الخدامة

[دمعة شوق]

هلا الغاليات بغيتكم تساعدوني وتخبروني وين احسن اييب خدامة اندونسية مشتغلة في جدة ولا الرياض عشان ابغيها تعرف حق الطبخ واحسن مكتب اللي مجربة واذا عندكم خيارات ثانية خبروني اتريا ردودكم

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دمعة شوق]

ويييييييييييييينكم ماحد رد علي

[دمعة شوق]

ابا ردوكم وينكم يالغاليات
اتمنى انكم ما تطنشوني

[امـ فطومـ]

نصيحه ابتعدي عن هالجنسيه راعيات اسحور ورياييل

وهاتي وحده اول مره تشتغل وعلميها على اللي انت تبينه انا يبت وحده مشتغله بس طلعت عيني لان تبا اتسوي اللي براسها ما يهمها منج...والحين بردها وبقدم على وحده يديده

[صمت الليال]

أختي أنا بقولج الشغالات نصيب إذا انتي تداومين وعندج عيال ترا صعب وايد انج اتيبين وحده يديده بتتعبين وايد وياها وهالشي حصل لي لكن اذا يالسه في البيت ولج طولة بال انج تشرحين وتعلمين ييبي يديده بس ترا اتحملي الفلبينيات المسلمات ايون ما يعرفون شي عن الدنيا أبد ، نحن بالنسبه لهم عالم غريب، اتخيلي أنا يتني وحده عفنت لي البيت ، حطت لي الدياي الني في الكبت بدل الفريزر ، والله ان البيت دود ، وكنت اتنوح الريحه ولا عارفه من وين، وايون وصخات بعد، المهم مب كل الأندونيسيات يكونون خياس ، أنا جربت 3 فلبينيات أو 4 وكلهم علل، وأندونيسيه وحده طلعت حامل من قبل ما اتي وحضرتها ما كانت تعرف، الحين اللي عندي أندونيسيه مشتغله في البحرين و تبين زينه ، بس بعد يقولج خوني ولا تأمنين، نصيحتي حطي كاميرات في بيتج عشان يكون بالج مرتاح لكل اللي يستوي أول بأول ، وبالنسبه للمكتب في واحد في عجمان بسأل أخوي شو إسمه ، يقول صاحبه مطوع ويختار الشغالات بنفسه ، وترا أندونيسيا فيها السحر في مناطق معينه ـ، انتي حصني نفسج دوم وشغلي قرآن واتوكلي على الله واقري سورة يس قبل ما تختارين أي وحده

[غيرالناس]

للرفع

[فطوم84]

انا اول مرة ايب خدامه واخترت فلبينية لانه الاندونيسيات مالهم اماان المهم هي مب مشتغله الا في بلادها وفي مطعم بس انا علمتها الشغل وكيف انا ابغي الترتيب يكون وهي تسوي والله يستر لانها توها ماكملت شهر عندي بس ان شالله اتكون جي على طووول والله اللي يسمع بلاوي الخدم يتخبل بس شو نسوي محتاجين لهم

[orphan]

بنصحج بمكتب في عجمان اسمه قرطبه وايد زين واللي اتتب اندونيسيات اسمها مريم وانتي اختاري تكون من منطقه ماجلنكا يبون يشتغلون ويخافون

[دمعة شوق]

تسلمون خواتي عالمرور وان شاء الله احصل وحدة زينة وشو تنصحوني بجنسية ثانية اييب والمهم اتعرف تطبخ لان الوالدة الله يشفيها مريضة ومحتاجين وحده زينة