شخبار الجو وياكم؟

[بنت القمر]

الصراحة اليو الجو يخوف
كل ما أطلع في الحوش أحس اني بطير
والا سيارتي المسكينه أحس انه الشيرة بطيح عليها ، أخ لو شفتوها أمس تلق من النظافة واليوم يغنيكن الله عنها
ويوم أسير لخالتي أشوف نخلتهم أتخيلها الحين بطيح عليهم حتى يوم أخبر خالتي تقول لي اسكتي أنا خايفة أكثر منج تطيح على صقف البيت وتهدمه.
ويوم أشوف ورق الشير أتمصخر على البشاكير أقولهن تعالو رقطو الفلوس
والبشكارة تقول مدام 10000 أقول لها لو 10000 ما بتخبرينا بترقطيها وبتروحي.
والا أمي فديتها شادة حيلها ورايحة القرية اتحرى الجو في دبي زين الا تنصدم القرية مصكرة والشرطة ترددهن
هي أحوال الطقس عندي وانت كيف؟

المزيد من آخر المواضيع من نفس القسم:

• مرحبا انا ساكنة في ابو ظبي
• "لعبة أيام الاسبوع"
• انا جديده وحابه اتعرف ع كل الصبايا
• لعــــبـة الأعــتــراف
• منو حابه تلعب معي شطرنج!؟
• أي الأ سـمـيـن أحـلـى
• وردني الحنين
• مفاجئه رهيبه لصاحب الصوره
• شو اكثر عقاب خفتي منه
• رمسة حريم ....الجزء الخامس

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لحظة وله]

هههههههههههههههههههه
حليلها سيارتج أبصرااحه الجوو صدق يخوووف ماقدرت أرقد من الفير أشوف البيبان تهتز من كثر الهواا واليهال والله مارقدوا خايفين بس الحمدلله على كل شي...
عاد انا من البرد متلحفه من الخااااااااطر ألي يشوفني يضحك علي صدق بردانه وأحس ان قلبي قابض علي والبرد داخل عضامي بس الحمدلله

وهذي احواالي ههههههه بعده ماطاحت عدنا شيره يمكن طاحت و انا مادري خخخخخخخخخخخخخخخخ

دعاء الريح ::::
(اللهم إني أسألك خيرها وخير مافيهاا
وخير ماأرسلت به..
واعوذ بك من شر مافيها
وشر ما أرسلت به........

[بنت القمر]

يزاج الله خير على الدعاء
وعلى طاري البرد أوني لابسة زلاغ والله ولاجني لابسة شي تقولين ريولي حاطتنها في طاسة ثلج

[لحظة وله]

يزاج الله خير على الدعاء
وعلى طاري البرد أوني لابسة زلاغ والله ولاجني لابسة شي تقولين ريولي حاطتنها في طاسة ثلج

ههههههههههههههههههه
اقولج مايفيد واحد ألبسي كمن واحد......شرات اختي لابسه ثلاثه تتخيلين يعني مدفيه عدل................
يالله روحي ألبسي كمن واحد

[بنت القمر]

أنت أختج زلاغين تعالي شوفي خالتي من كل شي اثنين كندورتين وصروالين وزلاغين ولا وتشوفيها تصطك من البرد وهي تعلق على عمرها.
والا ريلي يوم شفته اليوم لا بس بالطوا ولا بس الغترة والعقال وهاذيج الكندورة العنابية جان أقوله شكلك مثل بدو الأردن

[منتهــى]

الجوووو عندنــــــــا برررررررررررد واللهـ مووووووووووت


وخاصة الفجر تجمــــــــــد .... الله يعيييييييين ...


ثااااااااااانكس ع الموضوووع عسووووووووووووله

[دمتم بود]

الجو برا برد

بس جو الغرفة دافي

فديت غرفتي

[دخوون]

عواااصف هوا قوي من قلب وبرررررررررررررررررررررررررررررد

[kho]

بررررررع برد مووووت ،،، والشوارع كلها مندفنه من الرمل ،،


بسسس انا مشغله المكيف .. ولابسه شااااال صوووووف ومتلحفه ..



ماقدر ارقد بدون ماسمع صوت المكيف ولو انه ماينسمع بسسس هااا اشويه ههههه عسبت ما اخاف هههههههه

[أسيرة الجفون]

هزه خفيفه استوت توها عندنا ..
الله يستر
دبا الحصن

[عليــونه]

الجو برع بارد بس ماشي غيوم وشي هوا بس شويه مش واايد

والله يستر ياربييه وربيه ايطير الشر عنا

[بنت القمر]

الحين أشوف العاصفة هدت ان شاء الله بس ما تعفسنا في الليل.



هي صدق نسيت أسأل القرية فتحوها اليوم؟

[نسل الصقور]

بررررررررررد

[عيناويه موووت]

بررررررررررد

[لحظة وله]

أنت أختج زلاغين تعالي شوفي خالتي من كل شي اثنين كندورتين وصروالين وزلاغين ولا وتشوفيها تصطك من البرد وهي تعلق على عمرها.
والا ريلي يوم شفته اليوم لا بس بالطوا ولا بس الغترة والعقال وهاذيج الكندورة العنابية جان أقوله شكلك مثل بدو الأردن

ههههههههههههههههههههههههههههه
خخخخخخخخخخخخخخخخخخخخخخخخخخخخ
ماشالله