اريد رايكم ...

[يتيمة ابوي]

السلام عليكم ...

بنات ربيعتي محتاره وحبيت اشوف ارائكم واخبرها ..


تقول ربيعتها يايبه لها خطيب وتمدحه بس المشكله تباها اونه تكلمه عشان يشوف اسلوبها وعقب بيه يخطبها

انا بصراحه ما شجعتها قلت لها شو هالاسلوب ايه على طول يخطبها من اهلها ..

وهي الحين محتاره ترمسه ولا تطبه ...

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دكدك]

حبيبتي أنا من رايي إن ايي يخطبها .. و يشوفها شوفه شرعيه و يتكلم وياها بعلم أهلها

[احلى ما فيني]

وعليج السلام ورحمة الله وبركاته :

الله يهديج بس غناتي اللي تبى اتسويه حرااااااام ويايجوز ... ليج وشو فايدة فترة الملجه ؟؟؟؟

وشو ضمنها انه جاد ؟؟؟

ااذا يبى يتعرف اكثر ياخذ العنوان ويتقدم رسمي وحلاته الموضوع لو كان حلال لا اثم ولا حد بيحاسبها ..

والسموحه جان كلامي ثجيل عليج ..

[شوخ ام بطي]

السلام عليكم ورحمة الله وبركاتة

ننصيحتي لا ضيع عمرها وترمسه ،،، أكبر غلط ...
الحمدلله هي مستورة بيت أهلها ،، ويها من الباب أحسن ..
والله مايندرابة شو يبا ... تتحذر من هالسوالف ... وترفض رفضا قاطع لا نقاش فيه ... والله بترتاح وإن الريل روح من ايدها الله بيعوضها بلي أخير عنه وتترك هالشي لرضى ربها بيبدلها ربها بخير ^^
وموفقة انشاء الله

[الوااافيه]

ههههههههه عجيب ها ,,

قولي لها لاترمسه ولاربي قال ومثل ماقالت اختي ييلس عندها مع محرم ويكلمها -يعني ايي بيتهم ,,,

[الدنيا ماتسوى]

بعد الشباب عليهم عجايب يرمسها عقب يخطبها!!!!!!!!!!!!


وشو ضمنها لارمسها انه راح يخطبها؟؟
وهل هي متاكده انه ربيعتها صادقه فكلامها ولا اساسا لعبه يتحجج فيها بعض البشر>>>>السموحه تراه فهالزمن لاتثقين في اقرب الناس لج


بعدين البنت الله يهداها المفروض تفكر بعقل شوي كيف (ارمسه عقب بيخطبني) اساسا ماتدخل المخ
وقبل كل هذا قوليلها فديتج باختصار ماييوز اترمسه لنه شاب غريب عنها واتقول حق اربيعتها بالحرف الواحد
يبا يخطبني يتفضل بيت اهلي يبا يعرف عني اكثر في شي اسمه ملجه كل واحد يعرف شخصيه الثاني


والسموحه على الاطالة

[يتيمة ابوي]

شكرااا خواتي ع الرد ...

انااستغربت من هالطلب وليش يعني ما يجي عادي يخطبها وبيشوفها ويا محرم

قالت اونه يبا يكلمها على الاقل يشوف طريقه كلامها واذا عيباه اسلوبها بيخطبها

وانا بصراحه ما اشجعها قلت لها تطبه

[الغزالة]

لا لا الأفضل ما تكلمه .. يمكن هذا يبا يختبرها ..
و بعدين ما فيه شخص يعرف اسلوب الشخص الثاني من أول مرة !

[رافعه خشمها]

السلام عليكم ...

بنات ربيعتي محتاره وحبيت اشوف ارائكم واخبرها ..


تقول ربيعتها يايبه لها خطيب وتمدحه بس المشكله تباها اونه تكلمه عشان يشوف اسلوبها وعقب بيه يخطبها

انا بصراحه ما شجعتها قلت لها شو هالاسلوب ايه على طول يخطبها من اهلها ..

وهي الحين محتاره ترمسه ولا تطبه ...

^_^

نفس القصه سبحان الله

مريت فيها ومن تجربه

قوليلها لاتخوض فيها ..... وش يضمنها ماتموت بلحظتها وهي ترمسه بالتلفون

وتموت كذي معصيه ....... وانما الأعمال بالخواتيم .

