدرسونها تغطي ويها ... مايصيير ريال حلال عليه وريال حرام عليه يشوف ويهج ! لازم كلهم في لستت الي ما يشوفون ويهج ..

لوكنتي اختي معرسه وزوجج امرج انج ما تكشفين ويهج جدام الرياييل ..يعني كلهم في جميع الحالات ..


والسموحه منج ^_^

[عاشقه زوجي]

انصحج بالنقاب .. ولا تحطين اعذار عشان الدراسه ...اذا كنتي تبين تغطين ويهج عن الرياييل .. فلازم كل الرياييل تغطين ويهج عنهم ... فالبسي النقاب استرلج واريح ... مثل ما تعودتي على الغشوه بتتعودين علىالنقاب

اما اذا تفضلين الغشوه ..يعني حتى وانتي بالكليه بعد تغطين ويهج عن المدرسين... لا تحطين ببالج ان عشان هوه اجنبي بيخاف من الغشوه ..لا هذيل يوم ييبونهم عندنا البلاد يعطونهم كورس كيف يتعاملون وي البنات ويعرفون يتعاملون وي البنت الي تغطي ويها وال يما تغطي .. وانتي مب اول وحده بيدرسونها تغطي ويها ... مايصيير ريال حلال عليه وريال حرام عليه يشوف ويهج ! لازم كلهم في لستت الي ما يشوفون ويهج ..

لوكنتي اختي معرسه وزوجج امرج انج ما تكشفين ويهج جدام الرياييل ..يعني كلهم في جميع الحالات ..


والسموحه منج ^_^

[السوده]

وانا بعد تقريبا نفسكم ..وهذا مب معنااته اني منافقه ... لاااا
عند السير ماتغشى صح لاني كيف بشوف يوم يشرح وكيف بشوف البوورد.. والويه مب حرام..ومضطره اني اعقها..ولاني اكره النقاب وبالاصل ماعرفله..وبعد لان عندي اكثر عن 20 طالبه يعني السير بخلي البنات وبيقعد يتمعن فيه!!! لاا طبعااا..

والدريول اتغشى عنه..لان اخاف واحسه يطالعني من المرايه الجداميه..فأانا اشوف من الاساتذه عادي لاني هني انا ادرس
اما الدريول ماله داعي اعق الغشوه


بس أحاول اتغشى كثر ماقدر لاني (المرأه مثل مايقولون جوهرة واذا كشفت عن مضهرها راحت حلاتها)

والله يحفضنا وياج يالغاليه

[مس UAE]

اشكركن خواتي على النصايح ..
اختي هنوووود انا اتفق ويااج لازم اذا غطيت وجهـي لازم اغطيه جدام كل الريااايل ..

وهنيه المصيبه ..اتخيل اغطي ويهي جدام عيال خالاتي والرياايل الي في العائله ..الشواب والشياب ..

بس بحاول ان شااء الله والله قال ( وعلى نياتكم ترزقون ) والله يرزقني الهدايه ان شاااء الله

[أم منــصور]

انتي مش منافقه انتي مب قادره تضبطين نفسج بين شخصية مؤيده للغشوه و شخصيه يهزها كلام الناس من حولها

عشان جي راجعي نفسج و اختاري الاختيار المناسب لج

اذا انتي تكرهين النقاب استخدمي الغشوه و وقت الدراسه استخدمي الخمار بحيث ان بس عيونج تطلع و من فوق الغشوه عشان اتغطي و بيكون بإذن الله حلو عليج

و الله يثبتج على هالشي يااااارب و خير سويتي يوم تتغشين عن الدريول لانه ما يحل له يشوووووفج

[...(مريّة)...]

إنتي مب منافقة ، إنتي مترددة
بس ممكن تكونين خذتي قرار
الغشوة في وقت مب متأكدة فيه
وشفتي نفسج إنج تبين هالشي ،
ما عليه إختي خذي وقتج في
التفكير ، وخلال التفكير تقدرين
تتغشين في الأماكن العامة لين
توصلين للقرار النهائي تماما
الله يوفقج ويستر عليج

[ام زوزي]

اختي انا ادرس....... وغشوتي البسها ف الكلية وبرع الكلية ماتفرق ... ز ترا ف الكلية بعد شي رب فوق يراقبج وما عليج من كلام الناس .....وانا وايد حطموني بس طنشت.؟؟ دامج مقتنعة بالي تسوينه سوييلهم اكبر طاف...... والله يهدينا

[ابوظبي]

ما اعرف شو اقولج....

[*كـراميل*]

الله يثبتنا

كلنا نعاني من نفس المشكله

[سوارفسكي]

انا نفسج احب الغشوة وما ارتاح للنقاب.....

بس احس الظروف تظطرج انج تحتاجين اتشوفين...نفس لما اروح مكان عام....فصرت اعود نفسي عالنقاب...البسه وقت ما احتاج

صدقيني بعد فترة بتقدرين تعودين ععمرج...البسيه وقت الدراسه و نتي طالعه البسي الغشوة...و الله يسهل عليج ..و يفتحها بويهج يا رب

[بنت.العوضي]

بكل بساطة الغالية الحل مثل ما تقولين بيدج ..

انا بقولج موقفي .. انا شراتج بالضبط يعني مثل ما تقولين صغيرونة ويعطوني 15 او 16 سنة

ولما دخلت الكلية فصخت النقاب بحجة الاساتذة والبنااااات وايد رمسوا انه بينقصوني وبيبهدلوني وخفت

بس تدرين سنة ثالثة الفصل الثاني فجاة يتهم يوم مب بس متغشية الا منقبة وعباتي على راسي ولابسة قفاز ودلااااااغ بعد !!!

تدرين الاستاذة عرفوني لانه اماكنا ما نغيرها وفي استاذ قالي شفت ويهج ليش تغطيــــــــن عني ؟؟ قلت له انا حرة وهذي حرية شخصية .. وعادي ما همني كلام احد عــــــــادي ولا كانه شي صاير ^_^ صدقيني لو ترييتي بعد ما تخرجين بعد ما بتغشين بتقولين صغارية ادرسهم وبتعايزين

اتخذي خطوة وقرار حاســـــــــم وتكونين انهيتي الموقف

[ميميه88]

فديتج مش منافقه وشي طبيعي ماتقدرين انج اتمين بالكلاس بغشوه وهو يشوف 100 طالبه مابيميزج عن غيرج انا الدريول من الافضل اتغشين مرات يخوفون ويشوفج دوم يوم تسيرين واتردين وياه وبالسوف من الافضل ماتشلينها الااذ ترفعينها شوي والاخير النقاب صراحه اشوفه اخير شي انا كنت اقول مب حلو علييه اما الحين ماودره ورات احط فوقه بعد الغشوه