الله كريم

[um7oor]

حبايبي ،،

محد عندي غير بنات المنتدى افضض لهم ..


حبايبي ، حالتنا وايد صعبة ريلي مديون والبنك يشيل عنه نص الراتب ، واكبر الاخوان وكل شي على راسه ،، وراتبه 10 آلاف ،،وطيب واااااااااااااااااااااايد ،،،
واللى يتم يعطي حق خوانه وامه لانهم يكسرون خاطره ،،،وما يتم لنا شي ،،تخيلوا عنده بيت أجار وكله يتم صرفه على البيت ،،،

شو رايكم ؟؟اعصب عليه يكسر خاطري ، وانا ابا اشتغل ادعوا لي احصل وظيفة ..

شو أسوي انا في ها الحاله ، شو المفروض علي أسويه ، انا مرتاحه عنده وايد والحمدلله وما يرد لي طلب ، وما اطلب منه وايد ، لانه يكفي اللى فييه ...

ابا اريحه وما اباه يضايج ، شو لازم يكون دوري ...ابا نصايحكم ...

الله يفرجها عليج يا اختي وان شاء الله تحصلين وظيفة
وبخصوص الديون فديتج
حاولي ادورين له على جمعية ياخذها اول او ثاني واحد ويسدد ديونه بدل ما يدفع نص راتبه للبنك لا ويزيد الدين بسبب الفوايد دخليه جمعية على الاقل بيدفع مبلغ ثابت كل شهر ولا فيها فوايد وبس يستلم يسدد ديونه واهون انه يستمر بالجمعية ويدفع شهريا والمبلغ اللي بياخذه هو اللي بيسدده لا زيادة ولا نقصان اما البنك اذا دينه 100 الف ويا الفوايد بيسدد 150 الف واكثر
وربي يكرمكم ومأجور دامه يساعد اهله ترا رب العالمين بيبارك لكم في فلوسكم دامه واصل ارحامه والله يرزقكم من حلاله