ومب حرام عليها اتخون أبوها وأمها وتنزل راسهم في الأرض وتكلم واحد من

الشباب

بما اني مريت بهالتجربه صدقيني ومن اخت لاخت لاتظنين الشي الي يبدأ

معصيه الله بيبارك فيه

ولو هالانسان تحت مسمى المعرس كان سوى مثل مايسوونه الرياييل

انه ايي من الباب مب من ورى اهل البنت كلهم ويرمسها بالتلفون

وبعدين قوليلها كيف تسمح لنفسها ترمسه

انتي مب حاية ترمسين احد وتخبرينه انتي شو وشو فيج ومافيج

والتعرف يكون جدام الاهل وبوجود محرم

والبنت هذي لو فيها خير وتخاف ربها ماكان دلتها على هالطريق

صدقيني من واقع تجربتي الي طحت فيها ان هالنوع من الشباب

يتسلى بس يبي يتسلى فيها بمسمى طلب الزواج وبيقولها خلينا نتعرف

ع بعض اكثر وافهمج وتفهميني ونتفق بكل شي وبتمر السنين ولا بيتقدم




وذكريها ان اهلها الي تعبو فيها وربوها مايستاهلون انها تخونهم

وش تسوى هالتعارف وانتي تخونين اهلج

وخلها تحطها ببالها زين

لو شاريها ويباها كان جاها للبيت هو واهله وحتى لو كان معدوم وييتيم بيي

أما انه اييها من ورا اهلها كلهم ويرمسها تلفون ويسوي شي مايرضاه ع

خواته سمحيلي هو مب خسران شي لانه بالنهايه ريال اما هي بتنزل راس

ابوها واهلها كلهم ......


والسموحه

[وحيدة زماني]

لالالا
انا بعتبرها اختي(هيه طبعا اختي فالاسلام))بس بليييز لاتخلينها تطيح فالحرام..اصلا عادي عند الريال يقول انتي رمستيني وماصدقتي حد يخطبج وبتستوي بلااوي صدقيني
احسن شي ايي لباااب بيتهم يخطبها شرعا ويطلب من اهلها يشوفها النظره الشرعيه عاااااادي يشوفها اكثر عن مره (بوجود المحرم))ويعرف اسلوبها..وين عايش هالريال صح البنات اختربن بس هب كلهن هب كلهــــن وخليها تخبر ربيعتها اذا هيه ترضى ع نفسها او هو يرضى ع خواته بنفس الاسلوب......

[الوتر24]

لا تفكر اتكلمة ابدا لين مايخطبها رسمى وادايبى يعرف عنها معلومات ربيعتها بتخبرة مايحتاح ترمسة واصلا يوم بيعرف انها محافظة على نفسها بيتمسك فيها اكثر ويمكن هدا مقلب قبل مايخطبها عشان يشوف ادا بتكلمة اولا ماعليش الرياييييييل خبيثين وايد واخدى الحدر

[أحلى غراام]

لا تكلمه

يبى يتعرف عليهاا يخطب وعقب يملجون وبعديين بتقدر تكلمه أما في هالحاله لا

[رحلة امل]

حبيبتي أنا من رايي إن ايي يخطبها .. و يشوفها شوفه شرعيه و يتكلم وياها بعلم أهلها

[أنين الحزن]

لا تكلمه ولا يحزنون ...........هذي كلها مداخل الشيطان ...ولو كلمته شو ضمنها بنواياه ..."إذا أصلاً افترضنا إنه ناوي يخطبها"
وشووووووووووووو بلاه الحلال في هالزمان..؟؟؟يدق باب أهلها يخطبها ..ويشوفها شرعي بوجود محرم ..
وإذا ما عيبته ..كلٍ في دربه ، وعلى قولة المثل " يا دار ما دخلك شر" والله ما كتب نصيب ..
ولا تكلمه وباكر يقص عليها ويسويلها من هالبلاوي اللي نقراها في كل مكان...
الله يسترها ويحفظها ، قوليلها هي جوهرة مصونة في بيت أهلها ، يباها يسعالها ,,,ولا يقبظله مذهب ، ويقبظ الدرب وياه..
الله يرزقها باللي يحافظ عليها ويعزها...

[نور حياتي]

خبريها ما تكلمه موووووووووووووووووووووووووووووووووووووووووول
هاي اكبر غلطة لو سوتها

وخلى يخطبها رسميا

وخلى تكلمه يدام ااهلها مب عيب ...............