افيدوني ارجوكم

[أم فارس]

مرحبا خواتي ... بغيت اعرف شو يعني البويضات صغيرة ؟ يعني مافي حمل واحسن دكتورة في الشارجة غير جوان لانها قالت تبغي تسويلي تلقيح صناعي ما عطتني فرصه كله ماعندها وقت وتحاليلي كلها زينه حتي الاشعه الزيتيه الي سويتها بعد طلعت النتيجه زينه ولين الحين ماشي حمل . والله تعبت .

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام حمني و طمطم]

اختي اللي اعرفه ان البويضه لازم توصل لحجم معين عشان تكون جاهزه للتلقيح

واتوقع ان في مثل هالحاله ما يسوون تلقيح اصطناعي اظن يعطون حبوب او ابره عشان يخلون البويضه توصل للحجم المطلوب

انا اعرف دكتوره في دبي اسمها د. ماريا في حمر عين ( عياده د. ميسون ) انا اراجع عندها واشوف وايد ناس يتعالجون عندها

الله يرزقك و يرزق كل محرومه

يااااارب

[um_saif]

اذا كانت البويضات صغيرة يعطونج الحبوب أو الابر التحفيزية من ثاني يوم الدورة ولمدة 5 أيام،، عقب اسبوع تكبر بويضتج فوق ال 18 و ال19 م ل،، عقبها يعطونج الابرة التفجيرية ويقولونلج بعد 24 ساعة لازم يصير الجماع يومين ورا بعض وما اتنشين من مكانج عقب الجماع إلا عقب ساعة أو ساعتين عالأقل،، ما يباله تلقيح صناعي مدام انتي وريلج ما فيكم شي،،
ونصيحتي لا تتعالجين عند جوان مراد لانها مادية وما اتراعي لا ضروفج ولا مشاعرج،، سري مركز دبي للإخصاب انشالله بيفيدونج..

[um_saif]

دكتور عبدالله في مركز يشفين الطبي في جميرا وايد أوكي،، انسان مدين ودايما ينصحج بالقرآن وواااايد حريم يتعالجون عنده

[أم فارس]

مشكوره الغاليه . بس انا جوان ماحبيتها فيني قهر منها ماسوتلي الي قلتيه علي طول تلقيح صناعي

[..>روح غاليها<..]

روحي لاوراس.. اللي في الشارجه
ونصيحه مني.. لا تاخذين ادويه ولا شي لان الادويه تاثيرها مب زين ..
اشربي عصير اناناس لين اليوم 17 من الدوره..,,
والصبح ع الريج كلي لج عسل طبيعي..
وان شاءالله بتكبر البويضه..,,
هذا والله اعلم..,,
واذا بغيتي دكتوره في الشارجه عندج اوراس..,,
انا كنت اسير لها..,,
بس علاجها ع السريع .. بس اهيا اوكي

[بنت المها]

توكلي على الله

انا في حملي الثاني رحت لدكتورة معروفة وزينه ( د. ماري اللي تشتغل الحين في مستشفى لايف لاين في بوظبي) رحتلها شهر تسعة 2005 وضربتني ابر لمدة 8 أيام علشان البويضات تكبر وححدت لي أيام معينة للجماع مثل ما قالت الأخت أم سيف
بس ربج ما ارد الحمل ولما يتني الدورة رحتلها واستغربت ان البويضات كلها نزلت .. بس ربج رايد اتم بويضة وحدة مقاسها 16 او 18 ونصحتني بالتلقيح الصناعي وطلبت تأجيل الموضوع لين ما يخلص عرس اختي في شهر مارس 2006 وزوجي مب حاب الفكرة نهايئا

زسبحان الله حملت شهر أكتوبر 2005 على طول يعني هالبويضة اللي تمت هي اللي تلقحت من غير صناعي ولا يحزنون

بس النفسية في شهر اكتوبر كانت اوكيه ولله الحمد وما كنت افكر في السالفة وايد لأني كنت ناوية اأجل الحمل لين ما يخلص عرس أختي

توكلي على ربج وروحي الدكاترة اللي قالوا عنهن البنات والله يرزقج

[* أم أحمد]

الغالية سيري مستشفى إراني هم بيخبرونج إذا تبين تلقيح صناعي ولا لا وهناك تكاترتهم وايد زينات