اذا ما ساعدتوني بنتحر

**نبضة قلب** · 2006-01-04, 13:37

اهلين
انا يابنات اعاني من زياده الوزن وجربت رجيم خلاني اخس باليوم كيلو وكنت ارضع
وبعد مرور سنه رجع وزني بزياده مما تعبني نفسيا وخلال هالفتره كنت امتن واخاول انقص كم كيلو وينجح الموضوع وحاليا الوزن مو براضي يتحرك للاسفل يرتفع بس :1 (3):
الين ما صار الرجيم ما ينفع ولا ينقص
حالـــــــــــــــــــــــــــــيا ما ابغي نظام غذائي مول ولا تيبون طاريه حد يعرف ادويه مظمونه 100% يقول غير جذيه مع السلامه:1 (50):
بروح انتحر؟؟؟؟:12 (38): :12 (44):

المزيد من آخر المواضيع من نفس القسم:

***أم اسمـــا*** · 2006-01-04, 14:25

أختي نبضة.. مافيه أدويه مضمونه
وكلها لها آثار جانبيه لا تعد ولا تحصى..وان ماطلعت الحينه بتطلع باجر
وبتستوي المشكلة هنتين مب وحده فتحملي على صحتج..

**بنت بوظبي** · 2006-01-04, 14:29

شو تنحرين اتعوذي من الشيطان ليش تبين تدخلين النار
ليش ماتسيرين عند اخصائية تغذيه اتسويلج نظام عذائي وتحاليل وتعرف شو الاشياء اللي ماتناسبج وتمتنج عسب تتجنبينها لانه الرجيم العشوائي ماينفع

**أم الـغـالـي** · 2006-01-04, 17:27

[14]شو صدقتووها ؟ لول[/14]

ما بتنتحر لأنها تخاف ربها

بالنسبه للرجيم اللي يخفف سرعه ما ينفع رجيم طويل الامد اوكي

**درة الإمارات** · 2006-01-04, 23:11

أقولج إنتحري خخخخخخخخخ لا تصدقين وتسوينها
عندي حل شورايج تعطيني كم كيلو أنا عكسج تماما حاولت أمتن بكل الطرق ما قدرت
الله يعين ويضعفج ويمتني يارب
دعواتي لج بالرشاقة والصحة

**نواري** · 2006-01-04, 23:48

حاولي تآكلين ربع الكمية واشربي ماء واااااااايد وخاصة قبل الوجبات وامشي الحين الجو وايد حلو خاصة س 9 صباحا واخذي فيتامينات وعقبالي أنا مبش أحسن منج

**نبضة قلب** · 2006-01-05, 00:38

خلاص ما بنتحلر بس ****
بموت عمري من اليوع بسوي رجيم الحليب والتمر بعد العيد وان شاء الله يفيد
قولو آمين
بنات ادعولي انحف ...ادعوا الله يثبتني على الرجيم ويثبت وزني ما يزيد
بنات ما اتغشمر ياست من وزني ونفسيتي تعبت
الانتحار كان مزحه ؟؟اتمنى ان محد اضايق منها

**درة العين** · 2006-01-06, 02:59

حبيبتي نبضة قلب حبيت انصحج باللي اعرفه و من خلال تجاربي القبلانيه
و لو انها متاخره بس ان شاء الله يستفيد منها اليميع,,,,,,

اول شي اي ريجيم بدون الرياضة ما ينفع و لو نفع ما يدوم و يمكن بعد يشوه شكل جسمج بدال ما يعدله و يخليه مترهل .... و النقطه المهمة فنزول الجسم بعد كمية السوائل و طبعا احسن شي الماي لاته بدون سعرات حرارية..

و اذا بنلخص النقاط لنزول الوزن :
1- الرياضة بما لا يقل عن نص ساعة يوميا..
2- شرب الماء بكثره قبل ساعه من الاكل تقريبا..
3- التقيد بالوجبات الثلاث و تخفيف و جبة العشاء قدر الامكان مع الامتناع عن الاكل بعد الساعه الثامنة..
4- الاكثار من اكل الخضروات و خاصة الورقية منها..

و طبعا فيه أشياء مهمه غير هالاشياء بس حبيت اركز عالمهم..و ان شاء الله الاستفادة تعم اليميع.

**إخصائية تغذية** · 2006-01-07, 20:41

أختي العزيزة
سبب عدم قدرتك على انقاص وزنك لانه قد اتبعت نظام خاطئ او نظام كميائي خاطئ

اكبر غلط من الناس انهم يشوفون اي حمية تمر عليهم يتبعونها بدون ما يتاكدون انه صحيحة ولا لا

بالنسبة للادوية انا ما انصح فيها بتاتا
حتى اللي يراجعوني للعيادة ما انصحها الا للاشخاص اللي وصولوا سمنتهم للدرجة الثالة
لما قد يحدث من اعراض جانبية
يمكن تردين علي وتقولين وايدين اعرفهم اخذوها وما صار فيهم شي
بقولج في ناس ما تظهر عندهم الاعراض بسرعة وفي ناس تظهر بسرعة وفي ناس ما تظهر عندهم مولية
جسم البشر يختلف عن البعض

حاولي اختي العزيزة تغير نمط حياتج وتغير عاداتج الغذائية بما فيه الاكل وطريقة الاعداد والاوقات
اكتشفي وين الخلل في عاداتج الغاذائية
مارسي الرياضة يوميا

وتحياتي للجميع

**صدى حنيني** · 2006-01-07, 23:32

الله يعينج الغالية بس اهم شيء انج ماتنتحرين ..

**العيناوية** · 2006-01-08, 13:11

ماشاء الله البنات كفن و وفن

اختي في أشياء ما تمتن وايد مثل : الخس و الخيار و العصاير الطازجة و الفواكه و ابتعدي عن النشويات أو كل نسبة بسيطة منها *_*

**واثقة الخطى** · 2006-01-14, 01:22

لاتتنحرين
البنات ما قصرن

**شيخة بوظبي** · 2006-03-05, 16:17

[05]الحمد لله بعدنــــــــي ماعرست عسب اعاني من هالسوالف ^_^[/05]

**نبضة قلب** · 2006-03-06, 16:08

المشكله الحين اني حاملواخاف اوصل لوزن فظيع واناوااايد احاتي هالشي
يعني الحين77 كيلو والحمل يزيد الوزن بحدود 12كيلو وانا طولي 158شو بيكونشكلي
يونيه عيش وتمشي الله كريم الحمدلله الذي لايحمد على مكروه سواه

**شيما** · 2006-10-18, 01:26

السمووووووووووووووحة

الموضوع: اذا ما ساعدتوني بنتحر

أدوات الموضوع

عرض

اذا ما ساعدتوني بنتحر

المزيد من آخر المواضيع من نفس القسم:

خلاص بسمع الكلام

رد : اذا ما ساعدتوني بنتحر

المواضيع المتشابهه

ليش ما ساعدتوني

إذا ما ساعدتوني بزعل

شكرا اذا ساعدتوني ..!!

لو ما ساعدتوني بفجر عليكم المنتدى

ساعدتوني فبقولكم شواللي صار (خاص لبنات الفجيره)