ماهو اهم حدث صار لج سنة (2005)

[بنت بوظبي]

خلونا ندردش وكل وحدة نخبرنا شو اهم حدث صار لها سنة 2005

المزيد من آخر المواضيع من نفس القسم:

• Golden pools
• افضل لعبة اطفال للبحر
• مرحبا انا ساكنة في ابو ظبي
• "لعبة أيام الاسبوع"
• انا جديده وحابه اتعرف ع كل الصبايا
• لعــــبـة الأعــتــراف
• منو حابه تلعب معي شطرنج!؟
• أي الأ سـمـيـن أحـلـى
• وردني الحنين
• مفاجئه رهيبه لصاحب الصوره

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[زكية الذكية]

أهم حدث استوى لي في 2005 هو ..

[04]تم قبولي لدراسة الماجستير[/04]

[*أم اسمـــا*]

[08]ربي رزقني محمد [/08]

[بنت بوظبي]

مشكورات خواتي على مروركن ننتظر الباقي

[أم أحمد]

السلام عليكم ورحمة الله وبركاته

موضوع حلو

أهم حدث صار بالنسبة لي تأسيس موقع النادي

والله يباركلنا فيه يارب

[أم الـغـالـي]

هممممممم انا مافي احداث صارت لي وايد لوول

ايه تذكرت زوجي اشترالي هديه لول لا تستغربون انه اهم حدث لأنها المره الوحيده اللي حصلت فيه هديه منه

[صدى حنيني]

امممممم انا بالنسبة لي اهم حدث صارلي هو طلاقي .. لاتستغربون بس بالفعل ارتحت لاني بديت حياة ثانية وتعلمت اشياء وعرفت الناس كيف ... والصديقات ياحافظ عليهن من صديقات بس بالاسم !!! الحمدلله عرفت الزين من الشين ...
وان شاءالله الله يكتبلنا اللي فيه الخير

[أم الـغـالـي]

الله يعينج صدوي صدق تكون صدمه والم لما تنخدعين من ناس عزيزين على قلبج عسى الله يصبرج ويرزقج باللي احسن منه

[واثقة الخطى]

[grade="FFA500 FF6347 008000 4B0082"]

يالله نبدا بالاحداث
1 كملت سنه ع العرس
2 ربيت في نفس اليوم اللي كملت فيه سنه من عرسي ( احلى شئ )
3 مثل ما قالت صدوي عرفت من ريعاتي منو اللي لازم كنت اودرة من زماااااااااان
4 عمتي توفت
5 اذا ذكرت برد اكتب

[/grade]

[أمووون]

السلام عليكم و رحمة الله و بركاته

كانت عندي عدة احداث حلوة و لله الحمد:

1. حصلت على وظيفة حلوة و مميزة في مكان حلو.. بعد الغربة و التعب و الشركة الخاصة اللي تعبت عمري فيها .. و الحمدلله الله ما يضيع تعب اي مسلم
2. عدلت حجرتي بالطريقة اللي تعيبني لأني كل سنة كنت اتعايز و اخليها تولي
3. تعرف على ناس واااايد زينين الحمدلله... و معرفتكم في المنتدى من احلى التعارف عندي
4. التقيت بوزير من وزراء الدولة ... و سولفنا وااااايد.. و اكتشفت انه انسان جدا طيب و محترم و مش متكبر و يخدم المواطنين من قلبه
5. و كحدث لي و حق اللي في البيت رجعة اخوي الوحيد لنا بالسلامة بعد غربة طويلة و لله الحمد... و رجعة ولد اختي من رحلة علاج و الحمدلله

[عالية المقـام]

امممممم انا بالنسبة لي اهم حدث صارلي هو طلاقي .. لاتستغربون بس بالفعل ارتحت لاني بديت حياة ثانية وتعلمت اشياء وعرفت الناس كيف ... والصديقات ياحافظ عليهن من صديقات بس بالاسم !!! الحمدلله عرفت الزين من الشين ...
وان شاءالله الله يكتبلنا اللي فيه الخير

معقووله ؟!...

والله يا صدوووي من الصدمه ماعرف بشو ارد .. حتى الموضووع ماعرف ارد عليه .. :1 (54):

كنت اتوقع ان خيانة ربيعتي لي وااااااااااااااااايد كبيره .. بس يوم شفت ردج هذا بالذات ..

قلت ماعندي سالفه افتكرت فيها .. لو سوت بي جيه شو كنت بسوي ؟! ..

بصراحه صدوي انتي وااااااااااااااااايد طيبه .. وانا وايد اعزج ..

الله يوفقج في حياتج يارب .. وان شاءالله ربي يعوضج

السموحه .. انا مصدومه.....!!!

[واثقة الخطى]

عاليه المقام حيبتي لا تستعيبين ترا الانذال متروسين ف البلااد
وصدوي اله يحبها من جي فكها من اللي حطها فيه
الله يرزقها خير انشاء الله
وسبحان الله لاتنسين انه الحياة مدرسه
وانشاء الله نستفيد من التجارب

[صدى حنيني]

شو تبن تصيحني ؟؟؟

[رماسه]

فديتج صدوي يالغاليه تستاهلين الغالي وان شاءالله لج النصيب بالغالي احساسي يقول قريب

اشكرج يا بنت بوظبي عالموضوع الحلو

2005 حلو عندي ومب حلو بدايه 2006 والله يستر من هالسنه

الحلو اني تزوجت انسان يقدر الحياه الزوجيه ((( اخاف سنه ويتغير بذبحه))
والمب حلو موت اعز انسان بقلبي الوالد مكتوم الله يرحمه

ان شاءالله 2006 تكون سنت خير لكل مسلم ومسلمه أمين

[دبيّه]

أهم حدث لي عام 2005 هو وفاة وحده من أعز صديقاتي

الله يرحمها برحمته ويصبر أهلها وزوجها وعيالها فديتهم والله

بعدهم صغار بس قدر الله .