المفروشات لذوات الدخل المحدود

**نبضة قلب** · 2006-01-06, 13:07

السلام عليكم ورحمه الله وبركاته
عزيزاتي دايما الوحده يوم تفرش بيتها ادور شي حلو وبنفس الوقت رخيص

يعني كل وحده فرشت بيتها اتكلمنا وين فرشت ؟

وشو من السيراميك حطت؟

واي نوع اثاث اختارت؟صيني مصري .....الخ

والاكسسوارات ؟

الستائر؟

شو رايكم في دراكون مول للفرش ؟ نوعيه جيده ولا رديئه؟

مصانع عجمان للمفروشات؟

المحلات الصغيره الي تنجد وسوي غنفات؟(عندي وحده من الاهل اضطرت اسوي هناك للحين ما شفت الفرش )
محلات السيراميك في صناعيه الشارجه ؟

تعرفون بعد برنامج اسكان زايد ( الله يرحمه)اسهلت وااايد امور وقامت البنيان اسرع ما يكون فالي عندها فكره وفرشت اتفيد خواتها الله يجزاكم الخير والاجر اتعرفون ان البنيان يفقر وخصوصا اذا شافوا مشروع زايد ازيدون في الاسعار علشان يدفعون الناس من جيبهم الخاص

ودمتم سالمين

المزيد من آخر المواضيع من نفس القسم:

**نور** · 2006-01-06, 13:43

وايد حلو موضوعج

أختي في سوالف الحمامات أغرتنا أطقم الحمامات الصينية في دراجون مول موديلاتها مودرن وأسعارها رخيصية

وخذينا حق كم حمام منها

وشقولج ما كملنا شهر من سكنا البيت إلا وهيه مصدية وتالفة ما أنصح أي حد ياخذ منها

**نور** · 2006-01-06, 13:44

وبخصوص السيراميك في نوعيات ومستويات

حق غرفة من الغرف قلنا بنوفر وخذنا نوع رخيص

كل ما طاح عليه شي انخدش وتشوه منظره بعد ما أنصح فيه

ويمدحون سيراميك راس الخيمة

**نبضة قلب** · 2006-01-06, 13:56

انا سمعت عن المنتجات الصينيه رديئه بس انصعقت لان الادوات الي عندهم راقيه لكن عديمه الجوده(دراكون مول)
ويزم قلتي صدقت لاني سمعت بنات باحد المنتديات يذمونه فقلت اسال خواتي في المنتدى انفيد بعض لان اشكالهم جدا مغريه وجزاك الله الف خير حبوبه

**أم الـغـالـي** · 2006-01-06, 17:48

نبضة قلب في بالشارجه في شارع الوحد محل صيني مب كبير وايد بس فيه اشيا حلوه ومسوين تنزيلات من فتره منها الغالي ومنها الرخيص اللي سعره حلو روحي شوفيه يمكن يعجبج شي

**umm sultan** · 2006-01-06, 19:28

مشكورين على المعلومات صراحة موقع طيب وبنات طيبات الله يعطيكم ألف عافية.

**نواري** · 2006-01-06, 21:27

الأدوات الصينية عمرها الزمني محدود وبتضطرين لتبديلها شو الفايدة تسويين مرتين بتصرفين الضعف غير مصاريف أخرى لزوم التبديل في محلات وايد للأدوات الصحية في شارع صلاح الدين بدبي وأسعارها مناسبة وجيدة أما تنجيد الكراسي وايد محلات تنجد بس رؤوف في شارع نايف وايد زين مجربينه .

**صدى حنيني** · 2006-01-08, 00:33

الصراحة انا سمعت البنات واااااااااايد يمدحون الدراغون مول ويقولون انه مايعول والعلم عند الله بس حبيت اخبركم

**نبضة قلب** · 2006-01-08, 01:05

والله يا بنات انا شخصيا ما فرشت بعدي مطوله ولكن لو وحده من الخوات فرشت من اي اماره تشرح لنا
شو الي تعبها خلال الفرش ؟
البناء؟
الالوان؟
وكيفيه اختيارها الوان الغرف وهل مزجت كم لون ؟

**المخملية** · 2006-01-09, 18:33

بخصوص الفرش ما أنصحكم تاخذونه من إيكيا أو هوم سنر أو هوم أر أس

لأن فتره بسيطه وتنتهي صلاحيتة....بس الزين الي عدهم الاكسسوارات وأغراض المطبخ

أما بالنسبة للديكور في محل روووووووووووووووووووووووووووعه

فالشارحة عالكورنيش أسمه آرت آر أس عجييييييييييييييييييييييييييييييب

ادخلي المحل وشوفي الرسم قمة الروعة... محلهم عند باتشي....

وهذا إلي يحظرني حاليا......

**نبضة قلب** · 2006-01-13, 12:17

هل هناك بلدان معينه يكون سجادها ممتاز؟؟

**العيناوية** · 2006-01-13, 14:08

اختي في وايد محلالالالات أثاثها حلو و سعره زين ....و خصه الاكسسوارات عندج ايكيا ..هوم ار اس ...

و صح على فكرة محل الأول عنده سيل 70 %

**أم الـغـالـي** · 2006-01-14, 04:53

نبضة قلب انا سمعت ان تركيا سجادهم روعه اربيعتي هناك رايحه مع ريلها دوره وتقول ان عندهم مبنى كم طابق فيه سجاد اشكال وانواع وروعه

**نبضة قلب** · 2006-01-14, 18:46

فعلا السجاد التركي الاشهر في السوق انا اايدج بالنقطه هدي بالتحديد

**منى الحمادي** · 2006-01-28, 09:43

مشكوووووووووووورة
يعطيج العافية

الموضوع: المفروشات لذوات الدخل المحدود

أدوات الموضوع

عرض

المفروشات لذوات الدخل المحدود

المزيد من آخر المواضيع من نفس القسم:

المواضيع المتشابهه

الارامل والمطلقات واصحاب الدخل المحدود