المتزوجات (دخلي وخبرينا عن ملابس الداخليه) للحفاظ على صحه المنطقه الحساسه

**فراشه البنفسج** · 2008-01-21, 23:55

بسم الله الرحمن الرحيم

شحالكن خواتي عساكن بخير؟

بنات حبيت اني افتح هذا الموضوع عشان نستفيد من بعض وهذا الموضوع يشمل كل الحريم الحامل وغير الحامل

بنات موضوعي يتكلم عن (الملابس الداخليه <الهاف> الله يعزكم)

يعني كل وحده تكتب نوعيته ومن وين تشتريه وشو أكثر شي تحسه اوكي يخلي المنطقه جافه

وكم مره تبدله فاليوم؟
وكم وحده يوم تقعد في البيت ما تلبس شي عشان تهوي المنطقه ؟
وكل كم تغيره ملابسها يعني تعق القدام وتشتري اليداد؟(لاني سمعت انه مب زين الوحده تستعمل الهاف اكثر عن سنه

وكل وحده تخبرنا بعد ماتخلص من المرحاض (الله يعزكم ) بشوه تتنشف يعني اعرف حريم يتنشفن بالمناشف انا الصراحه اتنشف بالكلينكس ماعرف بالمناشف اخاف يتجمع فيها وصخ او شي يعني الي تستخدم مناشف تخبرنا اذا هالشي اوكي ولا لا؟

وبعد شو نوعيه الفوط الصحيه اليوميه الي تستخدمنها وشو الي تحسستن منها وشو الي تحسنه مب اوكي ؟

بعد كل وحده تتكلم عن غسول المنطقه الي تستخدمه؟ انا سمعت انه في انواع ما تنفع الي تبا تحمل لانها تقتل الحيوانات المنويه

وبس الله يسلمكن عشان نستفيد من بعض
وأتمنى التفاعل ما اعتقد اني في وحده بتدخل ما تستخدم شي من الي في الموضوع لووووووووووول

المزيد من آخر المواضيع من نفس القسم:

**فراشه البنفسج** · 2008-01-22, 00:04

يالله بما اني انا نزلت الموضوع انا ببدأ

انا اشتري ملابسي الداخليه الي اقصدبها الي البسها طوال اليوم يعني مب مالات قمصان النوم تكون قطن ميه بالميه
جرب كذا ماركه (سلوقي+ من عند نعومي+ لاسنزا+من عند الصينيات في المعارض+كارفور الي اين في بلستيكه )

اكثر شي عجبني مال نعومي وسلوقي بس حابه اغير بشوف شو ردود البنات وشو يمدحن

ابدله في اليوم تقريباً مرتين
مرات فليل اقعد بدون شي ومرات ارقد بدون شي (الفشله الصبح)لووول

انا اكنت اعق الهاف اذا تقطع او اخترب بس الحين ان شاء الله خلاص ماعاد بخلي الهاف اكثر من ست شهور عندي

انا بعد المرحاض اتنشف بالكلينكس الله يعزكم
واستخدمت كذا غسول ثنينه ناسيه اساميهم وسيتيال (بس سمعت انه يقتل الحيوانات المنويه وانا حرمه ابا احمل) وتركته واستخدمت سيبا ميد احسه اوكي

وبس واتريا ردودكن يالغاليات

**فراشه البنفسج** · 2008-01-22, 03:28

معقوله مافي ولا رد

احسه موضوع مهم نحتاج انا نتكلم فيه

**Farouha** · 2008-01-22, 09:23

و انا راح ارد و اقول

انا اشتري الباكيت اللي عند دابنهامز يجي فيها 5 حبات قطن

يعني كل ما امر عند دابنهامز اخد لي حبة و حبتين

اغيرهم كل 3 اشهر ارمي القدام و اخلي الجداد لانه اصلا مع كثرت الغسيل ما يصير فيهم اي منفعة

و استخدم ستيال للتنظيف و كاريفري العادي للايام العادية ينباع في كارفور و لا في اي مكان و اغيره كل ساعة او ساعتين و الهاف اغيره 3 مرات في اليوم

و استخدام الكلينكس بعد التنظيف طبعاا انظف و اسهل ومتوفر 24 ساعة حتى يوم اطلع كل هالاغراض تكون معاي في الشنطة للضروريات

اتمنى اكون جاوبت على اسئلتك

**أم سعيد 15** · 2008-01-22, 23:58

الملابس الداخلية من ( نعومي )
أغير في اليوم مرتين أو ثلاث ( والليل أتهوى أشوي )
كلينكس أحسن
أحسن فوطة صحية فام
أنا استخدم غسول داخلي وخارجي ( الداخلي يقتل الحيوانات المنوية)

