دخيلكن مهم وايد وابا الرد في اقل من 7 ساعات

[كابتشينوه]

السلام عليكم ورحمة الله وبركاته



بنات بليز باجر عندي مشوار وايد مهم لدبي


وخصوصا شارع الرقة بس للاسف مااعرف الدرب عدل واخاف اضيع الطريج على الفاضي


انا بكون يايه من راك وعلى درب شارع الامارات


اذا في وحده دليل سياحي وتعرف الطريق عدل اللي يوصلني شارع الرقة بكون لها شاكرة وبدعيلها


فاذا تقدرون تساعدوني دخيلكن لا تبخلن علي



الصبح بسير بس قبلها بدخل المنتدى وبشوف الردود يمكن ادل المكان


وبعدين بستفسر بخصوص شي هل صحيح اني اذا وقفت سيارة شرطة وقلتلهم ودوني الشارع الفلاني بيودوني؟.والا؟(على كيفي هوه؟خخخخخ)

مااعرف عن مدى صحة هالمعلومة بس اخوي قالي عنها مادري عاد صدق والا مسولي مغلب

والسموحة منكن

المزيد من آخر المواضيع من نفس القسم:

• ممكن مساعدة عن تبيض
• أحتــاج معلمة في بوظبي
• خادمة للتنازل
• محتاجة خادمة اندونيسية بسعر رخيص
• لمن يبحث عن معلمة متميزة في اللغة العربية...
• ساعدوني لوجه الله ارجوكم
• أنا ارمله احتاج شغل
• بنات تجربتي في عمليات التجميل مع الدكتورة...
• رجاءا من تعرف راقي شرعي
• مساعدة جمعيات و مؤسسات خيرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عاشقة نوني]

حبيبتي الشرطه ماظنتي يوصلون لانه مايخصهم الا لو مضيعه يمكن اما انه تقوليلهم والله وصلوني ماظن ...

المهم لو فخاطرج فمكان تبين تروحينه تاكسي فاضي اساليه وبيوصلج ب 5 او 10 دراهم ... طبعا قولييله وصلني امش جدام وانا ورى ويوم بنوصل بعطيك مثلا 10 وجي نفسي انا واختي يوم نضيع هههههههههه

[كابتشينوه]

عاشقة نوني <<<<<<<تسلمين غناتي يزاج الله خير عالرد


شكلي بسوي جذي اذا مالقيت حل ثاني


اتريا ردودكن بنات

[miss_rak]

للاسف المرشد السياحي زوجي مش موجود والا جان دليتج بالضبط ...

ماعليج الا انج توقفين تاكسي وتقوليله يوصلج... طبعا البخشيش اول خخخخخخخخخخخ,,,


درب االسلامه يارب..

[ميثاء من دبي]

الله يعينج دبي مجلوبه فوق تحت لووول زين بخبرج كيف!!

يوم بتوصلين عند الجسر لي مكتوب القصيص والمزهر .. اركبي الجسر وانزلي ع الشارع لي بيظهرج على لقصيص
كملي سيده بييج تقاطع والشارع بتشوفينه خربان بيوديج كله سيده..المهم طوفي التقاطع الاول ..وبيج تقاطع ثاني خذي يمين لانه جدام صوب الملا بلاز مكسرين الشوارع!!

المهم بعد ما تاخذين يمين بييج تقاطع خذي المخرج يمين >> هالتقاطع مجابل مبنى المطار ..المنطقه الحره..
المهم كملي سيده الين ما توصلين عند القياده العامه بيكون على يمينج بس انا هب متأكده اذا الشارع بيظهرج سيده ولا لأ اذا ظهرج .. بتشوفين تقاطعين اليسار بيوديج سيده على مركز بوهيل واليمين بيظهرج على شارع الرقه!
خذي اليمين وكملي سيده بتشوفين بعد مكتبة دبي للتوزيع عوده وسناء ع يمينج
المهم طوفي بتيج اشاره واشارتين وانتي وصلتي الرقه ^.^ اتراه قبل دوار الساعه



ان شاء الله فهمتي لانه شوارع دبي مجلوبه فوق تحت ومن كل صوب بتصطكين في الزحمه!!










وبعدين عادي لو وقفتي الشرطه محد بيقولج شي لووول

[ميثاء من دبي]

وذكرت لج درب اسهل

جسر لقصيص والمزهر طوفيه بس كله تمي ع خط ليمين عشان ما اضيعين ويطوفج شي!! المهم بيج جسر ثاني فيه مخرج ع الراشديه
خذي المخرج بيظهرج ع تقاطع ..ويسار التقاطع سنتر بن سوقات ويمين التقاطع مبنى المطار
المهم طوفي التقاطع وكملي كله سيده ..خلاف بيج تقاطع ثاني ع يسارج بتشوفين بعد المطار ومكتوب مدخل خاص ..بعد طوفيه وكملي سيده وبتيج على طول اشاره بعد طوفيها سيده
لين ما توصلين عند مطار دبي بتشوفين المبنى 1 و 2 طوفيهم كلهم سيده خلاف بتلقين مثل جسر صغير ع شكل منحنى بس للركوب وخط هالجسر المهم طوفيه انتي ..بعد ما اطوفينه بتشوفين تقاطع كبير ع يمينج مبنى دناتا وفي ويهج سيده دوار الساعه
بعد ماطوفين التقاطع ..خذي يمين الدوار
و وصلتي الرقه
^.^

[كابتشينوه]

miss rak وميثاء من دبي


مشكورات غناتي عالرد


انا ريحت بالي وماسرت بروحي<<ادري اني بخبص هناك


قلت لابويه يوديني وخلصت شغلي في ساعة وحليله اترياني لين ماخلصت ورجعنا قبل الغدا


والسموحة

[فساتيني]

لو كنت أعرف جان قتلج

ان شاء الله بنات دبي مابيقصرن

واذا ماحصلتي

زخيلج اي تاكسي,,,,,وريييس وراه خخ

الله يحفظج