:::: مشكله وحده وتبى لها حل :::::

[UmSawaf]

هلا بخواتي

حبيت اعرض لكم مشكلة احدى الاخوات ويانا في المنتددى ربي يسر امووورها

وتبى تشوووف الحل في الموضوع لانها وايد محتاره

واتمنى تلقى الرد الطيب منكم

وفي انتظار ردودكم

السلام عليكم ،،

حبيت أخذ رايكم عزيزاتي ..

الفترة الأخيرة تقدم لي شخص .. طبعا الموضوع مجرد كلام ..

ولو إني وافقت على نقطه .. بيكون رسمي ..

خبروني بنقطه مهمه جدا .. وانا الصراحه وايد خايفه منها ..

اللي وهو البيت

هو عنده أخت وأم وقالو لي أنه بيسكن معاهم في نفس البيت ..

لأن وحيدهم ومستحيل يسكن بعيد و يخليهم ..

واستطاعته محدوده .. قالو لي مب تطلبين تسكنين في شقه او بيت برع

من هالناحيه مايقدر .. لا مادياً ولا يقدر يخلي أهله في حالهم ..

واللي استغربت منه اكثر ..

أنهم ساكنين في بيت يدهم وطبعا هم لهم ملحق ( على كلامهم ) وأنا بسكن معاهم

يعني البيت مب بيت أهل الريال نفسه ( البيت فيه خواله وخالاته وحريمهم ويدهم ويدتهم )

الصراحه انا وايد متروعه من هالسالفه ..

خص انه البيت مب هم بس فيهم .. أحس وايد صعبه أخذ راحتي فيها ..

في الطلعه والدخله .. واللبس .. تعرفون عروس يديده ..

حسيت الوضع وايد صعب ..

ولو سمح الله حملت .. كيف بيكون الوضع ؟؟

وغير هذا يبون العرس هذا الصيف!

وأنا طبيعتي مب إجتماعيه .. خجولة ..

تعودت عند أهلي الهدوء والإنعزاليه في كل شي ..

الموضوع مؤرقرني الصراحه ..

ياليت تساعدوني فيها

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[القمزية]

وحليلها الموقف صعب .. المشكلة لو هو زين خسارة ترفضه بس ظروفه فضيعة عادي لو كان بيتهم ويا اخته وامه بس خواله ومادري امنوه جدا صعبة الله ايسرلها الامور يارب

[اليشمك]

مرحبا الغاليه ..........بصراحه ماحد يقدر يقرر شو تبين غيرج! بس انا احسدج على هالمه الحلوه واعتبريهم اهلج...اما عن اللبس و.....عندج غرفتج الخاصه والله يوفقج حبيبتي

[ghadeer1]

استخيري وربي يوفقك
واهم شي تدعي ربنا يختارلك الافضل دايما

[فساتين عرايس]

انصحج بالاستخاااااره ... والله يكتبلج الخير ان شاء الله

[hayaty.m]

استخيري وربي يسعدج
واذاكانواهله طيبين وهو طيب............توكلي على الله

[Eve Empire]

امممممممممم

أولاً: لا غنى عن الإستخارة..

ثانياً: حلوة تراها اللمة... صح لها سلبياتها، بس بعد لها إيجابياتها... و الشخص إلي متعود ع لمة الأهل يكون وايد حنون ع حرمته...

ثالثاً: بالنسبة للباسج، و إنج تاخذين راحتج في اللبس... هو صح بتكونين مقيدة في اللبس، بس في غرفتج بتاخذين راحتج....

رابعاً: المستقبل و العيال... لازم يكون لج قسم خاص، يعني مثلاً، غرفتين و صالة في البيت نفسه، اترتبون لكم الغرف في بيت أهله، و جذيه بتكونين شوي مستقلة... و عيالج لهم مكان و انتي لج مكان و بتاخذين راحتج...

و وايد عايشين جيه، و أشوفهم وااااايد مستانسين، و عيالهم متربين أحسن عن إلي عايشين مستقلين...