**Traneem** · 2008-01-23, 04:07

الملابس الداخليه من مذكركير و دبنهامز القطن!
ابدلهن في اليوم مرتين، و بالليل اتهوا مع استخدام فوط كوتيكس اليوميه!
اغيرهن كل 3 شهور او اقل، لأني دوم اشتري، اعق الجدام و افج اليديد!
الفوط الصحيه استخدم كوتيكس الترا الاسود لأول ايام الدوره بالليل، و اول اسبوع من النفاس، و فوط فام الترا للأيام الباجيه!
الفوط اللي سوت لي حساسيه اولويز سواء العادي او الترا، و الدكتورة نصحتني اني ما استخدمه لأنه يسوي التهابات!
الغسول فاجيسيل، مرة باليوم لأن ممكن يسبب جفاف بالمنطقه!
و اتنشف بالكلينيكس عادي!!
و سلامتج و سلامة الحاضرين! هههه

**فراشه البنفسج** · 2008-01-23, 05:27

مشكورات خواتي والله استفدت منكن معلومات بجرب دبن هامز ومذركير بشوفهم لاني ما قد جربتهم

**sweet nona** · 2008-01-23, 23:14

الملابس الداخليه من مارك اند سبنسر قطن 100%!
ابدلهن في اليوم مرتين، !
اغيرهن كل 3 شهور
الفوط الصحيه استخدم كوتيكس الترا الاسود ...
الغسول من ماركة ايفون وايد زين و ريحته حلوة وايد مرة باليوم
و اتنشف بالكلينيكس عادي!!
و في الايام العادية استخدم كيرفيري بريحته المنعشة

**M.F** · 2008-01-24, 00:00

يعني كل وحده تكتب نوعيته ومن وين تشتريه وشو أكثر شي تحسه اوكي يخلي المنطقه جافه

ممم انا اشتريهن من كارفور بس ها قبل لأنهن بسرعه يتقطعن وسواء الدانتيل او نفسه هو
قمت واشتريت من عند مارك وسبنسر وااايد مريحات طبعا قطن ارتحت واايد فيهن

وكم مره تبدله فاليوم؟
بالعاااده مرتين ونادرا ثلاث مرات

وكم وحده يوم تقعد في البيت ما تلبس شي عشان تهوي المنطقه ؟
وييه لا استحي ما اتم بولاشي لازم اكون لابسه//الهاف//احم احم واعق الصروال //استرج عادي

وكل كم تغيره ملابسها يعني تعق القدام وتشتري اليداد؟(لاني سمعت انه مب زين الوحده تستعمل الهاف اكثر عن سنه
انا اعقهن اذا مرت فترة طويله مثل 4 او 5 شهور وعلى طول اشتري يداد

وكل وحده تخبرنا بعد ماتخلص من المرحاض (الله يعزكم ) بشوه تتنشف يعني اعرف حريم يتنشفن بالمناشف انا الصراحه اتنشف بالكلينكس ماعرف بالمناشف اخاف يتجمع فيها وصخ او شي يعني الي تستخدم مناشف تخبرنا اذا هالشي اوكي ولا لا؟
انا اتنشف بالكلينكس وايد انظف واضمن

وبعد شو نوعيه الفوط الصحيه اليوميه الي تستخدمنها وشو الي تحسستن منها وشو الي تحسنه مب اوكي ؟
كيرفري اليومي
برفايت الاخضر
اما الاولوز اتحسس منه

بعد كل وحده تتكلم عن غسول المنطقه الي تستخدمه؟ انا سمعت انه في انواع ما تنفع الي تبا تحمل لانها تقتل الحيوانات المنويه
كنت استخدم واحد قالت لي عنه الدكتورة بس ودرته لأنها قالت استخدمه ف الاسبوع مرة

وبس

مشكورة على الموضوع

الموضوع: المتزوجات (دخلي وخبرينا عن ملابس الداخليه) للحفاظ على صحه المنطقه الحساسه

أدوات الموضوع

عرض

المتزوجات (دخلي وخبرينا عن ملابس الداخليه) للحفاظ على صحه المنطقه الحساسه

المزيد من آخر المواضيع من نفس القسم:

المواضيع المتشابهه

المنطقه الحساسه

المنطقه الحساسه

المنطقه الحساسه

شو تعني لج دموع الرجل؟؟ دخلي وخبرينا

طريقتي للحفاظ على المنطقه خاليه من الافرازات والسواد .. !