الحسد

**سكون دبي** · 2008-01-27, 23:23

السلام عليكم ورحمة الله وبركاته

حبيت اكتب هالموضوع من القهر اللي فيني ان في ناس مسلمين ما يخافون ربهم ما يذكرون الله يوم يشوفون شي عند غيرهم ويعيبهم...

أذكر وحده من اربيعاتي يوم قلتلها قولي ما شاء الله.. جان تقول اللي يحط في باله انه بينحسد بيحسدونه وقالت انا عيني مب حارة ..

اعرف وحده كانت في كلاسي حسوده ووحده ويانا وحده معرسه تطلع من الكلية في البريك ودوم اتقوللها يا حظج وما تذكر ربها ما تدري ان هالحرمة عندها ظروف تطلع عشانها ...

فشو رايكم في الموضوع؟؟

المزيد من آخر المواضيع من نفس القسم:

**فرحة طفلة** · 2008-01-27, 23:26

الحسد وما ادراك ما الحسد...

الله يهديهم يارب...
الحسد استوى في كل شي ...لو شي بسيييييط جدا جدا...

انا مجربة وااايد ...

الله يهديهم

**...(مريّة)...** · 2008-01-27, 23:28

الحسد من أمراض القلوب ،
ومنتشر وايد الحينه بسبب
ضعف الإيمان ، الله يبعده عنا
وعن أمة محمد آمين يا رب ،

**لأجل عينه** · 2008-01-27, 23:30

عافان الله

الناس ماتعرف تذكر الله

مايعرفون لو شافوا شي عيبهم وقالو ماشاء الله

ربنا بيرزقنا مثله

لوكان صدق قلنا ماشاء الله من الخاطر

مب اللي يقولون ماشااااااااااااااااااااااااااااء الله ويشوفون بنص عين

**سكون دبي** · 2008-01-27, 23:32

فرحة طفلة
مرية

آمين يا رب

مشكورين على الردود احلوة

**رافعه خشمها** · 2008-01-27, 23:34

عليج تحصنين روحج وان صابج شي عقبها بيكون الا مكتوب عليج

والله اني مرات اتعوذ واقرا الكرسي قبل لا ادش اي مكان بس لازم يستويبي شي

الناس ماترحم

اللهم احفظنا

**غلا المحبة** · 2008-01-27, 23:34

صدقتي يا اختي

:><:

**سكون دبي** · 2008-01-27, 23:35

المشاركة الأصلية كتبت بواسطة لأجل عينه

عافان الله

الناس ماتعرف تذكر الله

مايعرفون لو شافوا شي عيبهم وقالو ماشاء الله

ربنا بيرزقنا مثله

لوكان صدق قلنا ماشاء الله من الخاطر

مب اللي يقولون ماشااااااااااااااااااااااااااااء الله ويشوفون بنص عين

يشوفون بنص عين

هي والله صدقج

مشكورة على المرور

**إبعد بعيد** · 2008-01-27, 23:36

أذكروا الله دوم ، وداوموا على الاذكار واللي بيحفظكم ان شاء الله ...

وتذكروا دوم إن ما بيصيبكم إلا ما كتبه الله لكم سواء بحسد أو غيره ...

عليكم بهالدعاء بعد " بسم الله الذي لا يضر مع اسمه شيء في الارض ولا في السماء وهو السميع العليم "

وبعدين قولولهـم في الويه .. إذكروا الله ... او اقـروا سورة الفلق بصوت عالي ... حسسوهم ..

والله يحفظنــا جميعــا من شــر الحسد

**سكون دبي** · 2008-01-27, 23:38

مشكورين خواتي ى الردود

**وحيدة زماني** · 2008-01-28, 00:22

الحســــــــــــــــــــــــــــــــــــــــــــــ ـــــــــــــــد

حبيبتي هالايام يحسدون الفقير ع موتت اليمعه ع قولتهم
صدق والله..
وانا وحده مجربه وطحت فالحسد وماقول غير الحمدلله الحمدلله

والي الله كاتبه لنا بيصيبنا..
ربج كريم اهم شي نكون محصنين اعمارنا...

**كيوت ومن** · 2008-01-28, 02:37

يقهرووووووووون والله
مايخافون يرد الحسد حقكهم او حق عيالهم

اذكر اخوي الصغير توفى بسبت العين عفاناالله

**cheeseburger** · 2008-01-28, 02:49

أنا يوم أشوف شي حلو دوم أقول ما شاء الله بس غيري لا حتى يوم تقوليلهم قولوا يسنهبلون ما يطيعون يقولون
أونه عينهم بارده
شو بيستوي يعني لو قالو ماشاء الله أنا أعطيهم في الويه و ساعات يستحون على دمهم يس غالبا لا

**المدلعة** · 2008-01-28, 02:53

الحسد موجود مانروم ننكره...وشي ناس سبحان الله لوقالو ماشالله بعد عينهم تصيب مادري شقايل
وشي ناس فيهم حقد وغيرة ومن جذه تصيب عينهم واحيانا تموت المحسود والعياذ بالله

**ام شامه** · 2008-01-28, 13:34

قل اعوذ برب الفلق من شر حاسد اذا حسد

عودوا عماركم ع كلمة ماشاءالله

ولا ما تبا اتقول اتصك حلجها وتسكت

/
\
/

^-^

الموضوع: الحسد

أدوات الموضوع

عرض

الحسد

المزيد من آخر المواضيع من نفس القسم:

المواضيع المتشابهه

الحسد

الحسد

الحسد

شو حل الحسد....

الحسد