و طبعج خجولة، الفترة الأولى تكون فيها صعوبة... بس حاولي تتداخلين معاهم و ما تمحين شخصيتج و وجودج بسبب خجلج و مستحاج، بالعكس اثبتيه، الإثبات ما يكون بالقوة، الإثبات بالكلمة الطيبة، بالفعل الطيب عشان تخلين لج أثر طيب عند الكل، و هذا إلي بيخليج تتأقلمين معاهم ^_^

و ربي يسوي لج إلي فيه خير و ييسر لج أمرج...

و يا رب أكون قدرت أساعدج و لو شوي.... ^_^
موفقة الغلا...

[بنت الشوامس]

الغلا اذا بنتكلم بصراحة ومابتزعلين اذا انتي اللي يتقدمولج محدودين وانتي بديتي تكبرين فوافقي واذا انتي اللي يتقدمولج وايدين وممكن تكون فيه فرصة ثانية فارفضي

[غــــاية]

إذا الريال زين و أهله ناس زينين و ما عليهم كلام، استخيري ربج و بعده توكلي على الله . .

و أهله تراهم أهلج و أهل عيالج إن شاء الله، و بعد العرس إن شاء الله إبدوا يمعوا للبيت و الله يوفقج و يسعدج . .

[hanood9]

الوضع وايد صعب الغاليه ... صحيح يمكن نقولج عادي واللمه حلوه.. وان الريال زين خذيه ..لكن هذي حياه زوجيه وحياه خاصه بينج وبينه .. ومن حق لزوجه يكون لها بيت .. وفعلا يوم الزوجه لها بيت بروحها تاخذ راحتها اكثر.. وكل ما عدد الرياييل قل في البيت يكون لصالحج انتي ... تراه الكلام سهل ... والواقع اصعب .. وخاصه مب انه بيته ابوه هوه .. بيت اليد .. والكل فيه ... صلي استخاره في موضوعج .. وماخاب من استخار رب العالمين ... وان اشاء الله بتنحل مشكلتج ^_^ ..الله ايسر لج امورج الغاليه

والسموحه

[o0oM_MaYeD]

صلي صلاه الاستخاااااره كمن مره وماعليييج باي شي
والله يسهل امووووورج الغاليه

^^

[3yo0on_Al_Maha]

انصحج بالاستخاااااره ... والله يكتبلج الخير ان شاء الله

[مجنونة ربع]

هلا حبيبتي
ماعرف شو اقولج الصراحه
اذا اهله طيبين وحبوبين مافيها شي تيلسين وياهم
اصلا انتي بتكسبييينهم بهالطريقه
صلي استخاره
وبالنسبه للخجل ماعليه ان شاءالله بتتعودين عليهم
واللبس بتتقيدين صح بس ان شاءالله في غرفتج الخاصه بتلبسين اللي يريحج
والله يوفقج حبيبتي

[أم غـلا]

صلي الاستخارة والله بيوسع عليج

[dr randa]

عزيزتى نا خبير تنيمية بشرية وأستاذ صحة نفسية وأقول لك احذرى هذا الوضع الشائك فأنت فى مقتبل حياتك الأسرية بحاجة لأن تغلقى بابك عليك مع زوجك وتحاولا أن تتكيفا معا من خلال بعض التنازلات التى لابد منها كى تسير المركب فمهما كانت المحبة فكلاكما من بيتين مختلفين لكل طبعه الخاص وان تشابهت قيمكما ،انهامعركة فى بداية الزواج الغرض منها الوصول الى التوافق النفسى بين الشريكين ولن يكون ذلك فى ظل وجود أطراف عديدة رغما عنها ستميل الى جانب على حساب الاخر حتى وان كان مغه الحق، وعندما ستنجبين سيربى طفلك وسط معايير مخلفة يحاول كل فرد فرضها عليه وتضيع شخضيتك فى وسط هذا الصراع وربما تضطرين الى مزيد من التنازلات الى ان تتحول حياتك الى سلسلة من التنازلات فمهما كان تعاطف الزوج معك فى ايام الزواج الاولى الى انه لن يقف أمام تيار كل هذا الفريق
عزيزتى قد تكون هذه الأسرة أجمل أسرة فى الدنيا ولكن من يدرى انها مغامرة ابتعدى عنها وابحثى عن عش صغير يضمك مع زوج محب وليكن الاهل اهم من فى حياتكما ولكنا تظلحياتكما انتما لا أحد اخر وفقك الله وأسعد أيامك
د.رانده