محتاره

[نونتي]

السلام عليكم,,,
انا مابطول عليكم بختصر الموضوع انا الصرحه متزوجه والحين بكمل سنه من زواجي وانا حامل والحين فالشهر السابع وانا وايد احب ريلي والحمدالله مرتاحه معاه وهو مايقصر عليه في شي وعلى فكره انا خذت ريلي عن حب بس مشكلتي انه قبل لا اخذ ريلي صارت سالفه انه كان يكلم وحده قبلي وبعد ماكلمني وتم ويايه سافر سفره والبنت كانت وياه وسبحان الله اكتشفت الموضوع البنت خذت رقمي من موبايله واتصلت فيه وحاولت انهي علاقتي فيه بس هو كان متمسك فيه وحاول انه مايخسرني وعترف بغلطه بس المشكله فيه اني مب قادره انسى هالجرح وكل فتره اتذكر هالشي واسال نفسي كان يحبها مثل مايحبني بس بعدها اقنع روحي انه ماكان يحبها,
المهم صارلي كم يوم احلم احلام انه يخوني وانش من الرقاد واكون مضايقه من الحلم بس انا ماشك فيه الحمدالله مافي شي يخليني اشك فيه بس خايفه هالبنت تدخل في حياتنا مره ثانيه وهي على فكره جريئة كم مره سارت بيتهم يوم كانت تضارب وياه وريلي ماغير رقمه وهيه تعرف رقمه حجته انه كل ربعه مايقدر يغير رقمه وفي كل مناسبه اخلي ايدي على قلبي اقول اكيد بطرشله مسج وانتو تدرون انه الشيطان شاطر يمكن يحن لها في يوم من الايام ويكلمها شو اسوي عطوني نصيحه انا صدق تعبانه من هالشي.

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[رافينا]

والله يا اختي انتي توكلي على الله ولاتقصرين معاه بشيء ووفري له كل الاشياء الي يحبها

عشان ما يحس بالنقص ويكون متشبع ومرتاح من كل النواحي معاج واذا كنتي واثقه فيه خلاص خليج واثقه

ولاتهتمين بهالوساوس بس مع الحرص مطلوب

وانتي لاتقصرين ولاتشكين وتدمرين حياتج بمجرد شكوك

ولو خانج هو الي بيخسر وانتي بعد حسسيه انج واثقه عشان يحس بتانيب الضمير لو خانج

والله يبعده عنها

[نونتي]

آمين يارب مشكوره حبيبتي على ردج الصراحه ريحني والحمدالله انه مب مقصره فيه اعطيه عمري كله

[بنت.العوضي]

يوم هو تمسك فيج من البداية لا تخسرينه ترى وايد صعبة عالريايل انهم يتركون شخص بحد ذاته كان يعنيلهم شي لكن انتي وشطارتج الغالية تقدرين تخلينه ينساها ..

كثري من الاستغفار واقري سورة البقرة وربي يسهل امورج يارب ..

[elmoon]

الله يوفقكم ان شاء الله ويسعدكم

[هوتميل]

فديتج دام انه متمسك فيج لا تخافين بس المهم انتي لا تقصري وياه بشئ واملي عينه من كل النواحي
وهالاحلام اتييج لانج شاغله تفكيرج بهالموضوع يعني عاادي حبوبه لا اضيجين بعمرج ولا شي ولا تنسين انج حامل وتحتاجين للراحه ^_^

[الثور76]

غناتيه انتي حلاله مابيفكر يروح للحرام .!! وانسي هالاشياء الشيطان يبا يخرب بين علاقتكم واستغفري ولاتقصرين وياه بشى وشبعي عينه داخل البيت وماعليج ..

[راعية الشوق]

لا تقصري عليه بشيء

وحاولي وياه انه يغير رقمه
واذا حجته انه ربعه كلهم يعرفون الجديم عادي الغلا
يطرش لكل ربعه مسج ويقولهم هذا رقمي اليديد او يتصل فيهم وين المشكله

واذا على الاحلام مثل ما قالت الاخت من كثر تفكيرج بهالشيء

انتي كثري من الدعاء والاستغفار

والله ان شاء الله بيحفظه لج

[نور حياتي]

والله يا اختي انتي توكلي على الله ولاتقصرين معاه بشيء ووفري له كل الاشياء الي يحبها

عشان ما يحس بالنقص ويكون متشبع ومرتاح من كل النواحي معاج واذا كنتي واثقه فيه خلاص خليج واثقه

ولاتهتمين بهالوساوس بس مع الحرص مطلوب

وانتي لاتقصرين ولاتشكين وتدمرين حياتج بمجرد شكوك

ولو خانج هو الي بيخسر وانتي بعد حسسيه انج واثقه عشان يحس بتانيب الضمير لو خانج

والله يبعده عنها

[نونتي]

اشكر كل الي رد على موضوعي وانشالله يكون وسواس مثل ماقلتوا
تسلمون وجزاكم الله الف خير